Apostolmi 2:22 - Sümi Tiqhelimi Bible

²² “Aküsàmi Israelmiqo, hi inilo: Nazareth nó ghami Jisü ye Alhou no akümzapu, akichiqhipu eno amichipuqo vechewo nongu lau kishe pesü tsüke, tiye nongu no ithi ake toi Alhou no pa vechewo nongu gholo mülà keu ke.

BAIBEL (BSI)

²² “Israilmiqo, atsa hi inijulo, Nazaret no ghami Jisu ye nongu lau Alhou no kophetsukemi lakhi nongu gholo Alhou no pa vechewo akumzapu ngo akichiqhipu eno amchipu shikeu nongu ghi tsaqui ithi ani.

Sumi Naga CL (Re-edited) Bible (BSI)

²² “Israelmiqo, atsa hipaqo inilo, Alhou no Nazarethmi Jisü nongu lau kophe tsüno pa vecheo aküka kumto, akümzapu eno amchipu kümla shikeu nongu ampi no ithi ani.

Apostolmi 2:22 ပူးပေါင်းရင်းမြစ်များ

MATTHEW 12:28

Ikemu I no Alhou Ghungu küká vechewo tüghaküsaqo haphe aye, tiye Alhou kükaphu nongu shou ikughi anike.

MATTHEW 2:23

eno pa ye wu no mishiphu lakhi Nazareth ipikeu lo xüacheuve. Tihu no Jisü ye Nazarene ipi ku nani kepi tungkupumiqo vechewo piqhipüa keu shikupuve ke.

MATTHEW 9:8

Kughou timi aqokitikhi no hipau ithulu keno panongu ye akichiqhive eno panongu no Alhou no hitoi keu kükagha pesü timi tsü keu ghenguno Alhou sheqhe.

Luke 11:20

Ikemu I no Alhou küká vechewo tüghaküsaqo haphe aye, tiye Alhou kükaphu nongu shou ikughi anike.

Luke 18:37

Timiqo no pa vilo pi, “Nazareth nó ghami Jisü no hechesü wu chenie.”

Luke 24:18

Pama dolo Cleopas ipikeu no Jisü vilo iniju, “Jerusalem xuju wu kemi dolo O likhi no ishi dolo tilau kiu shivea keno mtha no ani keo?

John 1:45

Philip no Nathanael ithulu püzü pa vilo ishi pi, “Ningu ye Moses no Ayeza lo timi lakhi ghili yèpüa keu eno khuu tungkupumiqo ghí pa ghili yèpüa keno pa ithuluvae—pa ye Nazareth nó ghami Joseph nopu Jisü ke.”

John 10:37

I no I pù kümlàqo shimo ke thaqhülo I pülü kevilo.

John 11:47

Ikelo achinetomi eno Phariseemiqo no Jewmi Hoho kukütsü püzü no aküküpütsa shi. Panongu no ishi iniju, “Ningu ye kíshiveni kea? Timi hipau no hilehi amichipu kümlà kutomo shi anie.

John 12:17

Kughou pa no akumo lo Lazarus ku eno akithí lono pa xüputhu keno tile aqokitikhi pa gholo akemiqo no tipau tsa pesü veküpha auve.

John 15:24

Khunomu shimo keu akümzapu kümlàqo I no panongu gholo shimo ke aye panongu ye panongu xiné kühani cheke. Panongu ye ti ithuluve ake, tishi keghi panongu ye I pù ghí eno ni ghí mithi cheni ke.

John 19:19

Pilate no yepìthi lakhi ye pesü kros lo tsüghape qhive. Ishi yèpüa: Nazareth no Ghami Jisü, Jewmiqo Kükau.

John 3:2

Pa no putho lono Jisü lau ighino ishi pi, “Rabbi, no ye Alhou lau no ighi keu kükütsümi lakhi kepi ningu ye ithi anie. Kughengu Alhou no timi lakhi gholo aghimo ke aye nono amichipuqo shi akeu ye khilemu shimlae.”

John 4:48

Jisü no pa vilo pi, “Nongu ye amichipu ngò akümzapuqo ithulumo kelo ye khilemu pülümo nani ke.”

John 5:36

“Ni ye John nguno ashepe akimishiu anie. Kughengu I no itehi müla akeqo ye Apù no I pelo shiqhive penike akümlà tsü keqo ke eno tino Apù no I puwu kepi ashepe shitsü ani.

John 6:14

Jisü no amichipu kümlà shikeu ithuluve kethiu timiqo no ishi pi, “Kuchou no hiye ayeghi lo ighi niye piakeu Tungkupuu ke.”

John 6:27

Shipüsave chekeu chuqu ghenguno müla kevilo, ikemu lhokta küxü kutólo ngolu chekeu chuqu ghenguno müla lo, tiye Timi Nu no nongu tsü nani ke. Kughengu Apù Alhou no pa shou pulobe mekhavae.”

John 7:31

Tishimu, aqokitikhi dolo timi kutomo no pa pülüluve. Panongu no pi, “Kughou Messiah ighini keno, pa ye timi hipau nguno akichiù amichipu kümlàqo shi nani keshea?”

John 9:33

Tsalá timi hipau no Alhou lau no ighimo kemi shi aghí aye, pa ye kiumu shimlae.”

Apostolmi 13:16

Paul no puthugho püzü pa u peqhe-pìye no ishi pi: “Israelmi aküsàmi eno nongu Alhou mülá chekemi Jewkumomiqo, I tsa inilo!

Apostolmi 14:27

Tilehi ighi kelo pama no akukuhomiqo aqoshi kukütsü püzü Alhou no pama vechewo kiu mülà tsü eno pa no kíshi Jewkumomiqo lau aküpülü hukikha khaqhive tsü keno ti kümtsü pesü pìthitsü.

Apostolmi 2:19

I no kunguu atsütsǘ lo akichiqhipu shi pìye nani eno aqhou ayeghi lo amichipu shi pìye nani, ajì ngò ami eno amichhi phoboi nani.

Apostolmi 2:43

Apostolmiqo no akümzapu eno amichipuqo kümlà kutomo shikeu kümtsü no ithulu püzü akümzaqhiyi keu no chhitoive.

Apostolmi 21:28

no ighamuku ghi ishi pi, “Ni küsàmi Israelmiqo, ni kuphulo! Timi hipau no aqha kümtsü lo timiqo vilo niw timi ngò ni yeza eno a-a hipau lachile keu shika achenie. Tinguno alau, pa no Greekmiqo sasü achineki lo ighino akimthe-a hipau shikuchubeve anie.”

Apostolmi 22:8

“ ‘Ampeu no ye khuu kea?’ ipi I no iniju. “Pa no khochile, ‘Ni ye nono pishi-puju akeu Nazareth nó ghami Jisü ke.’

Apostolmi 24:5

“Ningu no phulu keu no timi hipau ye aküpüna shikichemi, ayeghiqha kümtsü lo Jewmiqo dolo heküpüsa xukutho chekemi lakhi ke. Pa ye Nazarene mqo gholo atou sakipheu ke

Apostolmi 26:26

Akükau ye thime hipaqo kuchopu ithi ani, eno ni ye ighümo no pa vilo pilu ani. I no pülübeyi akeu ye hipaqo kuchopu pa zülo küsüve müla nani, kughengu hiye cheku-cheghu lono shipe püamoe.

Apostolmi 26:9

“Ni ampi ghí Jisü ipikeu Nazareth nó ghami lachile nike ghenguno tokulupu laghi kümtsü shiju ke.

Apostolmi 3:12

Kughou Peter no hi ithulu keno pa no panongu vilo pi: “Aküsàmi Israelmiqo, kushiye hino nongu kichiqhive pe ani kea? Kushiye nongu ye ni küká momu ni mikucho lono timi hipau pelo alachelu pe ake toi qheghüi ningu ju ani kea?

Apostolmi 3:6

Tisheno Peter no pi, “Ni ye ghükayi momu ameshoyi kiumu kühae, ikemu I no kiu ani keno ti O tsüní. Nazareth nó ghami Jisü Khristo je lono alà chelo.”

Apostolmi 4:10

hi ithilo, nongu Israelmi kümtsü: Hiye Nazareth nó ghami Jisü Khristo khuu nongu no yedave kemu Alhou no akithí lono xüputhuve keno pa je lono timi hipau shipivive no nongu zülo puthugho ani.

Apostolmi 5:35

Tisheno pa no Jewmi Hoho vilo pi: “Israel timiqo, nongu no timi hipaqo lau kiu shi niye ani keno tsaqüi kümsüjulo.

Apostolmi 6:14

Kughengu pa no Nazareth nó ghami Jisü no a-a hipau kütsave nani eno Moses no akukhuaye ningu tsü no pekishe ighi keu kilive tsü nani ipikeu ningu no chilue.”

2 Kor. 12:12

Ni ye tsükhoi shi no nongu lau apostolmiw kuchou michiqo gholo amchipu, akichiqhipu eno akümzapu kümlàqo pephe-piye ke.

IBRIMI 2:4

Alhou ghí xakulu hu ye amichipu, akichiqhipu, eno akümzapu kümlà jeliqo eno pa pulou kiqi lono kijé tsü keu Aghungu Kimthe ghòqo vechewo thopi shitsü ke.