Apostolmi 19:4 - Sümi Tiqhelimi Bible

⁴ Paul no pi, “John’w baptiz ye amlo pebideve kemiw baptiz ke. John no timiqo vilo timi lakhi pa thiu ighi nani ke pa shou pülübe lo ipi ke, tiye Jisü ke.”

BAIBEL (BSI)

⁴ Paul no pi, “Johan no baptiz shitsu chekeu huye timi khunoqono xukithelu akeno tipaqo ghenguno ke. Pano timiqo vilo pichekeuno, pa thiu milakhi chekeu shou pulubelo picheke, ike tiye Jisu pi ake.”

Sumi Naga CL (Re-edited) Bible (BSI)

⁴ Paul no pi, “John baptizkishi ye timiqo vilo milakhi pa thiu chekeu, ti ye Jisü, shou pülübe lo pikeu, axine lono xaidekeu baptizkishi ke.”

Apostolmi 19:4 ပူးပေါင်းရင်းမြစ်များ

John 1:15

(John no pa vehu pesü ashepe shie. Eno pa no ighamuku pi, “I no pa ghili piakeu hu ye I no kughou, ‘Timi lakhi I shelo ighi niye akeu ye I nguno akiqheu ke, kughengu pa ye I züu no acheghivae,’ ipikeu hu ke.”)

John 1:26

John no khochile, “Ni ye azü lono baptiz shi chenie, ikemu nongu no mtha keu lakhi nongu gholo puthugho anie.

John 1:27

Pa ye I shelo ighi niye akeu ke, ni ye pa pukhukuqho kütsügha kighimu kuqho nike aküzüpu kumoe.”

John 1:7

Pa vechewo timi kümtsü pelo pülülu penike ghenguno pa ye aküvü ghili pesü ashepe shipe nike ghenguno thopimi lakhi shisü ighie.

Apostolmi 1:5

Kughengu John ye azü lono baptiz shitsü ke, ikemu atsala hami thiu nongu ye Aghungu Kimthe lono baptiz shitsü nani.

Apostolmi 11:16

Tile no I no Ampeu no pikeu tsa hipau kümsüchilelu: ‘John ye azü pesü baptiz shitsüe, ikemu nongu ye Aghungu Kimthe lono baptiz shitsü nani.’