Apostolmi 18:3 - Sümi Tiqhelimi Bible

³ eno pama gholo akümlà shi ghi ngove, kughengu pama hutoi pa ghí aphiki tsüghǘ no qechu chekemi ke.

BAIBEL (BSI)

³ eno pama gholo ngove eno panongu kumtsa mla ache, kughengu pama hutoi Paul ye aphi-ki tsughu keu vechewo pa likhi pano peithakepu qechu-che.

Sumi Naga CL (Re-edited) Bible (BSI)

³ eno pa ghi pama toi aphiki lhikishi lo akehu, panongu kümtsa ngono kilhisho shiuve.

Apostolmi 18:3 ပူးပေါင်းရင်းမြစ်များ

1 Kor. 4:12

Ningu ye nilikhi ni-u pesü aghime shi mülà acheni. Kughou ningu ghushoni keno, ningu ye kümgha tsü cheni; kughou ningu pishi-pujuni keno ningu ye tipau lo kutuuve cheni;

1 Kor. 9:14

Tihutoi, khunoqo no atsakiviu kütsü cheni keno panongu ye atsakiviu kütsü keu vechewo xülu pe moayesa kepi Ampeu no azah tsüke.

1 Kor. 9:15

Ikemu ni ye hipaqo chipiu lakhimu peitha pe püamoe. Eno ni ye nongu pelo I ghenguno titoi shipe nikeu lakuju qhi ghi hipau yè anike kumoe. Kughengu I no achipiu hipau lo agijivilei atsakiviu kütsü chekeu lo khiuala pelo shipühave pe nikeu züqhulo ni ye thive keumu pavi ke.

1 Kor. 9:18

Tishiaye iw qesaxu ye kiu kea? Hipau ke: Ni ye ame lumo no kümsá no atsakiviu kütsü nikeu ke, eno tisheno ni ye atsakiviu kükütsümi lakhi shiaghi namu I chipiu kuchopu peithamo niye ke.

2 Kor. 11:7

I likhi I shikuchunuve püzü I no ame lumo no Alhou tsakiviu pesü nongu lau kütsü keu vechewo nongu süqhepuku niye shikeu hu ye I ghenguno axiné keshea?

2 Kor. 11:9

Eno I no nongu gholo akelo kiuala avehupu shive keu ghenguno ni ye timi khumu shipüna püamoe, kughengu Macedonia lono athiküzümi ighi kemiqo no I no kiu avehupu shi keno tsüve cheke. Ni ye I likhi I pesü kiu laghi lonomu nongu shipünamo ke eno ni ye tishi ache nani.

2 Kor. 12:13

I kuphu peniye khilemu nongu shipünamove keu ghenguno kumo aye niye kiu lono akukuhou kütauqo nguno alhoküsau shi nongu peitha püani keshea? Akipimí hipau ghenguno I kipimí qhitsülo.

1 Thes. 2:9

Athiküzümi eno achelimiqo, ningu no ghichhe-ghime shi mülà keu nongu ye mütsümishei ithi anie; ningu ye Alhou tsakiviu pesü nongu lau pikülha ake ghuloki lo khiumu pünanishimo keu ghenguno ningu ye putho-pucho mülà acheke.

1 Thes. 4:11

eno iqünhei keu küxü xü nikeu no nongu kimiji shilo: ningu no nongu vilo pike toi nongu ye nongu likhi nongu kümlapù lo amlotsüqhiyi amasa eno nongu u no mülà amasa ke,