Apostolmi 17:11 - Sümi Tiqhelimi Bible

¹¹ Jewmi Berea lo achekeqo ye Thessalonica lo Jewmi akemiqo nguno akükümsü qhaqhilei ke, kughengu panongu no ighono khekulhoshi akükütsü sütsa ikhilu tsü eno Paul no pikeu tsaqo hu kuchou kemo keno tsalà kipetsü Kuchoyesü phukideküdaju ae.

BAIBEL (BSI)

¹¹ Judami tile aghikeqoye Thesalonia lo akeqo nguno inapugha kotha- lethakeu kuha. Panonguno khekulhoshi atsa hu ikhilutsu, eno Paul ngo Sila pama no pikeu tsaqo hu kuchou kemo kelaye tsalakipetsu kuchoyesu phukide kudajue.

Sumi Naga CL (Re-edited) Bible (BSI)

¹¹ Jewmi hipaqou ye Thessalonica lo akeqo nguno tsaqüi kemi; panongu no khekulhoshi atsa ikhilu, eno hi ye tishi kemo keno ithi niye tsalakipetsü Kuchoyesü phukide jue.

Apostolmi 17:11 ပူးပေါင်းရင်းမြစ်များ

MATTHEW 13:23

Ikemu apitì aghüma kivi lo ikiqi ilo keu kiqi ye khunoqo no Alhou tsa chilu püzü ti vethalu keno tipau kiqi ke. Hipaqo no athi pithí tsü cheni, apitì vesü keu lo hami no aqhe no küghüsü, hami no lhotsügho no küghüsü eno hami no shighi no küghüsü ishi pithílu cheni.”

Luke 1:2

Inahuu thebei shi ithulu kemi eno asütsa pe veküpha kemi no kiu ningu vilo pi keno tipaqo panongu no yeluve.

Luke 11:3

Tsalakipe chuqupu ishí tsalà lo ningu tsülo.

Luke 16:29

“Abraham no khochile, ‘Panongu ye Moses eno Tungkupumiqo kaku ani, panongu pelo tipaqo tsa ini pelo.’

Luke 24:44

Pa no panoqo vilo pi, “I no nongu gholo aphi lono hipau nongu vilo pivae: Moses Yeza, Tungkupumi eno Lesheleqo lo I ghili yèpüa keu kümtsü shikupu moayesae.”

John 3:21

Ikemu khuno no amikucho shi xü cheni keno pano ye aküvü lo ighi cheni, tishianguno panongu no kiu müla keno tiye Alhou nhekithe lono müla ke ipi mütsümishei ithulu peniye ke.

John 5:39

Nongu no azükini shi Kuchoyesüqo phi cheni kughengu nongu no tilehi no lhokta küxü ani pi kümsü cheni ke. Kuchoyesü hipaqo no I shepe shitsü ani,

Apostolmi 10:33

Ikehu I no akimighi shi O kuwu peniye timi puwu ke, nono ighive keu no alovae. Itehi ningu kümtsü hilehi Alhou zülo ani, eno ningu ye Ampeu no O vilo ningu lau kiu pilo pi azah tsü keno chilu nike ngokhe anie.”

Apostolmi 11:1

Judea qha kümtsü lo Jewkumomi ghí Alhou tsa ikhiluvae ipikeu apostolmi ngò küpülümiqo no chilu.

Apostolmi 17:1

Kughou Paul eno pa küsàmiqo no Amphipolis ngò Apollonia phu vechesü ighi keno panongu no Thessalonica lo Jewmi’w synagog akeu lo ighi.

Apostolmi 2:41

Pa kükütsü sütsa ikhilu kemiqo ye baptiz shiluve, eno tipau tsalà lo timi 3,000 qhalo panongu gholo kihiküsü shiluve.

1 Thes. 1:6

Ampeu no xüpiye keu eno ningu no xüpiye keu kishishi nongu no xüke, kughengu nongu no shishe ime akeu dolo no Aghungu Kimthe no tsü keu lokiqi vechewo akükütsü sütsa ikhilu ke.

1 Thes. 2:13

Eno ningu ye alhokuthu lono Alhou shikimthi acheni, kughengu kughou nongu no Alhou tsa khikhi ningu lau no chilu eno ikhilu keno, nongu ye timi tsa lakhi paphi shi ikhilumoe, ikemu Alhou tsa lakhi toi kuchou shi ikhilu ke, eno Alhou tsa ye nongu khunoqo no pülüluvea keno tipaqo gholo kuchou no müla anie.

2 Thes. 2:10

Eno pühave niye shi akemiqo pishiqhive nike ghenguno küsakügha laghi kümtsü peitha nani. Panongu ye pühave nani kughengu panongu no kuchou kimiye no xalu nikeu milive ke.

James 1:21

Tighenguno, aphikümqhüpu süqesüli eno küsakügha kümlà ighono qhakuchho shi akeu kümtsü qhivelo eno Alhou tsa O lolo shosüpüa keu aqhokigheu shi ikhilulo, tino O xalu nani ke.

1 Peter 2:2

Angá kughunuqo toi, aghungu kichhizü kitiqemo keu ye nikeu mineqhiyi lo, tishianguno tipau vechewo nongu pelo nonguw xakulu küxü lo thuwulu peniye ke,