Apostolmi 16:14 - Sümi Tiqhelimi Bible

¹⁴ Ningu tsa ini akemi gholo totimi lakhi je ye Lydia, li ye huzüi keu tiphimini lhidi shi chekemi eno Thyatira mishighüna lono ighi kemi ke. Li ye Alhou mülá chekemi. Ike Paul kükütsü tsa lo amlotsüqhiyilu penike Ampeu no li mlo khaqhi tsüe.

BAIBEL (BSI)

¹⁴ Ningu tsa iniakeqo gholo totimi lakhi je ye Ludia. Liye Thiyatira ghami eno huzuyikeu tiphimini jechekemi, eno liye kuchou shi Alhou mllache. Ampeu no li mlo xukhotsu puzu li pelo Paul no pikeulo amlo tsuqhiyilu pe.

Sumi Naga CL (Re-edited) Bible (BSI)

¹⁴ Ningu tsa chilu kemi totimi lakhi ye Thyatira ghami Lydia, hughaike phimini jeche kemi, li ye Alhou kümllami. Ampeu no li mlo xükho tsüno li pelo Paul no pikeu lo amlo tsüqhiyi lupe.

Apostolmi 16:14 ပူးပေါင်းရင်းမြစ်များ

Luke 24:45

Tisheno pa no panoqo pelo Kuchoyesü ithikuthulu penike panongu kükümsü khaqhi tsü.

John 12:20

Ike tiqhitini lo mülá niye iqho kemiqo dolo Greekmi khami ghí ae.

Apostolmi 10:2

Cornelius eno pa kibolomi kümtsü Alhou lau amlo kütsümi eno Alhou sümsa chekemi; pa ye kümsá no shishe kumlhomiqo kuphu eno pa ye tamo no Alhou vilo inikhu ache.

Apostolmi 11:21

Ampeu küká panongu gholo ae, eno timi kutomo no pülüluve püzü Ampeu lau xaideghiluve.

Apostolmi 13:43

Kughou akukuho ixave keno Jewmi ngò Jewmi chineye luve no amlo tsü akemi kutomo no Paul ngò Barnabas pape wu, pama no panongu sasü küptsa eno Alhou’w küpükini lo xüache penike hakite.

Apostolmi 13:50

Ikemu Jewmi sakiphemiqo no Alhou sükümsami totimi aqo-aho lo ampemi eno mishighüna lo ajekipi sakiphemi kipitimiqo xukuthove. Panongu no Paul ngò Barnabas pama pishi-puju nikeu xukutho no tipa qha lono hapheve penike panongu xukuthoe.

Apostolmi 16:40

Paul ngò Silas pama ye akughuki lono ipeghive kethiu pama no Lydia ki lo wue, eno tilehi athiküzümi eno achelimiqo sasü kusholu no panongu shikumto tsülue. Tisheno pama ye wuve.

Apostolmi 18:7

Ikehu pa no synagog lono cheve, tisheno tipau phivilo Alhou mülá chekemi Titius Justus ipikeu ki lo ilove.

Apostolmi 8:27

Ike Philip no alà cheve, eno alà lo che kelo pa no Ethiopiami shoko lakhi kusholu, pa ye Ethiopiamiqo shou Akükaliu Kandake’w akinikhuki jukütsü chekemi kijemi akhotomi lakhi ke. Timi hipau ye Jerusalem lo Alhou mülá niye wue,

Rommi 9:16

Tighenguno hiye timi no shinishi keu momu pükapütsa keu shou kumoe, ikemu Alhou’w kimiyekini shou ke.

FILIPIAMI 2:13

kughengu Alhou no pa kimiji kivi shikupulu penike eno pulolu penike ghenguno nongu lolo mülà acheni.

Piyeküsü 1:11

eno asütsa tipau no ishi pi: “Nono kiu ithulu keno liküküzü kaku lakhi lo yèpuku no akukuhou tsünì hipaqo lau tsüpuwu lo: Ephesus, Smyrna, Pergamum, Thyatira, Sardis, Philadelphia eno Laodicea.”

Piyeküsü 3:20

Julo! I no ahukikha lo puthugho no kukhu cheni. Khukhumu I sütsa chilu no ahukikha khaqhi aye, I no iloghi no timi tipau gholo chu nani, eno panongu no I gholo chu nani.

Piyeküsü 3:7

“Philadelphia lo akukuhouw kungumi lau yè ani: Atsa hipaqo khuu no akimthe eno kuchou eno David’w khayi pesü ani keno pa tsa ke. Pa no kiu khaqhivea keno khunomu khamlae, eno pa no kiu khavea keno khunomu khaqhi mülae.