Apostolmi 15:4 - Sümi Tiqhelimi Bible

⁴ Kughou panongu no Jerusalem lo ighi keno akukuhomi, apostolmiqo eno kichimiqo no alokivishi panongu sasü, eno Alhou no panongu vechewo kiu müla tsü keno tipaqo kümtsü panoqo vilo lhepiye.

BAIBEL (BSI)

⁴ Panonguno Jerusalem lo ighikelo akukuhomi, apostolmi eno kupulumi kichimiqono aghakiqishi panongu sasu, eno Alhou no panongu pesu kiu shilupekeno kumtsu panoqo vilo lhepiye.

Sumi Naga CL (Re-edited) Bible (BSI)

⁴ Kughou panongu no Jerusalem lo ighi keno, akukuhomi, apostolmi, eno layemi no alokivi shi panongu sasü, eno Alhou no panongu pesü kiu shilupe keno kümtsü lhepiye.

Apostolmi 15:4 ပူးပေါင်းရင်းမြစ်များ

MATTHEW 10:40

“Khuu no nongu sasüni keno I sasü ani, eno khuu no I sasü keno I puwu akeu sasü ani.

Apostolmi 11:30

Panongu no titoi shi no Barnabas ngò Saul pama gholo no akukuho lo kichimiqo lau akukuphu ghò tsüpuwue.

Apostolmi 14:27

Tilehi ighi kelo pama no akukuhomiqo aqoshi kukütsü püzü Alhou no pama vechewo kiu mülà tsü eno pa no kíshi Jewkumomiqo lau aküpülü hukikha khaqhive tsü keno ti kümtsü pesü pìthitsü.

Apostolmi 15:12

Tile kuho akemi kümtsü no Barnabas ngò Paul pama Alhou no pama vechewo Jewkumomiqo lau amichipu eno akümzapu mülà akeu pikeu chilu püzü iqünheive.

Apostolmi 15:2

Hipau ghenguno Paul ngò Barnabas pama ye panongu gholo aloqhi kimpi eno kighe keu shive. Ikehu küpülümi kütamiqo gholo Paul ngò Barnabas pama kishe pesü Jerusalem lo iqho no apostolmiqo eno kichimiqo sasü hipau vehu küptsaju pe nikeu shie.

Apostolmi 15:22

Tishive no apostolmi eno kichimiqo gholo akukuhomiqo kümtsü küqha no pano likhi panow timi khami kishe pesü Paul ngò Barnabas pama gholo Antioch lo puwu nikeu shi xathalu. Panongu no küpülümiqo gholo sakiphemi, Judas (Barsabbas ipi chekeu) eno Silas pama kishelu.

Apostolmi 15:3

Akukuhou no panongu puwuve, eno panongu no Phoenicia eno Samaria vechesü kicheghüzü shiche kelo Jewkumomi no kíshi Alhou lau xaideghilu ani keno panongu vilo pitsü. Asütsa kithé hipau chilu püzü küpülümiqo kümtsü no alokivishive.

Apostolmi 15:6

Ikehu apostolmiqo eno kichimiqo no hipau vehu küptsa nike ghenguno kushoe.

Apostolmi 16:4

Pama no kicheghüzü shisü mishighüna lakhi lono lakhi lo wu, tisheno apostolmi ngò kichimiqo no Jerusalem lo kiu xakütha shilu keno tipaqo pesü küpülümiqo pelo pelu penike pitsüe.

Apostolmi 18:27

Kughou Apollos no Achaia lo wu nishi akeno, athiküzümi eno achelimiqo no pa shikumto eno akhopemiqo vilo pa sasǘ tsülo ipi akiyé yètsü. Kughou pa no Achaia tolu keno, Alhou’w küpükini lono küpülümi shiluve keqo lau pa ye akukuphu kijè shilu.

Apostolmi 21:17

Kughou ningu no Jerusalem lo ighi keno, athiküzümi eno achelimiqo no alokivishi ningu sasülu.

Apostolmi 21:19

Paul no panoqo sasü petha shi eno pa kümlà vechewo Alhou no Jewkumomiqo gholo kiu mülave tsü akeno chixechilei pìthitsü.

Rommi 15:18

I no pi eno müla keu vechewo Khristo no Jewkumomiqo pelo Alhou ghokulu lo saighilu pe nikeu lo tokulu shilu keu nguno alau kütau kiumu pimoe.

Rommi 15:7

Tishiaye Alhou juküvüpu shipe nike ghenguno Khristo no nongu ikhilu ketoi nongu ghí lakhi no lakhi ikhilulo.

1 Kor. 15:10

Ikemu Alhou’w küpükini vechewo I pelo apostolmi lakhi shilu pe ke, eno I lau paw küpükini tsü keu hu ye adou shivemoe. Moe, ni ye panongu kümtsü nguno alau aghime shi mülà acheke—tishiaghimu tiye I no kumoe, ikemu Alhou’w küpükini I gholo achekeu hu no ke.

2 Kor. 5:19

Ike tiye hike, Alhou no timiqo ghimeqhi nike ghenguno axiné kihikülai tsü keu shimo no Khristo vechewo ayeghilomi sasü külashilu ke. Eno pa no külashilu keu kükütsü sütsa pesü ningu lau pichetsüke.

2 Kor. 6:1

Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo.

Kolosiami 4:10

I gholo akughumi shi akeu Aristarchus no petha nongu tsüpuwu ani, eno titoi Barnabas nó bolomi Mark ghí petha tsüpuwu ani. (Nongu vilo Mark ghili ashe-azü shi kichevetsü akehu tsalá pa no nongu lau ighi aye, pa sasǘ lo.)

2 John 1:10

Tsalá khuala no nongu lau ighino akükütsü hipau peighimo aye, panongu pelo nongu ki lo iloghi pe kevilo momu panongu sasǘ kevilo.