Apostolmi 15:22 - Sümi Tiqhelimi Bible

²² Tishive no apostolmi eno kichimiqo gholo akukuhomiqo kümtsü küqha no pano likhi panow timi khami kishe pesü Paul ngò Barnabas pama gholo Antioch lo puwu nikeu shi xathalu. Panongu no küpülümiqo gholo sakiphemi, Judas (Barsabbas ipi chekeu) eno Silas pama kishelu.

BAIBEL (BSI)

²² Tile Apostolmi ngo kupulumi kichimiqo eno akukuhomi kumtsu sasu kuqha puzu panongu muqo lono timi khami kishe puzu Paul ngo Barnaba gholono Antiok lo tipaqo puwu nikeu pulokuqhalu. Panonguno Barsaba ipichekeu Juda ngo Sila pama kishe, pamaye athikuzumi gholo sakiphemi shi acheke.

Sumi Naga CL (Re-edited) Bible (BSI)

²² Tileno apostolmi ngo layemi eno akukuhomi kümtsü no pano dolono timi khami kishe no Paul ngo Barnabas pama gholono Antioch lo puwuni ke pulove. Panongu no athiküzümi dolo atomi Barsabbas ipiche keu Judas ngo Silas pama puwu.

Apostolmi 15:22 ပူးပေါင်းရင်းမြစ်များ

Apostolmi 1:23

Ikehu panongu no timi kini je shuphe: Barsabbas ipi chekeu Joseph (aje kütau Justus ghí pi cheni) eno Matthias.

Apostolmi 11:19

Stephen pìthíve keu lono pishi-puju ipeghi keu vechewo küpülümi apanaghave kemiqo no Phoenicia, Cyprus eno Antioch kutólo wu no Jewmiqo dolo likhi Alhou tsa pesü külha wove.

Apostolmi 11:20

Ikemu panongu gholo khami ye Cyprus eno Cyrene lono Antioch lo wu no Ampeu Jisü tsakiviu ghili pesü panongu vilo likhi kumo no Greekmiqo vilo ghí pithuve.

Apostolmi 11:22

Hipau sütsa Jerusalem lo akukuhou tove, ikehu panongu no Antioch lo Barnabas puwu.

Apostolmi 11:27

Hipa ghuloki lo Jerusalem lono tungkupumi khami Antioch lo iqighi.

Apostolmi 15:23

Panongu gholo ishi yèpe tsüpuwu: Apostolmi eno kichimi, nongu thiküzümiqo, Antioch, Syria eno Cilicia lo Jewkumomi küpülümi akemiqo lau: Petha tsü ani.

Apostolmi 15:25

Ikehu ningu kümtsü puloküqha no timi khami kishe pe ningu küsàu kiviu Paul ngò Barnabas pama gholo no nongu lau puwu nikeu shie—

Apostolmi 15:27

Tighenguno ningu no yèsü kiu ye ani keno akichi tsa lono mütsümishei shive niye Judas ngò Silas puwu ani.

Apostolmi 15:3

Akukuhou no panongu puwuve, eno panongu no Phoenicia eno Samaria vechesü kicheghüzü shiche kelo Jewkumomi no kíshi Alhou lau xaideghilu ani keno panongu vilo pitsü. Asütsa kithé hipau chilu püzü küpülümiqo kümtsü no alokivishive.

Apostolmi 15:30

Ikehu kishe pe püakeu timiqo ye puwuve no Antioch lo iqive, tile akukuhomiqo hekütsü no yèsü pesü panongu tsüe.

Apostolmi 15:32

Judas ngò Silas pama ye tungkupumi ghí kehu, shikumto tsa kutomo pesü küpülümiqo hakitetsü.

Apostolmi 15:40

ikemu Paul ye Silas kisheluve no küpülümiqo no pama Ampeu’w küpükini lo kulhuqhive tsü no cheve.

Apostolmi 16:19

Kughou li no qelu chekeu lajupu kühave keu li mpeunoqo no ithive keno panongu no Paul ngò Silas pama tsüqüluve no pama sünhepe aqó lhikishi-a lo ayekipemiqo zülo sasü wue.

Apostolmi 16:25

Putho-mta ghuloki lo Paul ngò Silas pama ye akighini shi eno akishé le phe ghi Alhou sheqhea, eno akughumi kütamiqo no pama tsa ini ae.

Apostolmi 16:29

Akughuki jukükütsüu no akulu süghi penike ku, eno akimighi shi posü Paul ngò Silas pama gizülo qhoqhünhe pe ikiqi ngove.

Apostolmi 17:10

Putho shive kemtsa küpülümiqo no Berea lo Paul ngò Silas pama puwuve. Pama no ti tolu kelo Jewmi’w synagog lo iloe.

Apostolmi 17:14

Küpülümiqo no akimighi shi azüghi küdau Paul puwuve, ikemu Silas ngò Timothy pama ye Berea lo ngove.

Apostolmi 17:4

Panoqo gholo Jewmi khami ye vethaluve no Paul ngò Silas pama gholo küqhaluve, titoi Greekmi Alhou sümsa chekemi kutomo eno totimi ajekipimi khami ghí tishiluve.

Apostolmi 18:5

Kughou Silas ngò Timothy pama no Macedonia lono ighive keno, Paul ye ado kümtsü ikhiphe no kütsü eno Jewmiqo vilo Jisü ye Messiah kepi ashepe shiae.

Apostolmi 8:14

Kughou Jerusalem lo apostolmiqo no Samariamiqo no Alhou tsa ikhiluvea ipikeu chiluve keno, panongu no Peter ngò John pama Samaria lo puwu.

2 Kor. 1:19

Kughengu Silas, Timothy eno I vechewo Alhou Nu Jisü Khristo ghili nongu lau kütsü keu hu ye “Iye” eno “Moe” kinikujo pichemoe, ikemu Alhou lau no alhokuthu lono “Iye” ipi cheni.

1 Thes. 1:1

Yesǜ hipau ye Paul, Silas eno Timothy lau no, Apù Alhou eno Ampeu Jisü Khristo vechewo Thessaloniami kukuhou lau yèlu ani: Küpükini eno aloino keu nongu gholo apeniu.

2 Thes. 1:1

Yesǜ hipau ye Paul, Silas eno Timothy no, Ningu Papù Alhou eno Ampeu Jisü Khristo lono Thessaloniami kukuhou lau yèlu ani:

1 Peter 5:12

Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.