Apostolmi 15:1 - Sümi Tiqhelimi Bible

¹ Timi khami no Judea lono Antioch lo iqighi no hitoi küpülümiqo kütsüe: “Moses no nongu kütsü keu kukhuaye kiqi lono aphighüyiko-küghá shimo aye nongu ye xamlae.”

BAIBEL (BSI)

¹ Ikemu Judia lono timi khami Antiok lo iqighi puzu ishi athikuzumiqo kutsu aghi: “Muse yezah kiqilo toi nonguno aphighu yiko ghave moaye nongu xamla nani.”

Sumi Naga CL (Re-edited) Bible (BSI)

¹ Ikemu Judea lono timi khami Antioch lo ighi no ishi athiküzümi kütsü, “Moses khuaye kiqi lono nongu no aphighüyiko ghamo aye, nongu ye xamlae.”

Apostolmi 15:1 ပူးပေါင်းရင်းမြစ်များ

John 7:22

Moses no aphighüyiko-küghá (kuchou lo ye hiye Moses lau no ighimo, ikemu apù-asüqo lau no ighike) pesü nongu tsü keu ghenguno nongu ye Sabbath tsalà lono anu kipitimi phighüyiko gha acheni.

Apostolmi 1:15

Tishiwo kushuwa kumo dolo Peter no küpülümiqo (kümtsü küqha kelo panongu aqhe no muku qhemi ake) dolo puthugho

Apostolmi 15:22

Tishive no apostolmi eno kichimiqo gholo akukuhomiqo kümtsü küqha no pano likhi panow timi khami kishe pesü Paul ngò Barnabas pama gholo Antioch lo puwu nikeu shi xathalu. Panongu no küpülümiqo gholo sakiphemi, Judas (Barsabbas ipi chekeu) eno Silas pama kishelu.

Apostolmi 15:23

Panongu gholo ishi yèpe tsüpuwu: Apostolmi eno kichimi, nongu thiküzümiqo, Antioch, Syria eno Cilicia lo Jewkumomi küpülümi akemiqo lau: Petha tsü ani.

Apostolmi 15:24

Ningu gholo timi khami no ningu lau no puloza lumo no wu püzü nongu pünaqhi ani, eno panongu no kiu pi keno tino nongu kükümsü püna ani ipi ningu no chilu ani.

Apostolmi 15:3

Akukuhou no panongu puwuve, eno panongu no Phoenicia eno Samaria vechesü kicheghüzü shiche kelo Jewkumomi no kíshi Alhou lau xaideghilu ani keno panongu vilo pitsü. Asütsa kithé hipau chilu püzü küpülümiqo kümtsü no alokivishive.

Apostolmi 15:32

Judas ngò Silas pama ye tungkupumi ghí kehu, shikumto tsa kutomo pesü küpülümiqo hakitetsü.

Apostolmi 15:5

Tishi akelo Phariseemi mqo gholo pülüluve kemi khami no puthugho no pi, “Jewkumomiqo ghí aphighüyiko ghave moayesae eno aghokulu shi Moses yeza pape moayesae,” ipi.

Apostolmi 21:20

Kughou hi chilu keno panongu no Alhou sheqhe. Tisheno panongu no Paul vilo pi, “Athiküzüu, no ghí julo, Jewmi qhethonhe khijehi no pülüluvea kea, eno panongu kümtsü ayeza ghenguno minemighei kemi likhie.

Apostolmi 6:14

Kughengu pa no Nazareth nó ghami Jisü no a-a hipau kütsave nani eno Moses no akukhuaye ningu tsü no pekishe ighi keu kilive tsü nani ipikeu ningu no chilue.”

Galatiami 2:1

Tisheno ampe chighibidi thiu, ni ye itaghi Jerusalem lo iqhoe. Ishíu lo ye Barnabas ngò Titus ghí I gholo sawue.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

Galatiami 6:12

Khunoqo no timi lhoaye vechewo timi kütami pulou shinishi cheni keno panongu ye nongu pelo tsümomo aphighüyiko ghave peniye pükapütsa anie. Panongu no hipau shi akeu ye Khristo’w kros ghenguno pishi-puju keu lono müxüve nikeu ghengu likhi no ke.

Kolosiami 2:16

Tighenguno timi khuu pelo nomu nongu no kiu chu eno sho cheni, momu tiqhitini tsalà ikhilu chekeu, Aqhi Kithe momu Sabbath tsalà ikhilu chekeu vechewo nongu shou küghathabe pe kevilo.

Kolosiami 2:8

Khristo lau no ighi keu kumo aye, khuu pelo nomu abokümsa eno pishikiqhi phukutho khikhi timi kukhuaye eno hipau yeghi ghawu thime küká shou pükhübe keu vechewo ighi cheni keno tipaqo pelo nongu küghasüwuve pe kevilo.