Apostolmi 14:1 - Sümi Tiqhelimi Bible

¹ Thosülo toi Paul ngò Barnabas pama ye Iconium lo Jewmi’w synagog lo wu. Tilehi pama kükütsü kivi vechewo Jewmi ngò Greekmiqo kutomo no pülüluve.

BAIBEL (BSI)

¹ Ikonia lo ghi Paul ngo Barnaba pamano Judami Sinagog lo ilo eno puzuu tho lono pikeu loye Judami ngo Judakumomi aqo kutomono kupulumi shive.

Sumi Naga CL (Re-edited) Bible (BSI)

¹ Iconium lo Paul ngo Barnabas pama no Jewmi sinagog lo ilo no thopi shikelo Jewmi ngo Jewkumomi kutomo no pülüluve.

Apostolmi 14:1 ပူးပေါင်းရင်းမြစ်များ

Mark 7:26

Topumi hu ye Greekmi lakhi eno li ye Syria lo Phoenicia ipikeu lono punú kemi. Li no Jisü vilo tüghaküsa hu li ngá phi lono hapheve tsülo ipi qhüinijue.

John 12:20

Ike tiqhitini lo mülá niye iqho kemiqo dolo Greekmi khami ghí ae.

John 7:35

Jewmiqo dolo lakhi no lakhi vilo ishi pi, “Timi hipau ye ningu no phu müla keu-a khila wuve niye kümsü ani kea? Pa ye niw timi Greekmiqo gholo apanaghave kemiqo lau wu no xü püzü Greekmiqo kütsü niye shi ani keshea?

Apostolmi 11:21

Ampeu küká panongu gholo ae, eno timi kutomo no pülüluve püzü Ampeu lau xaideghiluve.

Apostolmi 13:43

Kughou akukuho ixave keno Jewmi ngò Jewmi chineye luve no amlo tsü akemi kutomo no Paul ngò Barnabas pape wu, pama no panongu sasü küptsa eno Alhou’w küpükini lo xüache penike hakite.

Apostolmi 13:46

Tishi kelo Paul ngò Barnabas pama no akumto shi panongu khochile: “Ningu ye atüghishi Alhou tsa pesü nongu vilo pi moayesave ke. Ikemu nongu no milive eno nongu likhi nongu ye lhokta küxü ithulu küzü kumoe ipi ikhiluve ke, itehi ningu ye Jewkumomi lau wuni ae.

Apostolmi 13:5

Kughou pama no Salamis tolu keno, pama no Jewmi Synagogqo lo Alhou tsa pesü asheshu. John no akukuphuu shi pama gholo che.

Apostolmi 13:51

Ikehu pama no panongu lachile keu michi shi pama pukhu lo ayeghimukhu kukhuqhive no Iconium lo wuve.

Apostolmi 14:19

Tile no Jewmi khami Antioch ngò Iconium lono ighino timiqo mlo zülu khave. Panongu no atu pesü Paul veqhi eno pa ye thivea küghashi kümsüve no mishighüna khalau sünhekiti peve.

Apostolmi 14:2

Ikemu Jewmi khunoqo pülüni keu milive keno panongu no Jewkumomi kütamiqo xukuthove eno athiküzümiqo lachile penike panongu kükümsü lo alhoküsa xusüve tsüe.

Apostolmi 14:21

Pama no mishighüna tipau lo atsakiviu pesü kütsü püzü timi kutomo pelo küpülümi shiluve pe. Tishive no pama ye Lystra ngò Iconium küdau no Antioch lo ideghive,

Apostolmi 16:1

Paul no Derbe lo ighi, eno tisheno Lystra lo küpülümi lakhi Timothy ipikeu ki lo ighi, pazá ye Jewmi eno küpülümi lakhi, ikemu papù ye Greekmi ke.

Apostolmi 16:2

Lystra ngò Iconium lo küpülümiqo kümtsü no Timothy ghili pipivi che.

Apostolmi 17:12

Tishikehu, kutomo no pülüluve, Greek totimi akimchimiqo ngò Greek kipitimiqo kutomo ishi no pülüluve.

Apostolmi 17:17

Ikehu pa no synagog lo Jewmi ngò Alhou sükümsami Greekmi, eno tsalakipe alhikishi-a lo ighi kemiqo sasü küptsa-kiqiju ache.

Apostolmi 17:4

Panoqo gholo Jewmi khami ye vethaluve no Paul ngò Silas pama gholo küqhaluve, titoi Greekmi Alhou sümsa chekemi kutomo eno totimi ajekipimi khami ghí tishiluve.

Apostolmi 18:4

Sabbath tsalà kümtsü synagog lo wu no Jewmi eno Greekmi pütsaqhi niye küptsa-kiqiju ache.

Apostolmi 18:8

Tipathiu, synagog lo sakipheu Crispus ipikeu ye pa kibolomi kümtsü sasü Ampeu pülüluve: eno Paul no pikeu tsa chilu püzü pülülu kemi Korinthiami kutomo no baptiz shilue.

Apostolmi 19:10

Ampe kini kutólo Paul no hitoi shi ache, tishi keu vechewo Asia bocho lo xü akemi Jewmiqo ngò Greekmiqo kümtsü pelo Ampeu tsa chilu peniye ke.

Apostolmi 19:17

Kughou Ephesus lo küami Jewmi ngò Greekmiqo no hipau tsa chilu keno panongu kümtsü akümsa no chhive, eno Ampeu Jisü je pesü akiqheu lo qhi no agigihu tsüe.

Apostolmi 19:8

Paul no synagog lo ilo no aqhi küthü kutólo amlo kumto shi timiqo pütsa, kütsalaju eno tamo no Alhou kükaphu ghili pesü pikülha ae.

Apostolmi 20:21

Ni ye Jewmi ngò Greekmiqo kinikujo vilo ghí panongu ye Alhou lau xaideighi no amlo pebideve püzü ningu Mpeu Jisü shou pülübe moayesa kepi shukiphe shive tsüae.

Apostolmi 21:28

no ighamuku ghi ishi pi, “Ni küsàmi Israelmiqo, ni kuphulo! Timi hipau no aqha kümtsü lo timiqo vilo niw timi ngò ni yeza eno a-a hipau lachile keu shika achenie. Tinguno alau, pa no Greekmiqo sasü achineki lo ighino akimthe-a hipau shikuchubeve anie.”

Apostolmi 9:20

Pa ye paikhavi lono synagog lo Jisü ye Alhou nu kepi kütsü thuve.

Rommi 1:16

Ni ye atsakiviu ghenguno küjove chemoe, kughengu hiye pülü kemi kümtsü lau xakulu süghitsü chekeu Alhou küká ke: atüghishi Jewmi lau, eno tithiu no Jewkumomi lau süghi ke.

Rommi 10:12

Kughengu Jewmi ngò Jewkumomi dolo kiumu kütüqü keu kühae. Ampeu hipau ye kümtsü Mpeu ke eno pa ku kemi kümtsü kupukuno shi kümgha tsü cheni,

Galatiami 2:3

Tishimu Titus khuu I gholo ngoa keno pa ye Greekmi lakhi shi aghí namu pa kutólo tsükhoi aphighüyiko ghave moayesa keu shimo ke.

Galatiami 3:28

Ikehu Jewmi ngò Jewkumomi, aqüaxemi ngò kuqhopheve kemi, kipitimi ngò totimi dolo kütüqü keu kühae, kughengu Khristo Jisü gholo kimepe akeu lono nongu kümtsü lakhi ke.

Kolosiami 3:11

Alhoaye akitheu küxü hipau lo ye Jewmi momu Jewkumomi, aphighüyiko ghave kemi momu aphighüyiko ghamo kemi, ayekümthami, Scythiami, aqüaxemi momu kuqhopheve kemi kühae, ikemu Khristo no kümtsü nguno akhotou eno pa ye kümtsü lolo anike.

2 Tim. 3:11

I no khijehi pishi-puju eno aghimeqo sholu, eno Antioch, Iconium eno Lystra lo I lau kiu shive eno I no pishi-puju sholu kelo kutuuluve keu nono ithi anike. Tishimu Ampeu no tipaqo kümtsü lono I xaphe tsüke.