Apostolmi 13:50 - Sümi Tiqhelimi Bible

⁵⁰ Ikemu Jewmi sakiphemiqo no Alhou sükümsami totimi aqo-aho lo ampemi eno mishighüna lo ajekipi sakiphemi kipitimiqo xukuthove. Panongu no Paul ngò Barnabas pama pishi-puju nikeu xukutho no tipa qha lono hapheve penike panongu xukuthoe.

BAIBEL (BSI)

⁵⁰ Ikemu Judami no aphughilo sakiphemi ngo totimi aqo-aholo sapheghi Alhou mlla chekeqo xukuthoe. Panonguno Paul ngo Barnaba pama shou shikighime nikeu xukutho eno tipa qha lono pama hapupove.

Sumi Naga CL (Re-edited) Bible (BSI)

⁵⁰ Ikemu Jewmi no Alhou sükümsami totimi aqoaho lo chuqumghai kemi ngo mishighüna lo timi akhotomi chuxu, eno Paul ngo Barnabas ghimeni ke xukutho thuve no tipa cheaxü lono pama hapupove.

Apostolmi 13:50 ပူးပေါင်းရင်းမြစ်များ

MATTHEW 10:23

Kughou a-a lakhi lo nongu pishi-pujuni keno, a-a kütau pove lo. Kuchou no I no nongu vilo pìní, nongu no Israel lo mishiphuqo lo wukha mphi lono timi nu ye ighive nani.

Mark 15:43

Arimathea nó ghami Joseph no amlo kumto shi Pilate lau wu püzü Jisü sükumo khue. Joseph ye Mijetsümi mqo lo akhotomi lakhi eno pa ye Alhou kükaphu ighi nikeu ngokhe acheke.

Mark 5:17

Ikelo ache-axü lo xüküami no Jisü vilo pano ko-aqha qhive no wuve tsülo pi qhüiniju thuve.

Apostolmi 13:43

Kughou akukuho ixave keno Jewmi ngò Jewmi chineye luve no amlo tsü akemi kutomo no Paul ngò Barnabas pape wu, pama no panongu sasü küptsa eno Alhou’w küpükini lo xüache penike hakite.

Apostolmi 13:45

Kughou Jewmiqo no timi kutomo akeu ithulu keno panongu ye anhekushu no chhitoive. Eno panongu no Paul no pikeu tsa lachile eno pa shou küthakügha shie.

Apostolmi 14:19

Tile no Jewmi khami Antioch ngò Iconium lono ighino timiqo mlo zülu khave. Panongu no atu pesü Paul veqhi eno pa ye thivea küghashi kümsüve no mishighüna khalau sünhekiti peve.

Apostolmi 14:2

Ikemu Jewmi khunoqo pülüni keu milive keno panongu no Jewkumomi kütamiqo xukuthove eno athiküzümiqo lachile penike panongu kükümsü lo alhoküsa xusüve tsüe.

Apostolmi 14:4

Mishighüna lo timiqo ye kijethave: khami no Jewmiqo gholo eno kütamiqo no apostolmiqo gholo küqhave.

Apostolmi 14:5

Tile Jewmi ngò Jewkumomiqo no panonguw sakiphemiqo sasü kümqüve no apostolmi pama ghimeqhi püzü atu pesü veqhi nikeu shi püghüe.

Apostolmi 16:14

Ningu tsa ini akemi gholo totimi lakhi je ye Lydia, li ye huzüi keu tiphimini lhidi shi chekemi eno Thyatira mishighüna lono ighi kemi ke. Li ye Alhou mülá chekemi. Ike Paul kükütsü tsa lo amlotsüqhiyilu penike Ampeu no li mlo khaqhi tsüe.

Apostolmi 17:12

Tishikehu, kutomo no pülüluve, Greek totimi akimchimiqo ngò Greek kipitimiqo kutomo ishi no pülüluve.

Apostolmi 17:13

Ikemu kughou Jewmi Thessalonica lo akemiqo no Paul no Alhou tsa pesü Berea lo kütsü ani ipi chilu keno, panongu khami no tilau ghí wu no timiqo shikughutho eno aküpüna shipe niye panongu xukuthoe.

Apostolmi 17:17

Ikehu pa no synagog lo Jewmi ngò Alhou sükümsami Greekmi, eno tsalakipe alhikishi-a lo ighi kemiqo sasü küptsa-kiqiju ache.

Apostolmi 17:4

Panoqo gholo Jewmi khami ye vethaluve no Paul ngò Silas pama gholo küqhaluve, titoi Greekmi Alhou sümsa chekemi kutomo eno totimi ajekipimi khami ghí tishiluve.

Apostolmi 18:7

Ikehu pa no synagog lono cheve, tisheno tipau phivilo Alhou mülá chekemi Titius Justus ipikeu ki lo ilove.

Apostolmi 2:5

Tishi akelo Jewmi Alhou sümsa chekemi shiye jeli kümtsü ighino Jerusalem lo ngo ae.

Apostolmi 21:27

Kughou atsala akütsüniu ashekha shive niye akeno, Asia bocho lono ighi kemi Jewmi khami no achineki lo Paul ithuluve. Panongu no aqokitikhi kümtsü xukutho püzü pa küghaluve,

Apostolmi 28:17

Atsala küthü thiu Paul no tipa qhalo Jewmi sakiphemiqo ku kumqoe. Kughou panongu no hekütsü kumqoluve keno, Paul no panongu vilo ishi pi: “I thiküzümiqo, I no niw timiqo zülo kiumu shipimi keu küha momu ningu pù-asüqo no pimhe ighi keu kukhuaye lo kiumu shipimi keu kühamu Jerusalem lono I küghaluve no Rommiqo u lo phesüve tsüe.

Apostolmi 6:12

Panongu no timiqo, kichimiqo eno ayeza kükütsümiqo xukuthove. Panongu no Stephen küghaluve no Jewmi Hoho zülo sasü ighi.

Apostolmi 8:1

Eno Saul ye timiqo no Stephen pìthíve keu lo puloküqha tsüe. Tipau ghuloki lo Jerusalem lo akukuho shou shishe pishi-puju keu kijè lakhi ipeghive, eno tile apostolmiqo thono küpülümi kütamiqo ye Judea ngò Samaria qha kümtsü lo apanagha khave.

Rommi 10:2

Kughengu panongu no Alhou lau minemighei akeu I no thopi shi tsülu nani, ikemu panongu no minemighei akeu ye kuhou kighithi boqha küha ke.

2 Kor. 11:26

ni ye tamo no izü acheni. Ni ye aghokiqo lo kümsapu sholue, süxakulumiqo lau no kümsapu sholue, ni ye nilikhi niw timiqo lau no kümsapu sholue, Jewkumomiqo lau no kümsapu sholue, mishighüna lo kümsapu sholue, küghünamokeu-a lo kümsapu sholue, azüghi lo kümsapu sholue; eno kichileu küpülümiqo lau no kümsapu sholue.

1 Thes. 2:14

Kughengu athiküzümi eno achelimiqo, nongu ye Judea lo Khristo Jisü vechewo Alhou kukuhou akeqo kishishi shiluvea ke: Judea lo akukuhouqo no Jewmiqo lau no aghime sholu keu hutoi nongu ghí nolikhi nonguw timiqo lau no aghime sholu ke.

2 Tim. 3:11

I no khijehi pishi-puju eno aghimeqo sholu, eno Antioch, Iconium eno Lystra lo I lau kiu shive eno I no pishi-puju sholu kelo kutuuluve keu nono ithi anike. Tishimu Ampeu no tipaqo kümtsü lono I xaphe tsüke.