Apostolmi 13:32 - Sümi Tiqhelimi Bible

³² “Ningu no nongu vilo atsakiviu piani: Alhou no ni pù-asüqo lau kiu piqhipüa akeno

BAIBEL (BSI)

^32-33 Ninguno asutsa kiviu nongu lau peighi akeuno, Alhou no kiu shitsunipi apu-asuqo lau piqhipe puakeno, tipau panoqo tianuli lau shikuputsu ani, ti Jisu xaputhuvekeu lono, hiye Leshele akiniu lo ghi yehpe puakeu toi. ‘Noye inu, Ishino ino opuh shiluvae.’

Sumi Naga CL (Re-edited) Bible (BSI)

³² Eno Alhou no apuasüqo lau piqhi keu tsakiviu ningu no nongu lau süghi ani,

Apostolmi 13:32 ပူးပေါင်းရင်းမြစ်များ

Luke 1:19

Kungumi no pa vilo pi, “Ni ye Gabriel ke. Ni ye Alhou phivilo puthugho acheni eno I pelo O pütsa eno asütsa kivi hipau O vilo pipe nike I puwu ke.

Luke 2:10

Ikemu kungumi hu no panongu vilo pi: “Msà kevilo. I no timi kümtsü lau alokivi süghi niye shi akeu sütsa kivi pesü nongu lau süghi anie.

Apostolmi 10:36

Nongu ye Alhou no Israelmi lau akükütsü sütsa tsü keu hu ithi ani, tiye Jisü Khristo khuu kümtsü shou Ampeu keno pa vechewo alokughuno tsakiviu piputo tsüke.

Apostolmi 13:23

“Alhou no tushoqhi püakeu toi, timi hipau tikughuko lono xakuluu Jisü Israelmi lau süghitsü ani.

Apostolmi 13:38

“Tighenguno, I thiküzümiqo, Jisü vechewo axiné qhikütsü akeu ithi penishi ye, ni ye nongu lau asheshu ani.

Apostolmi 14:15

“Aküsàmiqo, nongu ye kushiye hi shi ani kea? Nikujo ghí nongu toi timi ke. Ningu no nongu lau atsakiviu süghi akeu ye nongu pelo ameküha keu thime jeli hipaqo qhive no xü akeu Lhou, khuu no atsütsǘ, ayeghi, azüghi eno tipaqo lo akeu kümtsü lhosü keno, pa lau ideighi peniye ke.

Apostolmi 26:6

Eno itehi ye Alhou no ni pù-asüqo lau kiu tushoqhi keno I no tipau shou lajube keu ghenguno ishí ye I shou atsa kügha anie.

Apostolmi 3:19

Tishiaye amlo pebideve lo, eno Alhou lau xaide ighilo, tishianguno nongu xinéqo nuxave tsü penike eno aghüthipüxü keu do tipau ye Ampeu lau no ighi peniye ke,

Apostolmi 5:42

Tsalà kipetsü, panongu ye khilemu tavemo no Jisü ye Messiah ke ipi asütsa kivi pesü achineki khala lo ngo aki-aki lo kütsü no asheshu ache.

Rommi 1:2

Atsakiviu ye Alhou no azüu no paw tungkupumiqo vechewo Akimthe Kuchoyesü lo piqhipüa keu ke.

Rommi 10:15

Eno khukhumu puwumo kelo ye kíshi no akükütsü sütsa pikülhani kea? Kuchoyesü lo ishi yèpüa keu toi: “Atsakiviu pesü ighi chekemi pukhu ye kiutoi akümzapushi jukivi kela!”

Rommi 4:13

Abraham eno pa nuli-kughukoqo ye ayeza vechewo pa ye ayeghiqha mheghi kiyighiu shi nani kepi Alhou no piqhipüa keu ighílu ke kumoe, ikemu aküpülü lono achipiumikucho shilu chekeu vechewo no ke.

Rommi 9:4

Israelmiqo ye Alhou no saputhu pesü anukishimi shilu pe ke; panongu pelo pa kimthe juküvü küsaje pe ke, pa no panongu sasü puloshoqhiqo shi eno ayeza pesü tsüke. Pa no panoqo pelo kuchou shi pa chineki lo mülá lupe eno panoqo sasü pikiqhi shike.