Apostolmi 13:26 - Sümi Tiqhelimi Bible

²⁶ “Athiküzümi Abraham nuliqo eno Alhou sükümsami Jewkumomiqo, xakulu kükütsü sütsa hipau ye ningu lau tsüpuwu keu ke.

BAIBEL (BSI)

²⁶ “Abraham polo kughukomi ithikuzumi Israilmi. Judakumomi eno nongu Alhou sumsachekeqo, xakulupu sutsa hipau ningu lau puwuvetsu anie.

Sumi Naga CL (Re-edited) Bible (BSI)

²⁶ “Athiküzümi, Abraham nuli, eno nongu Alhou sümsa chekeqo, xakulupu tsape hipau ningu lau puwuve tsüae.

Apostolmi 13:26 ပူးပေါင်းရင်းမြစ်များ

MATTHEW 10:6

Tishini ke züqhu Israelmi ambe toi pühape akemi lau wulo.

MATTHEW 3:9

Eno nongu ye nolikhi no vilo, ‘Ningu ye Abraham no ningu papù ke,’ ipi pilu nani küghashi kümsü kevilo. I no nongu vilo pìní, Alhou ye atu hipaqo pesü Abraham ghenguno anuli kughulhopheve tsülu nani.

Luke 1:69

Pa no pa qeu David lagha lono ningu ghenguno xakulu kükau kijè süqhe tsüke

Luke 1:77

tiye paw timiqo lau axiné qhikütsü vechewo xakulu kighithi tsü niye ke.

Luke 24:47

eno Jerusalem lono huthu no shiye kümtsü lau pa je lono amlo pebide eno axiné qhivetsü keu sütsa pesü asheshu nani.

John 6:68

Simon Peter no pa khochile, “Ampeu, lhokta küxüpu tsaqo O gholo anike ningu ye khuu lau wuni kea?

Apostolmi 10:2

Cornelius eno pa kibolomi kümtsü Alhou lau amlo kütsümi eno Alhou sümsa chekemi; pa ye kümsá no shishe kumlhomiqo kuphu eno pa ye tamo no Alhou vilo inikhu ache.

Apostolmi 10:35

eno shiye jeli kümtsü lono pa sümsa chekemi eno kiu no achipi keno tipau shi chekemi ikhilu cheni.

Apostolmi 13:43

Kughou akukuho ixave keno Jewmi ngò Jewmi chineye luve no amlo tsü akemi kutomo no Paul ngò Barnabas pape wu, pama no panongu sasü küptsa eno Alhou’w küpükini lo xüache penike hakite.

Apostolmi 13:46

Tishi kelo Paul ngò Barnabas pama no akumto shi panongu khochile: “Ningu ye atüghishi Alhou tsa pesü nongu vilo pi moayesave ke. Ikemu nongu no milive eno nongu likhi nongu ye lhokta küxü ithulu küzü kumoe ipi ikhiluve ke, itehi ningu ye Jewkumomi lau wuni ae.

Apostolmi 16:17

Totimi hipau no Paul ngò ninguqo pape no ighamuku ishi pi, “Timi hipaqo ye Akiqheu Alhou qemiqoe, panongu ye nongu vilo xakulupu laghi pitsü akemie.”

Apostolmi 22:5

Achinetou ngò Jewmi Hoho lo akemi kümtsü no hipau shepe shi tsülu nani. Damascus lo panongu mülà küqha chekemi lau yèsü yè keu kutólo ni ye panongu lau no khulue, eno timi tipaqo akughumi shi sasü Jerusalem lo ighino ghimeqhi niye tilau wuche ke.

Apostolmi 28:28

“Tighenguno I no nongu pelo ithi penishi akeu ye Alhou’w xakulu ye Jewkumomiqo lau puwuvae eno panongu no chilu nanie!”

Apostolmi 3:26

Kughou Alhou no pa qeu xüputhuve keno, pa no atüghishi nongu lau puwu keu ye nongu pelo alhoküsa laghi jeliqo lono xaideghive no kükümgha ithulu peniye ke.”

Apostolmi 4:12

Xakulu ye khuu lau nomu ithulu chemoe, kughengu atsütsǘ qholo ningu timi jeli pelo xakulu ithulu penike aje kütau kiumu tsüpe püamoe.”

Apostolmi 5:20

Kungumi no panongu vilo pi, “Wulo, achineki lo puthugho no timiqo vilo aküxü kithé hipau ghili pesü pilo.”

Rommi 1:16

Ni ye atsakiviu ghenguno küjove chemoe, kughengu hiye pülü kemi kümtsü lau xakulu süghitsü chekeu Alhou küká ke: atüghishi Jewmi lau, eno tithiu no Jewkumomi lau süghi ke.

Ephesiami 1:13

Eno kughou nongu no kuchou kükütsü sütsa, nonguw xakulu tsakiviu chilu keno, nongu ghí Khristo gholo küqhaluvea ke. Kughou nongu no pülüluve keno, nongu ye chishida keu pesü pa gholo amichi shive ke. Pikiqhi Ghungu Kimthe

Kolosiami 1:5

aküpülü eno kikimiye ye nongu ghenguno kungugha lo lajupu pekütsü pe püakeu lono qò ipeghi anike eno nongu lau atsakiviu kükütsü sütsa kuchou khikhi nongu lau ighi keno tile no nongu ye