Apostolmi 13:14 - Sümi Tiqhelimi Bible

¹⁴ Pama ye Perga lono Pisidian Antioch lo ighi. Pama no Sabbath tsalà lo synagog lo ilo eno iqae.

BAIBEL (BSI)

¹⁴ Pamaye Perga qhiveno Pisidia ghakhulo Antiok lo ighi, eno Sabat tsala lono Sinagog lo iqae.

Sumi Naga CL (Re-edited) Bible (BSI)

¹⁴ ikemu pama ye Perga lono Pisidia Antioch lo ighi, eno Sabbath tsalani sinagog lo ilo iqae.

Apostolmi 13:14 ပူးပေါင်းရင်းမြစ်များ

Luke 4:16

Pa no pa saputhukeu-a Nazareth lo wu, eno pa no shi chekeu kukhuaye kiqi lono pa ye Sabbath tsalà lo Synagog lo wu. Pa no liküküzü kaku phisü niye puthugho,

Apostolmi 13:42

Kughou Paul ngò Barnabas pama no synagog qhive no wuve che keno timiqo no pama kusü no ighi nikeu Sabbath tsalà lo ghí ighino pama no pi akeqo hu alau pitsülo ipi.

Apostolmi 13:44

Akiniù Sabbath tsalà lo mishighüna lo akemi khami likhi thono kümtsü Ampeu tsa chilu nike ighi kumqoe.

Apostolmi 13:46

Tishi kelo Paul ngò Barnabas pama no akumto shi panongu khochile: “Ningu ye atüghishi Alhou tsa pesü nongu vilo pi moayesave ke. Ikemu nongu no milive eno nongu likhi nongu ye lhokta küxü ithulu küzü kumoe ipi ikhiluve ke, itehi ningu ye Jewkumomi lau wuni ae.

Apostolmi 13:5

Kughou pama no Salamis tolu keno, pama no Jewmi Synagogqo lo Alhou tsa pesü asheshu. John no akukuphuu shi pama gholo che.

Apostolmi 14:19

Tile no Jewmi khami Antioch ngò Iconium lono ighino timiqo mlo zülu khave. Panongu no atu pesü Paul veqhi eno pa ye thivea küghashi kümsüve no mishighüna khalau sünhekiti peve.

Apostolmi 16:13

Sabbath tsalà lo ningu no mishighüna khagho vechesü akighini shi nikeu-a aghí nani kepi phusü aghoki lo wue. Ningu no tilehi iqa no totimi kumqo aghikemiqo sasü küptsae.

Apostolmi 17:2

Thosülo pa no shi chekeu toi, Paul no synagog lo wu no Sabbath tsalà küthü kutólo Kuchoyesü lono pa no timiqo sasü küptsa-kiqiju,

Apostolmi 18:4

Sabbath tsalà kümtsü synagog lo wu no Jewmi eno Greekmi pütsaqhi niye küptsa-kiqiju ache.

Apostolmi 19:8

Paul no synagog lo ilo no aqhi küthü kutólo amlo kumto shi timiqo pütsa, kütsalaju eno tamo no Alhou kükaphu ghili pesü pikülha ae.

Apostolmi 9:20

Pa ye paikhavi lono synagog lo Jisü ye Alhou nu kepi kütsü thuve.

2 Tim. 3:11

I no khijehi pishi-puju eno aghimeqo sholu, eno Antioch, Iconium eno Lystra lo I lau kiu shive eno I no pishi-puju sholu kelo kutuuluve keu nono ithi anike. Tishimu Ampeu no tipaqo kümtsü lono I xaphe tsüke.