Apostolmi 10:4 - Sümi Tiqhelimi Bible

⁴ Cornelius no akümsa lau no thüghüi pa ju. Pa no, “Kiu kea, Ampeu?” ipi iniju. Kungumi hu no khochile, “O kighini eno nono kümsá no kumlhomiqo kuphu chekeu ye Alhou gizülo kümsüma müla keu kümlagho shi ikughivae.

BAIBEL (BSI)

⁴ Pano akumsa launo kutuxope kungumi hu jupuzu pi, “Akijeu kiu kya?” Kungumi huno ishi pa vilo pi, “Okighini eno nono kumsano timi kuphuchekeu Alhou no ikhiluvetsua eno okumsulu ani.

Sumi Naga CL (Re-edited) Bible (BSI)

⁴ Pa no thüghüi kungumi juno pi, “Ampeu, kiu kea?” Kungumi huno pi, “O kighini eno nono kumlhomi kuphu chekeu ye kümsükulu kümllagho shi Alhou tovae.

Apostolmi 10:4 ပူးပေါင်းရင်းမြစ်များ

MATTHEW 26:13

Kuchou no I no nongu vilo pìní, atsakiviu hipau pesü ayeghiqha khilehi pikülhasü wuni keno, totimi hipau no kiu shivea keno li kümsüma mokeu shi hipau ghili piche nani.”

Luke 1:29

Mary ye kungumi tsa chilu püzü shishe amlo save eno kiutoi keu lokivi sütsa shi aghí nani kea ipi akümza ae.

Luke 24:5

Totimi pama ye msà kelau no pama gi ayeghi lo pishiqho pe ngove, ikemu timi hu no pama vilo pi, “Nongu ye kushiye kithimi gholo küxümi phu cheni kea?

Apostolmi 10:31

püzü ishi pi, ‘Cornelius, Alhou no O kighini chiluvetsüa eno nono aghòqo pesü kumlhomi kuphu chekeu hu Alhou no kümsüluve tsüae.

Apostolmi 14:9

Pa ye Paul kükütsü tsa tsaqüi ini ae. Paul no tsaqüi pa ju kelo pa ye shipiviluve kepu küpülü akeu ithulu

Apostolmi 22:10

“ ‘Ampeu, ni ye kiu shini kea?’ ipi I no iniju. “Ampeu no pi, ‘Ithulo,’ eno ‘Damascus lo ilolo. Tilau no O pichepüa keu kümtsü pesü O vilo pitsü nani ke.’

Apostolmi 3:4

Peter no thüghüi pa ju eno titoi John ghí pa ju. Tisheno Peter no pi, “Ningu julo!”

FILIPIAMI 4:18

Ni ye I jume kuchopu ithuluvea eno lukümkhapu shi ani. Nongu no Epaphroditus lau no aghò I tsüpuwu keu hu ithulu no ni ye kupukuno shi anie. Tipaqo ye axokütsüngü kümlagho, Alhou mlokiqipu eno pa lau ikhikulupu aghakishi lakhi ke.

FILIPIAMI 4:6

Kiu ghengu nomu amlo kütakihi kevilo, ikemu atüqhüdo kümtsü lo akighini eno qhüiniju keu gholo shikimthikütsü vechewo nongu vehupu pesü Alhou vilo pilo.

IBRIMI 13:16

Eno akümlà kivi shini keu ngò kütami gholo küsaje nikeu kümsüma kevilo, kughengu Alhou ye hitoi keu kümlaghoqo ju pesü amloqi cheni ke.

IBRIMI 6:10

Alhou ye achipiu kumo shichemo ke; pa ye nongu kümlàqo eno nongu no paw timiqo kuphu keu eno tamo no kuphu akeu vechewo kikimiye pa pìyeve keu khilemu kümsümamo nani.

Piyeküsü 8:4

Müsüghüta michhi gholo no Alhou’w timiqo kighini hu ye kungumi u lo akipiti bohu pesü akeu lono Alhou lau ikuve.