Apostolmi 10:22 - Sümi Tiqhelimi Bible

²² Panongu no ishi khochile, “Ningu ye aqhe shou zatsüu Cornelius lau no ighi anie. Pa ye amikuchomi, Alhou sümsa chekemi eno Jewmi kümtsü no pa gihu chekemi lakhi ke. Akimthe kungumi lakhi no pa vilo pikeu no O pelo pa ki lo ighino nono kiu pi kepu ani keno pa no ini kepu shini ke ighino pilo pie.”

BAIBEL (BSI)

²² “Keptein Kornelia no ningu puwue. Paye timi kivimi, Alhou sumsachekemi eno Judami kumtsuno gihu achekemi lakhi. Alhou wu kungumi kimthe lakhino pa kichepiye keuno opelo pa kilo ighikepushi eno nono kiu pikepushi aghini keno inikepushi no kupuwulo pike.”

Sumi Naga CL (Re-edited) Bible (BSI)

²² Panongu no pi, “Kungumi kimthe no azah tsüke toi Cornelius, aqhe zatsüu, süchomi, Alhou sükümsami, Jewmi shiye kümtsü no gihu chekeu no nono kiu pikepu ani keno ininike o pelo pa kilo ighitsü peniye kupuwu ani.”

Apostolmi 10:22 ပူးပေါင်းရင်းမြစ်များ

MATTHEW 1:19

Ikemu li kimi Joseph ye amikucho shi ayeza pape chekemi kehu, pa ye aqha zülo no li shikukujomo nike ghenguno tuqhou no li sasü tishetiye shimove nikeu kümsüve.

MATTHEW 2:12

Eno Herod lau idewo pemo nike Ampeu no asamou no panongu pikichive kehu, panongu ye alaghi kütau lono pano ghakhu lo idewove.

Mark 6:20

kughengu Herod no John ye amikuchomi eno akimthemi lakhi kepi ithi no pa sümsa eno süsho acheke. Kughou Herod no John ghili chilu keno pa ye ighono avehuizüve; tishimu pa ye John tsa ini nishive.

Mark 8:38

Amikucho kumo eno axiné no chhitoi akeu tiqheli hipau lo khuala no I ghenguno eno I tsape ghenguno kujomza aghí aye, ni Timi Nu ghí kughou Papù juküvü lono akimthe kungumiqo gholo ighini keno timi tipaqo je piphe tsümo nani.”

Luke 2:25

Jerusalem lo timi amikuchomi eno Alhou sükümsami lakhi Simeon ipikeu ache. Aghungu Kimthe no pa shou ache eno pa ye Alhou no Israel lokughuno tsü nikeu khekulhoshi acheke.

Luke 23:50

Ike tile timi lakhi Joseph ipikeu ae, pa ye Jewmi Hoho lo kihimpemi, akivimi eno achipiu shi chekemi,

Luke 9:26

Khuno no I ghenguno eno I tsape ghenguno kujomzani keno Timi Nu ghí kughou pa no pa juküvü, Apù juküvü eno akimthe kungumiqo juküvü lo ighini keno timi tipaqo je piphe tsümo nani.

John 13:20

Kuchou no I no nongu vilo pìní, khukhumu I no puwu keu ikhilu keu ye ni ikhilu ani; eno khukhumu ni ikhilu keu ye I puwu akeu ikhilu ani.”

John 17:20

“Ni ye panongu ghengu likhi no inikhu anike kumoe. I no inikhu akeu ye khuno no panongu kükütsü sütsa vechewo I pülüni keno tipaqo ghengu ghí inikhu anie,

John 17:8

Kughengu nono I tsü keu tsaqo panoqo tsüke eno panongu no tipaqo ikhilue. Panongu ye mütsüqhei no ni ye O lau no ighi kepi ithi ani, eno panongu ye nono I puwu kepi pülüluve ake.

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

John 6:63

Aghungu no aküxü tsü cheni; ashi ye kiumu kihi akepu kühae. I no nongu vilo pive keu tsaqo ye Aghungu eno aküxü no chhitoi ani.

John 6:68

Simon Peter no pa khochile, “Ampeu, lhokta küxüpu tsaqo O gholo anike ningu ye khuu lau wuni kea?

Apostolmi 10:2

Cornelius eno pa kibolomi kümtsü Alhou lau amlo kütsümi eno Alhou sümsa chekemi; pa ye kümsá no shishe kumlhomiqo kuphu eno pa ye tamo no Alhou vilo inikhu ache.

Apostolmi 10:21

Ikehu Peter no iqighi püzü timiqo vilo pi, “Nongu no phu chekeu timi hu ni ke. Nongu ye kiu shi ighi ani kea?”

Apostolmi 10:30

Cornelius no khochile: “Atsala küthü züu hipau tüqhüdo lo ni ye avelau ayì küthü kihe lo I ki lo akighini shiae. Paikhavi timi lakhi no phuphui keu tiphimini pepu no I zülo puthugho

Apostolmi 10:33

Ikehu I no akimighi shi O kuwu peniye timi puwu ke, nono ighive keu no alovae. Itehi ningu kümtsü hilehi Alhou zülo ani, eno ningu ye Ampeu no O vilo ningu lau kiu pilo pi azah tsü keno chilu nike ngokhe anie.”

Apostolmi 10:6

Pa ye Simon ashiyiko kümlàu ipikeu gholo ani, eno pa ki ye azüghi phivilo anike.”

Apostolmi 11:14

Pa no akükütsü sütsa lakhi pesü O lau süghi nani eno tipau vechewo no eno O kibolomi kümtsü xaluve nani.’

Apostolmi 22:12

“Timi lakhi Ananias ipikeu no I sasü kusho nike ighi. Pa ye amlokütsü shi ayeza pelu chekemi eno Jewmi tile xüküami kümtsü no akiqheu lono gihu chekemi ke.

Apostolmi 24:15

timi hipaqo no Alhou lau lakuju ake toi ni ghí lakuju acheni, ike tiye amikuchomi eno alhoküsami kinikujo akithí lono xüputhuve nani.

Apostolmi 6:3

Athiküzümi eno achelimiqo, nongu dolo timi tsünì Aghungu no chhitoi kemi eno alokütsümi kishephe lo. Ningu no bemakho hipau panoqo pichebeve

Rommi 1:17

Kughengu atsakiviu lono Alhou chipiumikucho pephe-piyevae. Achipiumikucho tiye atüghi lono ashekha kutólo aküpülü vechewo ke, tiye hitoi yèpüa keu toi ke: “Amikuchomi ye aküpülü vechewo xülu nani.”

2 Kor. 5:18

Hipaqo kümtsü Alhou lau no ighike, pa no Khristo vechewo pa likhi pa pesü ningu sasü külashiluve püzü külakishi pichebekümlà pesü ningu tsüke.

1 Tim. 3:7

Pa ye akukuhomi kumo kemiqo gholo ghí aju-aje kivimi lakhi shi aghí moayesa, tishianguno pa pelo aju-aje küsapu lo ikiqive no tüghami lichhe lo ilove pemo niye ke.

IBRIMI 10:38

Ikemu, “Iw amikuchou timi hu ye aküpülü vechewo xülu nani. Eno ni ye khuu no athiu idewove cheni keno tipau jupe amloqilumo nani.”

IBRIMI 11:2

Hi ghenguno ningu pù-asüqo sheqhe ke.

IBRIMI 12:23

nongu ye amsüu khunoqo je kungugha lo yèpe qhivea keno tipaqo kukuho lo ighi ani. Nongu ye kümtsü shou küghaküthau, amikuchomiqo pelo kupukülailu pe chekeu aghungu eno Alhou lau ighivae,

2 Peter 3:2

Ni ye nongu pelo wove keu lo akimthe tungkupumiqo no atsa pikeqo ngò ningu Mpeu eno Xakuluu no nonguw apostolmiqo vechewo azakütsü tsü keqo kümsüchilelu penishi ani.

3 John 1:12

Kümtsü no Demetruis ghili kivi pi acheni—eno kuchou hu ghí pa ye akivi ke ipi cheni. Ningu ghí pa ghili akivishi pi cheni, eno ninguw thopi ye kuchou kepi nono ithi ani.

Piyeküsü 14:10

panongu ghí Alhou mlo kighide ji ye nani. Alhou mlo kighide jì ye azü lekitemo no mükamüghai pa loghukighide jikhu lo lesüvae. Panongu ye akimthe kungumiqo ngò Ambeti zülo no piti akeu amichu pesü ghimeqhi nani.