Apostolmi 10:2 - Sümi Tiqhelimi Bible

² Cornelius eno pa kibolomi kümtsü Alhou lau amlo kütsümi eno Alhou sümsa chekemi; pa ye kümsá no shishe kumlhomiqo kuphu eno pa ye tamo no Alhou vilo inikhu ache.

BAIBEL (BSI)

² Paye achineyehlo amlotsuqhiyi chekemi, pa eno pa kibo kumtsu Alhou sumsache. Pano Judami kumlhomi kumsano shishe kuphuche eno tamono Alhou vilo inikhu ache.

Sumi Naga CL (Re-edited) Bible (BSI)

² Pa ye Alhou ithitoi eno pa kibo kümtsü Alhou sümsa chekemi, kumlhomi kuphu eno tamono Alhou vilo inikhu chekemi.

Apostolmi 10:2 ပူးပေါင်းရင်းမြစ်များ

MATTHEW 25:17

Titoi, ameshoyi jolabo kini ithulu keu ghí ameshoyi jolabo kini alá shiluve.

Luke 18:1

Tisheno Jisü no akhopemiqo pelo aghüthi sǜvemo püzü tamo no inikhu ape niye aholetsa lakhi pitsüe.

Luke 2:25

Jerusalem lo timi amikuchomi eno Alhou sükümsami lakhi Simeon ipikeu ache. Aghungu Kimthe no pa shou ache eno pa ye Alhou no Israel lokughuno tsü nikeu khekulhoshi acheke.

Apostolmi 10:22

Panongu no ishi khochile, “Ningu ye aqhe shou zatsüu Cornelius lau no ighi anie. Pa ye amikuchomi, Alhou sümsa chekemi eno Jewmi kümtsü no pa gihu chekemi lakhi ke. Akimthe kungumi lakhi no pa vilo pikeu no O pelo pa ki lo ighino nono kiu pi kepu ani keno pa no ini kepu shini ke ighino pilo pie.”

Apostolmi 10:31

püzü ishi pi, ‘Cornelius, Alhou no O kighini chiluvetsüa eno nono aghòqo pesü kumlhomi kuphu chekeu hu Alhou no kümsüluve tsüae.

Apostolmi 10:35

eno shiye jeli kümtsü lono pa sümsa chekemi eno kiu no achipi keno tipau shi chekemi ikhilu cheni.

Apostolmi 10:4

Cornelius no akümsa lau no thüghüi pa ju. Pa no, “Kiu kea, Ampeu?” ipi iniju. Kungumi hu no khochile, “O kighini eno nono kümsá no kumlhomiqo kuphu chekeu ye Alhou gizülo kümsüma müla keu kümlagho shi ikughivae.

Apostolmi 10:7

Kughou kungumi pa pütsa akeu no pa qhive no wuve keno, Cornelius no pa qemi kini eno pa ghinikishiu ghüshimi lakhi Alhou lau amlo kütsümi ishi kue.

Apostolmi 11:14

Pa no akükütsü sütsa lakhi pesü O lau süghi nani eno tipau vechewo no eno O kibolomi kümtsü xaluve nani.’

Apostolmi 13:16

Paul no puthugho püzü pa u peqhe-pìye no ishi pi: “Israelmi aküsàmi eno nongu Alhou mülá chekemi Jewkumomiqo, I tsa inilo!

Apostolmi 13:26

“Athiküzümi Abraham nuliqo eno Alhou sükümsami Jewkumomiqo, xakulu kükütsü sütsa hipau ye ningu lau tsüpuwu keu ke.

Apostolmi 13:50

Ikemu Jewmi sakiphemiqo no Alhou sükümsami totimi aqo-aho lo ampemi eno mishighüna lo ajekipi sakiphemi kipitimiqo xukuthove. Panongu no Paul ngò Barnabas pama pishi-puju nikeu xukutho no tipa qha lono hapheve penike panongu xukuthoe.

Apostolmi 18:8

Tipathiu, synagog lo sakipheu Crispus ipikeu ye pa kibolomi kümtsü sasü Ampeu pülüluve: eno Paul no pikeu tsa chilu püzü pülülu kemi Korinthiami kutomo no baptiz shilue.

Apostolmi 2:5

Tishi akelo Jewmi Alhou sümsa chekemi shiye jeli kümtsü ighino Jerusalem lo ngo ae.

Apostolmi 22:12

“Timi lakhi Ananias ipikeu no I sasü kusho nike ighi. Pa ye amlokütsü shi ayeza pelu chekemi eno Jewmi tile xüküami kümtsü no akiqheu lono gihu chekemi ke.

Apostolmi 8:2

Alhou’w timiqo no Stephen sükumo qhovetsü eno pa ghenguno shishe mloqae.

Apostolmi 9:11

Ampeu no pa vilo pi, “Müzüchoi ipi chekeu laghila lo Judas ki lo wulo eno Tarsusmi Saul ipikeu iniju lo, kughengu pa ye akighini shi anie.

Apostolmi 9:31

Tipathiu Judea, Galilee eno Samaria qha kümtsü lo akukuhouqo ye alokughuno tüqhüdo ithulu eno panongu ye mtokitheluve. Ampeu sükümsa lono xü keu eno Aghungu Kimthe no shikumto keu vechewo panongu ye akikihi alau iko wove.

Apostolmi 9:36

Joppa lo küpülümi lakhi Tabitha (Greek lo li je ye Dorcas) ipikeu ache; li ye alhokuthu lo akümlà kivi shi eno kumlhomiqo kuphu ache.

Kolosiami 4:2

Tamo no inikhulo, jukutokughoi lo eno Alhou shikimthiqhiyi alo.

1 Thes. 5:17

tamo no inikhulo,

James 1:5

Tsalá nono alokütsü mikhe aghí aye, no ye Alhou khuu no kümtsü lau akipimí phumo no tsünishiqhiyi tsü cheni keno pa vilo khu moayesa, eno ti O tsü nani.

Piyeküsü 15:4

Ampeu, khuu no O msàmoni kea, eno khuu no O je sheqhe tsümoni kea? Kughengu O likhi no akimthe ke. Shiye kümtsü no O zülo ighino O mülá nani, kughengu O chipiumikucho kümlà ye pephe-piyeva ke.”