2 Tim. 3:5 - Sümi Tiqhelimi Bible

⁵ Panongu ye Alhou sümsa ke ghili shi nani ikemu Alhou küká milive anani. Timi hitoi kemiqo lau no putosü alo.

BAIBEL (BSI)

⁵ Achineyeh ghushoghili pepulaghi tipaulo akuka kumto akeu phevekeu. Panongu launo putosu alo.

Sumi Naga CL (Re-edited) Bible (BSI)

⁵ ju keloye Alhou sükümsami toi kemu Alhou küka milive kemi. Timi hitoi keqo launo putosü lo.

2 Tim. 3:5 ပူးပေါင်းရင်းမြစ်များ

MATTHEW 7:15

“Kichileu tungkupumiqo lau no kutokupui lo. Panongu ye ashou ye ambe toi nongu lau ighi cheni, ikemu panongu lolo ye ayiküsa tüngtüghaqo ke.

Ephesiami 4:14

Tisheno ningu ye itimi shiauvemo nani. Ningu ye azü no tukucho akeshi eno shiküka zümlhü jeli kümtsü vechewo timiqo no panonguw tuqhou pishikiqhi kukughu eno müqüijo keu vechewo hula-hila fupuwuvemo nani.

2 Thes. 3:14

Khunoqo no yèsü hipau lo ninguw shikakütsü gholumo nike no tipaqo amichi shipe qhilo. Panongu pelo kujove penike panongu gholo kuloji kevilo.

2 Thes. 3:6

Athiküzümi eno achelimiqo, Ampeu Jisü Khristo je lono küpülümi khunoqo no akipichi shi xü acheni eno nongu no ningu lau no akükütsü ithulu keu ghola lono xü chemo keno panongu lau no putosü apenike ningu no azah nongu tsü ani.

1 Tim. 4:7

Alhou sümsamo keu küghakiche tsa eno topu-toghu tsaqo lo amlo tsü kevilo; tishini ke züqhu Alhou lau amlo tsü nikeu lo O likhi O qophe alo.

1 Tim. 4:8

Kughengu aphimpi qokiphe lo ameküa hami acheni ikemu Alhou lau amlo tsü keu lo thime kümtsü ghenguno ameküapu anie. Kughengu tishi keu hu no itehi xü akeu ngò ighi niye akeu küxü küma ghenguno pikiqhi pesü anike.

1 Tim. 5:8

Khukhumu pano bolomiqo tuchomo eno akhotoshi pa likhi pa kibolomi vehupuqo kuphu tsümo keu ye aküpülü milivae eno pülümo kemi lakhi nguno alhoküsau ke.

1 Tim. 6:5

eno tamo no akükümsü lhoküsami eno kuchou kühave keqo dolo kighe kilé keu süghi cheni. Eno Alhou sümsaluve aye kinikülü shive cheni ipi panongu no kümsü cheni.

2 Tim. 2:16

Alhou sümsamo keu tsa za chekemi lau no putosüvelo, kughengu khunoqo no tishi cheni keno panongu ye alau shi Alhou sümsamo keu lo xüwuve nani.

2 Tim. 2:23

Nikhanigha eno anikha kikigheqo lo chhosü kevilo, kughengu tipaqo no kiyi-muto keu süghive cheni kepi nono ithi anie.

Titus 1:16

Panongu ye Alhou ithi ani ipi pükha cheni, ikemu panongu kümlà vechewo Alhou milive acheni. Panongu ye aphikümqhüpu, agholumo kemi eno akivi shini keu lo kiumu aküzüpu kumoe.

Titus 3:10

Akikijé shive chekemi timi lau ghuthu lakhi pikichivelo, eno tisheno itaghi akiniù panongu pikichivelo. Tipau thiu ye, panongu sasü kiumu kütshükime akevilo.