2 Tim. 3:2 - Sümi Tiqhelimi Bible

² Timiqo ye alikhi ampi eno pisa kimiyeuve nani, alikhi ajekipi eno aqheküza shi nani eno timi phimo-gihumo nani. Panongu pù-aza hebide nani, shikimthi keu küha nani, Alhou pülümo nani,

BAIBEL (BSI)

² Kughengu timiqoye hipaqo shiwuve nani: alikhi ampi kikimiye, pisa kimine, aqhekuza, lahilaza, timi phimo-gihumokeu, apu-aza hekibide, shikimthi kukuha, achineyeh kiphikumo;

Sumi Naga CL (Re-edited) Bible (BSI)

² Kughengu timiqo no ishi xüuve nani: alikhi ampi kimiye kemi, pisa kimnemi, aqheküza, akuchhomami, kütami thogha, apuaza hekibide, shikimthi kükühami, mithemo keu,

2 Tim. 3:2 ပူးပေါင်းရင်းမြစ်များ

MATTHEW 15:6

panongu pelo tipau pesü apù momu azá gihu pemove chenie. Ikehu nongu no nonguw pimheye ghenguno Alhou tsa pesü avehu küha keu shive tsü anie.

Luke 12:15

Tisheno pa no panongu vilo pi, “Jukuto lo! Alakimine jeli kümtsü lono O likhi O jukuto lo; aküakini nibonilei pighi auve keu no aküxü kumo ke.”

Luke 16:14

Phariseemi khunoqo no pisa kimiye cheni keno panongu no hi kümtsü chilu püzü Jisü junu ae.

Luke 6:35

Ikemu O ghümiqo kimiye lo eno panongu lau akivi kümlà shilo, püná lo eno kiumu tsüchile pe nikeu laju kevilo. Tishianguno no ye ajume kijè anani eno no ye shishe Akiqheu Lhou nuli shilu nani; kughengu pa ye shikimthi küha kemi eno küsaküghami lau kimiyeqhiyi ke.

Apostolmi 5:36

Ado hami züu Theudas no pa ye khuu kela lakhi ipi no ipeghi, eno pa papemi aqhe bidí kutólo kumqo pe ache. Tisheno pa ye heqhipithíve, eno pa papemi kümtsü apanaghave, eno ti kümtsü kiumu kumove ke.

Rommi 11:18

Tighenguno nongu ye aloka icheiqive keu nguno shoqau kepi kümsü kevilo. Tsalá nongu no tishi kümsü aye, hi ithilu lo: Aloka no akuhu kuphu chemoe, ikemu akuhu no aloka kuphu cheni. Nongu ye aloka toi ke.

2 Kor. 5:15

Eno Pa no kümtsü ghenguno thive keu ghenguno xü akemiqo ye panongu likhi panongu ghenguno xü akepu kumoe ikemu panongu ghenguno thive no xülethughive keu ghenguno xü moayesae.

FILIPIAMI 2:21

Kughengu Jisü Khristo ghenguno kumo no timi kümtsü pano likhi pano ghenguno alokümsü shi akhani ke.

Kolosiami 3:5

Tighenguno, kiu no ayeghi lo lhoaye keno tipaqo pìthívelo; tiye kipito xüküpsa, mithekumo, ghaghu, küsakügha kümlà shinishi keu eno alakimine, kughengu alakimine ye ajulho kümlá ke.

2 Thes. 2:4

Pa no Alhou ipikeu jeli momu mülá chekeu thime jeli kümtsü lachile eno pa likhi pa pesü thime kümtsü shou süqhe nani. Pa no Alhou chineki lo iqave püzü pa likhi pa pesü Alhou ke ipi piwuve nani.

1 Tim. 1:20

Timi tipaqo gholo Hymenaeus eno Alexander pama ghí lakhi ke. Alhou thaigha pemo nikeu ithi peniye I no pama pesü Satan u lo phesüve tsüae.

1 Tim. 1:9

Ningu no itaghi ithi akeu no ayeza ye achipimiqo ghenguno mülà püamoe ikemu hipaqo ghenguno mülà püani: ayeza hekibidemi eno lakichilemiqo, alhou sümsamo kemi eno axinemi, akimthe kumomi eno alhou pülümo kemi, apù eno azá noqo pìthí chekemiqo, hekiqhimiqo,

1 Tim. 3:3

shomzü kepu kumo, ngukangugha shimo no iqüighai moayesa, kiyi-muto kepu kumo, eno pisa kiminemi shikepu kumoe.

1 Tim. 6:10

Kughengu pisa kimiye keu ye küsakügha jeli kümtsü kuhu-aghü ke. Timi khami ye pisa kimiye kelau no aküpülü lono igho süsü wuvae eno amlokighishi kutomo no pano mlo vephopinivae.

1 Tim. 6:4

timi tipaqo ye alikhi apülü pivi chekemi eno kiumu vethalu chemoe. Panongu ye kütsala nikeu eno kiyi nikeu tsaqo lo amlo tsü keu vechewo anhekushu, kumgho keu, timi xishi keu, pülüküpüsa

2 Tim. 3:4

pishikiqhi shi nani, chho-chhoshi nani, alikhi apülü pivi nani, Alhou kimiye kemi shini ke züqhulo aghakiqipu kimiye kemi shiuve nani.

James 2:8

Tsalá nongu no Kuchoyesü lo akiqheu yeza, “O likhi O toi O kisüghümi kimiye lo,” ipi püakeu kuchou no pape aye nongu ye achipi shi ani.

James 4:16

Tihutoi nongu ye nonguw akuchhoma kukughu lo qheza cheni ke. Hitoi keu qheküza kümtsü küsakügha ke.

James 4:6

Ikemu pa no küpükini alau ningu tsü cheni. Tighenguno Kuchoyesü lo ishi pipüani: “Alhou no aqheküzami lachile cheni ikemu aqhokighemi kimiye tsü cheni.”

1 Peter 5:5

Tipau tho lono, nongu khunoqo no alhothe shi ani keno, nonguw kichimiqo lau aghokulu shilo. Nongu kümtsü lakhi no lakhi lau aqhokigheu shilo, kughengu, “Alhou ye aqheküzami lachile cheni ikemu aqhokighemi kümgha tsü cheni.”

2 Peter 2:10

Hiye akhotoshi khunoqo no ashi lo shikuchubeve keu shinishiqhiyi eno thaigha keu kükagha pape cheni keno panongu ghenguno ke. Panongu ye amlo kumto eno akuchhoma ke, panongu ye kungugha lo küamiqo shou pipütha puku nikeu lo msà chemoe;

2 Peter 2:12

Ikemu kichileu kükütsümi hipaqo ye panongu no vethamla keu vehuqo pipütha cheni. Panongu ye kiqiju chemo keu lhoxüqo toi ke, panongu ye akutoshikighithi lhoxüqo toi ke, lhoxü tipaqo ye küghaluve no ghiqhive nikeu ghenguno lhosü ke, eno lhoxüqo toi panongu ghí pühave nani.

2 Peter 2:18

Kughengu panongu kichí ye abokümsa ngò aqheküza tsaqo likhi ke eno ashi lakimine kükümsü ghenguno khunoqo no shikipimi küxü lo xüache püzü tipau lono akushukulu pokajosü wucheni keno tipaqo müsü cheni.

2 Peter 2:3

Kükütsümi hipaqo no panongu lakimine ghenguno alaphasü keu xüghiliqo pesü nongu peithaqhi nani. Panongu kiléqhive keu ye püzüu no panongu shou pufu pe ani, eno panongu kütsakungo kepu shi akeu ye zü anike kumoe.

Jude 1:16

Timi hipaqo ye nhenheshi chekemi eno akipimí phu chekemiqo ke; panongu ye panongu likhi panonguw küsakügha kükümsüqo pape cheni ke; panongu ye pano likhi pano jupe qheza cheni eno panongu ye pano kivipu ghenguno kütamiqo sheqhe cheni.

Piyeküsü 13:1

Tüghaküsa hu no azüghi mükü lo puthugho ae. Ikelo azüghi lono tüghashi lakhi ipeghi keu I no ithulu. Tüghashi tipau ye akibò chighí eno akütsü tsünì eno, pa kibò lo akütsükuqho chighí ake, eno akütsü kümtsü lo pipütha keu je lakhi-khi ae.

Piyeküsü 16:11

eno panongu küsü ngò apiyí ghenguno panongu no kungugha Lhou ghushoe, ikemu panongu ye panongu no kiu shive keno tipaqo lono amlo pebide nikeu milive ke.

Piyeküsü 16:21

Atsütsǘ lono murasü kuloghi no timiqo shou ikighi. Murasü lakhi-khi lo ahú lhobidi-pungu kutólo ke. Eno murasü püsa ghenguno timiqo no Alhou ghushoe, kughengu püsa tiye shishe aküighüpu ke.

Piyeküsü 16:9

Akülǘ kümka hu no timiqo pitiqhi kelo panongu no püsa hipaqo ghasüpe akeu Lhou je ghushoqhi, ikemu panongu ye amlo pebide no Alhou juküvü shini keu milive ke.