2 Tim. 3:11 - Sümi Tiqhelimi Bible

¹¹ I no khijehi pishi-puju eno aghimeqo sholu, eno Antioch, Iconium eno Lystra lo I lau kiu shive eno I no pishi-puju sholu kelo kutuuluve keu nono ithi anike. Tishimu Ampeu no tipaqo kümtsü lono I xaphe tsüke.

BAIBEL (BSI)

¹¹ ishi kighimekeu eno akijipusa keu ino kishi kutuulu keno noye ithi ani. Ikemu tipaqo kumtsulo Ampeu no ixapheluveke.

Sumi Naga CL (Re-edited) Bible (BSI)

¹¹ Antioch, Iconium, eno Lystra lo I shikighime keu eno I ghime kümtsü, I no kishi ghichheghime puqhe eno Ampeu no ti kümtsü lono I xaphe keno nono ithi ani.

2 Tim. 3:11 ပူးပေါင်းရင်းမြစ်များ

Apostolmi 13:14

Pama ye Perga lono Pisidian Antioch lo ighi. Pama no Sabbath tsalà lo synagog lo ilo eno iqae.

Apostolmi 13:45

Kughou Jewmiqo no timi kutomo akeu ithulu keno panongu ye anhekushu no chhitoive. Eno panongu no Paul no pikeu tsa lachile eno pa shou küthakügha shie.

Apostolmi 14:8

Lystra lo apukhu kinitave kemi lakhi iqa ache. Pa ye azá po lo apukhu kinitave püzü punú eno khilemu alà che müla ache.

Apostolmi 20:19

I lachile chekemi Jewmi no amqü jeli shi no paküta keu shi I peju ake dolo ghí ni ye anhezü-piji mütshaivü Ampeu qe acheke.

Apostolmi 23:10

Alau shi müghachhoi kütsala kithe auve kehu zatsüu ye panongu no Paul süthapiniyive nosa keu msàve. Ikehu pa no ghüshimiqo vilo iqi no angukamu sǘ no panongu lau no Paul sasü ghüshimi kungoki lo saighive lo pi azah tsü.

Apostolmi 26:17

I no O likhi ow timiqo lau no eno Jewkumomiqo lau no O xapheluve nani. I no panongu lau O puwu ani

Apostolmi 26:22

Ikemu Alhou no ishí tsalà kutólo I kuphutsü ke; tishikehu ni ye hilehi puthugho no kijemi ngò kitilami kümtsü lau I shepe tsülu ani. Ni ye tungkupumiqo ngò Moses no kiu shi nani keno pitsü keu nguno alau ye kiumu alá piamoe, tiye—

Apostolmi 9:16

I je ghenguno pa ye khijehi ime moayesa keno I no pa pìye nani.”

Rommi 15:31

Judea lo pülümo kemiqo lau no I süsho tsü penike inikhu tsülo. Eno akukuphu pesü Jerusalem lo wuche keu lo tilehi Ampeu’w timiqo pelo no puloniqhiyi shi akümlagho ikhilu penike ghenguno inikhu tsülo.

2 Kor. 1:5

Ningu no Khristo ghime gholo kupukuno shi küsaje keu hutoi, ningu lokughuno ghi Khristo vechewo kupukuno shi acheni.

2 Kor. 1:7

Nongu ghenguno ninguw lakuju mutotoi ani, kughengu ningu no ithi akeu no nongu no niw shiluküsaqo lo küsaje ketoi, ni lokughuno lo ghí küsaje nani.

2 Kor. 12:10

Tishikehu, Khristo ghenguno tomo-chhimo keqo, jukünatha keqo, ghichhe-ghime shikeqo, pishi-puju keqo eno kushokütsü jeli shikeqo lo ni ye I lokiqi shi acheni. Kughengu kughou I no tomo-chhimoni keno, ni ye mutotoilu cheni.

2 Tim. 4:7

Ni ye akivishi aghü shivae, ni ye akupo lo ashe tovae, ni ye aküpülü pewo tovae.

2 Peter 2:9

tsalá ishi aghí aye, Ampeu ye kíshi no peju keu lono alhou sükümsami xalu nani keno ithi ani eno kíshi no küghakütha tsalà lo amikucho kumomi ghimeqhi nani keno ithi ani.