2 Tim. 2:26 - Sümi Tiqhelimi Bible

²⁶ eno tishilu aye panongu ye alotsüluve no tüghami khuu no pa pulou shipe niye panongu pesü akughu shive keno pa lichhe lono pokajoluve nani.

BAIBEL (BSI)

²⁶ Tishiluaye panonguno kumsuchilelu nani eno tughami no panoqo mepe qhi puzu pa gho apulou shiape keu lichhe launo polu nanike.

Sumi Naga CL (Re-edited) Bible (BSI)

²⁶ eno panoqo no kümsüchilelu püzü tüghami no pano mepe qhino pa gho-apulou shipe chekeu lichhe lono poluve nani.

2 Tim. 2:26 ပူးပေါင်းရင်းမြစ်များ

Luke 11:21

“Kughou akumtomi lakhi no aghünanu kümtsü pepu no pa ki khe aye, paw küakini süsholuve cheni.

Luke 15:17

“Kughou pa no alotsü ipeghi keno pa likhi pa vilo ishi pi, ‘I pù ki lo qekuchumiqo ye khijehi no achuqupu chukha kümlapú shi anikela mthae, eno ni ye hila akhü no thiveni chae!

Luke 5:10

eno titoi Zebedee nu James ngò John, Simon lojimi pama ghí akichiqhive. Tipathiu Jisü no Simon vilo pi, “Msà kevilo; hinguno hilau ye no ye timi kükhami shini ake.”

John 13:2

Avela ghulhu shi akelo, tüghami no Simon nu Judas Iscariot pelo Jisü pesü thechu shive peniye kiteve ke.

John 13:27

Judas no asho ikhiluve kemtsa Satan no pa lolo iloghive. Ike Jisü no pa vilo pi, “Nono kiu shi niye ani keno mtazü shivelo.”

Apostolmi 26:18

eno tiye panongu nhethi àküzǘ lono aküvü ithulu peniye ke, eno Satan küká lono Alhou küká lo ighive no axinéqo qhikütsü ithuluve pe no I shou pülübe no mitheluve kemiqo gholo ngolu peniye ke.’

Apostolmi 5:3

Ikelo Peter no pi, “Ananias, no ye kíshi püzü Satan pelo O mlo lo ilove pe no Aghungu Kimthe pishiqhi ghi nono alu jelu keu lono pisa hami ikhithape O sala qhiluve kea?

1 Kor. 15:34

Nongu no shi moayesa keu toi nongu ye alopütsü kithe luvelo, eno axiné shiauve kevilo; kughengu I no hi piakeu lo nongu shikukujove ani kemu nongu gholo Alhou mtha-mithe kemi khami anike.

2 Kor. 2:11

Tishi keu hu ye Satan pelo ningu pishiqhive pemo niye ke. Kughengu ningu ye pa müqü jeliqo mtha ke kumoe.

Ephesiami 5:14

Hi ghenguno ishi pike: “Zü akemiqo, ithuvelo, kithimi gholo no ithughivelo, eno Khristo no nongu shou yepüvü tsü nani.”

Kolosiami 1:13

Kughengu pa no àküzǘ kükaqha lono ningu xaphelu no pa no kimiye chekeu Nu kükaphu lo ningu sasü ighike,

1 Tim. 1:20

Timi tipaqo gholo Hymenaeus eno Alexander pama ghí lakhi ke. Alhou thaigha pemo nikeu ithi peniye I no pama pesü Satan u lo phesüve tsüae.

1 Tim. 3:7

Pa ye akukuhomi kumo kemiqo gholo ghí aju-aje kivimi lakhi shi aghí moayesa, tishianguno pa pelo aju-aje küsapu lo ikiqive no tüghami lichhe lo ilove pemo niye ke.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.