2 Tim. 2:12 - Sümi Tiqhelimi Bible

¹² ningu no puqhekulu shi aye, ningu ghí pa gholo ka nani. Ningu no pa milive aye, pa ghí ningu milive nani;

BAIBEL (BSI)

¹² Ninguno puqhekulushi aye, ningu ghi pa gholo ka nani. Ninguno pa peve aye, pa ghi ningu peve nani.

Sumi Naga CL (Re-edited) Bible (BSI)

¹² nino puqhekulu shi aye, ningu ghi pa gholo ka nani; nino pa milive aye, pa ghi ningu milive nani;

2 Tim. 2:12 ပူးပေါင်းရင်းမြစ်များ

MATTHEW 10:33

Ikemu khunoqo no kütamiqo gizülo I miliveni keno, ni ghí kungugha lo I pù zülo pa milive nani.

MATTHEW 26:35

Ikemu Peter no ishi piqhi, “O gholo no thive kepu shi aghí namu ni ye khilemu O milimoe.” Ikelo akhopemi kütami kümtsü titoi pikhae.

MATTHEW 26:75

Ikelo Peter ye Jisü no pa vilo ishi pipüa keu tsa kümsüchilelu: “No ye awudu no igha mphi züu ghuthu küthü I milive nani.” Eno Peter ye khalau ipeve no kunotshütshü shi qa auve.

Mark 10:33

Pa no ishi pi, “Ningu ye Jerusalem lo iqho cheni! Eno Timi Nu ye achinetomi eno ayeza kükütsümiqo u lo phesüve tsü nani. Panongu no pa pìthíve penike pipüsa püzü Jewkumomiqo u lo pesüve nani,

Mark 8:38

Amikucho kumo eno axiné no chhitoi akeu tiqheli hipau lo khuala no I ghenguno eno I tsape ghenguno kujomza aghí aye, ni Timi Nu ghí kughou Papù juküvü lono akimthe kungumiqo gholo ighini keno timi tipaqo je piphe tsümo nani.”

Luke 12:9

Ikemu khunoqo no kütamiqo gizülo I miliveni keno, ni ghí Alhou’w kungumiqo gizülo pa milive nani.

Luke 22:29

Eno I pù no akükaphu I tsü keu toi I no akükaphu nongu tsü anie,

Luke 22:30

tishianguno nongu ye I kükaphu lo I gholo kümtsa chu-sho nani, eno aküka lakhü lo iqa no Israel lagha chighikini shou xakütha shi nani.

Luke 9:26

Khuno no I ghenguno eno I tsape ghenguno kujomzani keno Timi Nu ghí kughou pa no pa juküvü, Apù juküvü eno akimthe kungumiqo juküvü lo ighini keno timi tipaqo je piphe tsümo nani.

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Rommi 5:17

Kughengu tsalá, timi lakhi’w hekibide ghenguno akithí no timi kutomo shou ka cheghi aye, tinguno alau shi khunoqo no Alhou’w küpükini kupukuno shitsü keu eno achipiumikucho shikulupu kümsá ghò ithuluvea keno panongu ye hi timi lakhi Jisü Khristo vechewo panongu küxü lo khijehi axiné eno akithí shou theqhikulu shilu nani kea!

Rommi 8:17

Ningu ye Alhou nuliqo ke ghenguno ningu ye pa mheghi kiyighiuqo ke. Eno Khristo gholo ningu ghí Alhou juküvü mheghi ighiküqha ke. Ikemu pa juküvü gholo küsaje nishi aye ningu ye pa ghime lo ghí küsaje moayesa nani.

FILIPIAMI 1:28

Kiu lonomu nongu lachile akemiqo pelo nongu shikümsave pe kevilo. Hiye panongu kütsave nikeu michipu ke, ikemu nongu ye Alhou no xaluve nani.

1 Tim. 5:8

Khukhumu pano bolomiqo tuchomo eno akhotoshi pa likhi pa kibolomi vehupuqo kuphu tsümo keu ye aküpülü milivae eno pülümo kemi lakhi nguno alhoküsau ke.

Jude 1:4

Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.

Piyeküsü 1:6

eno pa Lhou eno paPù qe penike ningu pesü pa kükaphu lo achinemiqo shitsü keno pa lau alhokupuju lono alhokupuju kutólo ajuküvü eno ayekipe ache pelo! Amen.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Piyeküsü 2:13

Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.

Piyeküsü 20:4

I no aküka lakhüqo ithulu eno tipaqo lo küghathabe penike kükagha tsüve kemiqo no iqa ae. Eno Jisü ghili pesü ashepe shi eno Alhou tsa pesü asheshu keu ghenguno akütsü lovetsü kemiqo ghungu I no ithulue. Panongu ye tüghashi momu tipau julho mülámoe eno panongu ye panongu kishe momu panongu u lo tüghashi michi xapumoe. Panongu ye xüchilethuve no Khristo gholo ampe qhethonhe lakhi ayè pe ke.

Piyeküsü 20:6

Khunoqo no xülekuthu shikeu atüghiu lo küsajelu keno panongu ye akimthemiqo ke eno panongu ye shishe müghae. Akithí akiniù ye panongu shou aküka küha nani, ikemu panongu ye Alhou eno Khristo’w achinemiqo shi nani eno Khristo gholo ampe qhethonhe lakhi ayè pe nani.

Piyeküsü 3:10

I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.

Piyeküsü 3:21

Khuu no tokuluu keno, I no tokulu shilu no I pù gholo pa küká lakhü lo iqa keu toi I no pa pelo I gholo I küká lakhü lo iqa pe nani.

Piyeküsü 3:8

I no O kümlàqo ithi anie. Julo, I no O zülo khunomu khamla kepu hukikha khaqhipe qhipüani. No ye akumto kitila likhi akeu I no ithi ani, tishiaghimu no ye I tsa pape ke eno I je milivemo ke.

Piyeküsü 5:10

Nono panongu pelo akükaphu lo ningu Lhou qe penike ghenguno achinemi shipeke, eno panongu no ayeghi lo ayè pe nani.”