2 Tim. 1:12 - Sümi Tiqhelimi Bible

¹² I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

BAIBEL (BSI)

¹² eno highenguno hishi aghime shianie. Ikemu niye kujo-mza chemoe, kughengu ino khuu pulube chenikeno ino ithi ani, eno ino pulu akeuno Atsala hu tomoke kutolo pano ilau kiu pichebe puanikeno tipau paye khe kulupu shi ananike.

Sumi Naga CL (Re-edited) Bible (BSI)

¹² tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

2 Tim. 1:12 ပူးပေါင်းရင်းမြစ်များ

MATTHEW 12:21

Pa je lo shiyeqo no panonguw lajupu bepe anani.”

MATTHEW 24:36

“Ikemu atsala momu ayì kihedo ghili ye khunomu mthae, kungugha lo kungumiqo ke kumo no Anu ghí mthae, ikemu Apù likhi no ithi anie.

MATTHEW 7:22

Küghakütha tsalà lo timi kutomo no I vilo, ‘Ampeu, Ampeu, ningu ye O je lono tungkuptsa pi eno O je lono tüghaküsaqo haphe eno O je lono akümzapu kümlàqo kutomo shiche ke kumo keshea?’ ipi nani.

Luke 10:12

I no nongu vilo piani, küghakütha tsalà lo mishiphu tipau ye Sodom nguno alau aghime ithulu nani.

Luke 23:46

Jisü no asütsa kuloghi lono igha no pi, “Apùo, O u lo I ghungu kulhoqhive tsü ani.” Kughou pa no hi pive keno, pa ye süthahuve.

John 17:15

I no inikhu akeu ye O pelo panongu pesü ayeghi lono ikhisüwuve penike ghenguno kumoe ikemu küsakügha lau no panongu süsho tsü penike ghenguno ke.

John 6:44

I puwu keu Apù no sasü ighimo ke thaqhülo ye timi khumu I lau ighi mülae, eno ashekha tsalà lo I no panongu xüputhu nani.

Apostolmi 13:46

Tishi kelo Paul ngò Barnabas pama no akumto shi panongu khochile: “Ningu ye atüghishi Alhou tsa pesü nongu vilo pi moayesave ke. Ikemu nongu no milive eno nongu likhi nongu ye lhokta küxü ithulu küzü kumoe ipi ikhiluve ke, itehi ningu ye Jewkumomi lau wuni ae.

Apostolmi 13:50

Ikemu Jewmi sakiphemiqo no Alhou sükümsami totimi aqo-aho lo ampemi eno mishighüna lo ajekipi sakiphemi kipitimiqo xukuthove. Panongu no Paul ngò Barnabas pama pishi-puju nikeu xukutho no tipa qha lono hapheve penike panongu xukuthoe.

Apostolmi 21:13

Ikelo Paul no khochile, “Nongu ye kushiye anhezü-piji eno I mlo shikighimeve tsü ani kea? Ni ye I tsüghaluve pe keu likhi kumo püzü Jerusalem lo Ampeu Jisü je ghenguno thiveni ke kutò pe anie.”

Apostolmi 7:59

Panongu no atu pe Stephen veqhi akelo Stephen no ishi inikhu, “Ampeu Jisü, I küxü ikhilu tsülo.”

Apostolmi 9:16

I je ghenguno pa ye khijehi ime moayesa keno I no pa pìye nani.”

Rommi 1:16

Ni ye atsakiviu ghenguno küjove chemoe, kughengu hiye pülü kemi kümtsü lau xakulu süghitsü chekeu Alhou küká ke: atüghishi Jewmi lau, eno tithiu no Jewkumomi lau süghi ke.

Rommi 9:33

Ishi yèpüani: “Julo! Timiqo pelo püsüpukulu peniye I no Zion lo atu lakhi qhike eno panoqo pelo veqhive peniye atuqu lakhi qhike. Ikemu timi khuu no pa shou pülüni keno pa ye khilemu kujove pemo nani.”

1 Kor. 1:8

Pa no ashekha kutólo ghí nongu pelo mutotoilu pe nani, tishianguno nongu pelo ningu Mpeu Jisü Khristo tsalà ighi kelo tukutiye küha no aghí peniye ke.

1 Kor. 3:13

tiye kiu keno panongu kümlà vechewo pìye nani, kughengu tipau Tsalá lono aküvü lo saipeghive nani. Tiye ami gholo no pephe-piye nani, eno ami no timi lakhi-khi kümlà meküa pitiju nani.

FILIPIAMI 1:20

I no khekulhoshi laju eno huqhe akeu ye ni ye khilemu kujovemo nani, ikemu pülhapuju shiche ketoi eno itehi ghí amlo kumto no chhitoi shi ani, tishianguno, xü kepu shina thikepu shi namu I phimpi lono Khristo süqhelu pe nani.

FILIPIAMI 3:10

Iyei, ni ye Khristo ithinishi ani, tiye paw xülekuthu küká ithi nikeu eno pa ghime gholo küsaje nikeu, pa kithí ghola lono pa kimihi shiwuve nikeu,

FILIPIAMI 3:21

khuu thowkha kümtsü paw ghaküsü qholo qhikulupu küká ani keno, pa no ningu phimpi kilive tsü nani eno tishi keu vechewo ningu phimpi ye pa juküvü phimpi toi pekilive tsü nani.

FILIPIAMI 3:8

Tilikhi kumo no, Khristo Jisü ye I Mpeu kepi I no ithilu keu hu no amekushou shilu keu ghenguno, kütau kümtsü adou kepi I no kihivae. Ni ye pa ghenguno kümtsü phevae eno thime kütauqo ye xinexigha kepi kihivae, tishianguno ni ye Khristo pesü I lá shilu

1 Thes. 2:16

Jewmiqo ye ningu no Jewkumomiqo vilo atsakiviu pikülha no xakulupu shini keu lo ningu lakha acheni. Hitoi keu ghola lono panongu ye alhokuthu akumou lono panongu xiné pekütsü acheni ke. Ikemu ashekha lo Alhou loghu no panongu shou ikughivae.

1 Thes. 5:4

Ikemu athiküzümi eno achelimiqo, nongu ye hipau vehu mtha no anike kumoe, ikehu Ampeu tsalá ighi kelo küpkami lakhi toi nongu kichiqhi pe kepu kumoe.

1 Tim. 6:20

Timothy O! O pelo jukuto peniye kiu O piche püani keno tipau khekuto lo. Alhou sümsamo keu tsa eno lachile chekeu kükümsü khikhi timi no akighithi ipi cheni keno tipaqo lono putosüvelo,

2 Tim. 1:14

O pichetsü keu toi kuchou vehu khekuto lo. Aghungu Kimtheu khuu ningu lolo acheni keno tipau kukuphu vechewo khekuto lo.

2 Tim. 1:16

Ampeu pelo Onesiphorus kibolomi shou kimiyekini pìye tsü peniu, kughengu ado kutomo lono pa no I lopivi tsüke eno I no akughu shi akeu ghenguno kujo keu shimo ke.

2 Tim. 1:18

Ampeu pelo tsalà tipau lo pa lau kimiyekini pìyelu peniu! Ephesus lo pa no alaghi ajeli kutomo lono I kuphu keu nono akivishi ithi anike.

2 Tim. 1:8

Tighenguno ningu Mpeu momu pa ghenguno I no akughu shikeu ghili ashepe shini keu kujo kevilo. Tishini ke züqhulo, Alhou küká vechewo atsakiviu ghenguno ime nike I gholo kutubo lo.

2 Tim. 2:9

hi ghenguno ni ye ayeza heküxami lakhi toi aghime shi ayikichhe no tshüpe anie. Ikemu Alhou tsa ye ayikichhe pe tshüve mülae.

2 Tim. 4:8

Itehi I ghenguno achipiumikucho kütsükuqho khikhi qhipüani keno achipiu Xaküthau Ampeu no tipau tsalà lono qesaxu I tsü nani. Eno I likhi kumo ikemu pa ikighi khekulhoshi akemiqo ghí kümtsü tsü nani.

Titus 3:8

Hiye pükhübekulu tsa lakhi ke. Eno ni ye O pelo hipaqo vehu müghachhoi pitsü penishi ani, tishianguno khunoqo no Alhou lau pükhübeluve akeno panongu pelo kutokupui shi püzü kiu no akivi keno tipaqo lo pulopiniyi ape niye ke. Hipaqo vehu ye akiqheu eno kümtsü ghenguno alá shikulupu ke.

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

IBRIMI 2:18

Kughengu pa ampiu ghí kughou ghuju keno imeve kehu, pa ye khunoqo no ghukuju sholu ani keno kuphulu acheni.

IBRIMI 7:25

Tighenguno pa ye khunoqo no Alhou vechewo pa lau ighini keno panoqo kümtsü xaluve cheni ke, kughengu pa ye alhokuthu panongu ghenguno alakipi shitsü nike ghenguno xü acheni ke.

1 Peter 1:5

tiye ashekha ghuloki lo xakulu pephe-piyemo ke kutólo aküpülü vechewo Alhou küká no azüto shipe qhipüa nani.

1 Peter 4:16

Ikemu, tsalá nongu Khristomi lakhi shi no ime aye, kujo akevilo, ikemu nongu no aje tipau xapu akeu lo Alhou sheqhelo.

1 Peter 4:19

Ike tishiaye, khunoqo no Alhou pulou kiqi lono ime ani keno panongu ye panonguw pükhübekulu Pulhoküsüu lau pano likhi panongu ikhiphe pesü tsüve no akivi kümlà mülakibe moayesa nani.

Jude 1:24

Itehi ye pa khuu nongu pelo veqhive pemo no nongu süsho kulupu ani eno nongu pesü pa juküvü zülo akipimí küha no alokiqi kijè lono süghi küpülü akeu lau—