2 Peter 3:2 - Sümi Tiqhelimi Bible

² Ni ye nongu pelo wove keu lo akimthe tungkupumiqo no atsa pikeqo ngò ningu Mpeu eno Xakuluu no nonguw apostolmiqo vechewo azakütsü tsü keqo kümsüchilelu penishi ani.

BAIBEL (BSI)

² Ike tiye nongu pelo tungkupmi akimthemiqono ashe azutsa pipuakeu, eno nowu apostolmino Ampeu eno Xakuluu zahkutsu pesu nongu tsukeu kumsuchilelu apenishi anike.

Sumi Naga CL (Re-edited) Bible (BSI)

² ike nongu ye akimthe tungkupmi no pichho tsükeu eno nonguw apostolmi no Ampeu eno Xakuluu zakütsü pesü tsükeu kümsüchilelu masae,

2 Peter 3:2 ပူးပေါင်းရင်းမြစ်များ

Luke 1:70

(pa no püzüu paw akimthe tungkupumi vechewo pipüa ke),

Luke 24:27

Tisheno pa no Moses lono huthu no tungkupumiqo no Kuchoyesü lo pa ghili kiu pipüani keno pesü chixechilei pama vilo pitsü.

Luke 24:44

Pa no panoqo vilo pi, “I no nongu gholo aphi lono hipau nongu vilo pivae: Moses Yeza, Tungkupumi eno Lesheleqo lo I ghili yèpüa keu kümtsü shikupu moayesae.”

Apostolmi 10:43

Timi khuu no pa pülüni keno pa je vechewo axiné qhikütsü ithulu nani ipi Tungkupumi kümtsü no pa shepe shitsü.”

Apostolmi 28:23

Panongu no Paul sasü kusho nike atsala khami kughusüve, eno panongu kutomo hekütsü kithe püzü Paul no khile ngoa keno tipau-a lo ighi. Pa no inaqhe no avelau kutólo panongu vilo Alhou kükaphu ghili hepho-piye tsü, eno Moses no tsü keu Yeza ngo Tungkupumiqo no pikeu tsaqo pesü panongu vilo pi no Jisü ghili pesü panongu pütsaqhi niye shijue.

Apostolmi 3:18

Ikemu hipau gholau no Alhou no tungkupumiqo kümtsü vechewo azünatha ghi Messiah ye ghichhe-ghime shi nani ipi pipüa keu shikupuvae.

Apostolmi 3:21

Alhou no khaghi no akimthemi tungkupumiqo vechewo piqhipüa keu toi Alhou no thowkha akithé shikitheve keu do ighi mphi kutólo pa ye kungugha lo ngo aghí moayesae.

Galatiami 6:2

Lakhi no lakhi makho putsü kilé lo, eno tishi keu lono nongu ye Khristo yeza shikupulu nani.

Ephesiami 2:20

tiye Khristo Jisü ampi no aboqha-tu atou toi shi no apostolmi eno tungkupumiqo shou aboqha shipuku ke.

Ephesiami 3:5

tiye tiqheli kütau lo ye timiqo pelo ithi pemo ke ikemu itehi ye Aghungu vechewo Alhou’w akimthe apostol ngò tungkupumiqo lau pephe-piyevae.

1 Tim. 6:14

ningu Mpeu Jisü Khristo akiniù ighimo ke kutólo mütsümishei eno tukutiye küha no azakütsü hipau pelulo.

2 Peter 2:21

Panongu ghengu ye achipiumikucho laghi ithive no panongu zübo pe panongu lau kiye ighi keu akimthe zakütsü tsü nike züqhulo panongu ye achipiumikucho laghi mtha keu pavini cheke.

2 Peter 3:15

Ningu no kimiye chekeu athiküzüu Paul no Alhou no alokütsü pa tsü keu vechewo nongu lau yè keu toi, ningu Mpeu’w kheakulu kiqi ghí xakulu kepi amlo lo qhilo.

2 Peter 3:16

Pa ye paw yèsüqo kümtsü lo hipau tho ghola lono panoqo vilo hipaqo vehu ghili pi ghi yè ke. Paw yèsüqo lo thime hami akeqo ye vethalu nikeu lo ighono kushokütsü ke, tipau ye kümthami ngò a-a shimo kemiqo no Kuchoyesü kütauqo lau shiche ketoi panongu likhi panongu kütsakungo ghi tuchighi cheni ke.

1 John 4:6

Ningu ye Alhou lau no ighike, eno khukhumu Alhou ithi kemi ye ningu tsa ini acheni; ikemu khukhumu Alhou lau no ighimo kemi ye ningu tsa ini chemoe. Hitoi ningu ye kuchou Ghungu eno kichileu ghungu kimchilu cheni.

Jude 1:17

Ikemu kimiye chekemi shompamiqo, ningu Mpeu Jisü Khristo’w apostolmiqo no azüu no kiu pipüa keno kümsülulo.

Piyeküsü 19:10

Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”