2 Peter 3:18 - Sümi Tiqhelimi Bible

¹⁸ Ikemu ningu Mpeu eno Xakuluu Jisü Khristo’w küpükini eno pa kighithi lono thuwu alo. Itehi eno alhokupuju lo pa juküvü shilo! Amen.

BAIBEL (BSI)

¹⁸ Ikemu niMpeu eno niXakuluu Jisu Khristo kupukini eno pa kighithilo thuwu alo. Itehi eno alhokupujulo pa lau akimthe jekipi shilo! Amen.

Sumi Naga CL (Re-edited) Bible (BSI)

¹⁸ Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

2 Peter 3:18 ပူးပေါင်းရင်းမြစ်များ

MATTHEW 28:20

eno I no azah nongu tsüve keu kümtsü papelu penike panongu kütsü tsülo. Eno ni ye kuchou no, ashekha ghuloki kutólo pülhapuju nongu sasü ache nani.”

MATTHEW 6:13

Eno ningu pelo ghukuju lo ilove pe kevilo ikemu küsakügha lau no ni xaphe tsülo. Kughengu akükaphu, aküka eno ajekipi ye alhokupuju lo ow ke. Amen.’

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

John 5:23

tishianguno kümtsü no Apù gihu cheke toi Anu gihu peniye ke. Khukhumu Anu gihumo keu ye Apù khuu pa puwu keno pa ghí gihu chemoe.

Rommi 11:36

Kughengu pa lau no eno pa vechewo eno pa ghenguno thowkha kümtsü anike. Alhou lau pülhapuju ajuküvü apelo! Amen.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

Ephesiami 1:17

Ni ye ningu Mpeu Jisü Khristo Lhou, ajuküvü Apù pelo alokütsü ngò piyeküsü Ghungu nongu tsü penike inikhu acheni, tishianguno nongu pelo akivishi pa ithi peniye ke.

Ephesiami 4:15

Tishini ke züqhulo, kikimiye lono kuchou tsa pikeu lono ningu ye alaghi jeli lono Khristo khuu no akütsü keno pa phimpi lo tekhoilu ghi thuwulu nani.

FILIPIAMI 3:8

Tilikhi kumo no, Khristo Jisü ye I Mpeu kepi I no ithilu keu hu no amekushou shilu keu ghenguno, kütau kümtsü adou kepi I no kihivae. Ni ye pa ghenguno kümtsü phevae eno thime kütauqo ye xinexigha kepi kihivae, tishianguno ni ye Khristo pesü I lá shilu

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

Kolosiami 3:10

eno alhoaye akitheu pepuluvea ke. Alhoaye akitheu hu ye Pulhosükütsü Lhou no pa ithive no pa toi shiluve peniye shikithe tsü acheni.

2 Thes. 1:3

Athiküzümi eno achelimiqo, ningu ye nongu ghenguno alhokuthu Alhou shikimthi ani pütsá ke, eno hiye achipi ke, kughengu nongu küpülü ye alau shi thuwukithe anie, eno nongu kümtsü no lakhi no lakhi kimiye akeu lo alau iko-ishe anie.

2 Tim. 4:18

Ampeu no küsakügha jeli I ghime niye akeu kümtsü lono I xapheluve nani eno I süsho pesü paw kungugha kükaphu lo ilo nani. Pa lau alhokupuju lono alhokupuju kutólo ajuküvü ache pelo! Amen.

1 Peter 2:2

Angá kughunuqo toi, aghungu kichhizü kitiqemo keu ye nikeu mineqhiyi lo, tishianguno tipau vechewo nongu pelo nonguw xakulu küxü lo thuwulu peniye ke,

2 Peter 1:11

eno nongu ye ningu Mpeu eno Xakuluu Jisü Khristo’w lhokta kükaphu lo ahukülü shi nongu sasü nani.

2 Peter 1:2

Alhou eno ningu Mpeu Jisü kighithi akeu vechewo küpükini eno aloino keu kupukuno shi nonguw shilu peniu.

2 Peter 1:3

Khuu no ajuküvü eno akivipu lo ningu kulù keno ningu no pa ithi aghí keu kighithi vechewo Alhou küká no ningu no alhou sümsa keu küxü xü nikeu ghenguno avehupu shi akeu kümtsü ningu tsüvae.

2 Peter 1:8

Kughengu tsalá nongu no ameküa hipaqo kighishe ghi pighi aye, tipaqo no nongu no ni Mpeu Jisü Khristo ithi akeu kighithi pelo shekichile eno mülàphekulupu shimove nikeu lau no nongu putosü pe qhi nani.

2 Peter 2:20

Panongu no ningu Mpeu eno Xakuluu Jisü Khristo ithi akeu vechewo shikuchubeve keu yeghiqha lono pokajoluve aghí no itaghi tipau lo kitimeve no tipau no panongu qhasüve aghí aye, panongu ye hukuthu lo kiutoi akeno ashekha lo ye tinguno vimokitheuve anike.

Jude 1:25

ningu Mpeu Jisü Khristo vechewo ningu Lhou ningu Xakuluu lau ajekipi, akughushu, aküka eno ayekipe, wove keu tiqheli kümtsü züu, itehi eno alhokupuju kutólo apeniu! Amen.

Piyeküsü 1:6

eno pa Lhou eno paPù qe penike ningu pesü pa kükaphu lo achinemiqo shitsü keno pa lau alhokupuju lono alhokupuju kutólo ajuküvü eno ayekipe ache pelo! Amen.