2 Peter 3:15 - Sümi Tiqhelimi Bible

¹⁵ Ningu no kimiye chekeu athiküzüu Paul no Alhou no alokütsü pa tsü keu vechewo nongu lau yè keu toi, ningu Mpeu’w kheakulu kiqi ghí xakulu kepi amlo lo qhilo.

BAIBEL (BSI)

¹⁵ Alhou no alokutsu pa tsukeu kiqi lono nino kimiyekile chekeu nithikuzuu Paul no nongu lau yesu tsupuwu keu toi niMpeu no kutuu tsu akeu huye nongu pelo xaluve peniye adokivi tsuani kepi kihiluvelo.

Sumi Naga CL (Re-edited) Bible (BSI)

¹⁵ Alhou no alokütsü tsükeu kiqi lono nino kimiye chekeu athiküzüu Paul no nongu lau yepuwu ketoi ni Mpeu no kutuu tsükeu ye nongu xakulupu ghenguno kepi kihilo,

2 Peter 3:15 ပူးပေါင်းရင်းမြစ်များ

Luke 21:15

Kughengu I no nongu ghümi pelo khochile mülave momu nongu no pikeu lo puthugho mülave pe kepu shi atsa eno alokütsü pesü nongu tsü nani ke.

Apostolmi 15:25

Ikehu ningu kümtsü puloküqha no timi khami kishe pe ningu küsàu kiviu Paul ngò Barnabas pama gholo no nongu lau puwu nikeu shie—

Apostolmi 7:10

eno aküküpüna jeli kümtsü lono pa xaphelue. Alhou no alokütsü Joseph tsü no pa pelo Egypt kükau Pharaoh mlo chulu pe. Tighenguno Pharaoh no Joseph pelo Egypt eno pa kükaki kümtsü shou ayekipeu shipeke.

Apostolmi 9:17

Tipathiu Ananias no wu no aki alou ilo. Pa u pesü Saul shou be püzü ishi pi, “Athiküzüu Saul, Ampeu Jisü, khuu nono hilau wuche kelo alaghi lo O lau ipeghi keno, pa no O pelo ithulu kitheve püzü Aghungu Kimthe no chhitoilu peniye O lau I puwu ani.”

Rommi 2:4

Momu nongu ye Alhou’w küpüqhiyi keu hu kupukuno shi akeu ye nongu pelo amlo pebidelu pe nikeu ghenguno kepi vethamla no nongu ye paw küpüqhiyi keu, küsüqhikulu eno kheakulu thaigha cheni keshea?

1 Kor. 12:8

Timi lakhi lau Aghungu vechewo alokütsü kükütsü tsa pilu kepu ghò tsü cheni, Aghungu tipau vechewo kütami lau akighithi tsa pilu pe kepu ghò tsü cheni,

1 Kor. 2:13

Ningu no piche keu ye hike, timi lokütsü no ningu shika keu tsaqo lono kumoe ikemu Aghungu no ningu shika keu tsaqo vechewo ke, eno Aghungu no shika keu tsaqo vechewo aghungu küxüw kuchouqo hepho-piye cheni.

1 Kor. 3:10

Alhou no küpükini I tsüpüa keu vechewo ni ye aki kishimi alokütsümi lakhi toi aboqha qhapüa tsü ani, ikelo ye kütami khami no tipau shou aki shipuku anie. Ikemu khukhumu aboqha hipau shou shipukuni aye, kutokughoi moayesa nani.

Ephesiami 3:3

tiye, I no ikhonhei shi yèpe qhipüa keu toi piyeküsü vechewo I lau Alhou’w tuqhou pìye keu ke.

1 Tim. 1:16

Ikemu hi ghenguno I lau kimiyekini pìye ke, tishi keu vechewo I no kiche-kipiye lakhi shi no Khristo Jisü pelo axinemiqo kümtsü nguno alhoküsau lau paw kutuukulu ighono kijè pephe-piye niye ke. Tisheno kütami ghí pa shou pülü no lhokta küxü ithulu nani.

James 1:5

Tsalá nono alokütsü mikhe aghí aye, no ye Alhou khuu no kümtsü lau akipimí phumo no tsünishiqhiyi tsü cheni keno pa vilo khu moayesa, eno ti O tsü nani.

James 3:17

Ikemu kungugha lono ighi chekeu lokütsü tipau ye atüghishi akimthe ke; tipau shelo külakishi kimiye keu, kümsükulu, aghokulu, kikimiye no chhitoi keu ngò axathi kivi, agikuju küha keu eno amikucho ke.

1 Peter 3:20

tiye khaghi Noah ghuloki lo ashuka mülà akelo Alhou no kutuukulu shi khe akelo agholumove kemiqo ke. Ashuka tipau lo timi aghulo, aqó lo pano tache, likhi azü lono xalu ke,

2 Peter 3:2

Ni ye nongu pelo wove keu lo akimthe tungkupumiqo no atsa pikeqo ngò ningu Mpeu eno Xakuluu no nonguw apostolmiqo vechewo azakütsü tsü keqo kümsüchilelu penishi ani.

2 Peter 3:9

Timi khami no asheshi keu vethalu chekeu kiqi lono Ampeu ye pa no piqhive keu pape nike asheshive cheni küghashi kemu tishimoe. Tishini ke züqhulo pa ye nongu lau kutuukulu shi acheni, pa ye nongu khuu pelomu pühave penishimo ke, ikemu kümtsü pelo amlo pebideve penishi anike.