2 Peter 3:1 - Sümi Tiqhelimi Bible

¹ Kimiye chekemi shompamiqo, hiye nongu lau iw yèsü akiniù ke. Ni ye nongu pelo akükümsü akivipu lo kümsüpuku peniye nongu lau shikumto ghi pikithe akeu shi yèsü kinikujo yè ke.

BAIBEL (BSI)

¹ Ino kimiyechekeqo, niye hipau pha ghuthu akiniu nongu lau yepuwu ani. Hikuma kini kujolo hipaqo thime pesu nongu piputo puzu nongu lolo mutsumishei keu kukumsu hakuthotsu anike.

Sumi Naga CL (Re-edited) Bible (BSI)

¹ Kimiye chekeqo, hi no ghuthu akiniu shi ni ye nongu lau yepuwu ani. Hi küma kini kujolo ni ye nongu ghutu ghi nongu kükümsü mtsümishei keu hakutho tsü ani,

2 Peter 3:1 ပူးပေါင်းရင်းမြစ်များ

MATTHEW 5:8

Amlo mithemithei kemi kümghae, kughengu panongu ye Alhou ithulu nani.

2 Kor. 13:2

I no akiniù nongu xuju ighino nongu gholo ake lono axiné kümlà shi akemiqo vilo pikichivea ke. Ikemu itaghi I küküha lono pikithe ani: khunoqo püzüu axiné shive keno eno kütami khuu-khuu shi aghimu, I no ideighi kelo tipaqo qhimo nani,

1 Tim. 5:22

Akukuho lo aghinimi shipe nikeu ghenguno tsaqütsaleimo kelo ye anguagha betsü kevilo, eno kütami xinéqo gholo küsaje kevilo. O likhi o pesü akimthe shi qhilo.

2 Tim. 1:6

Hi ghenguno I no I u pesü O shou betsü keu vechewo O lolo Alhou no aghò O tsü keu küyiqü kithe penike ni ye O piputo ani.

IBRIMI 6:9

Kimiye chekemi shompamiqo, ningu no ishi pi aghí namu, nongu shélo ye thime akiviu shi aghí nani kepi pülülu ani—tiye xakulu vehuqo ke.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 Peter 2:11

Kimiye chekemi shompamiqo, inami eno hapheve kemiqo kehu, ni ye nongu pelo axiné kümlà shinishiqhiyi chekeu, khikhi nongu ngulho sasü aghüshi acheni keno, tipau lau no putosü apenike hakite ani.

2 Peter 3:14

Tishiaye, kimiye chekemi shompamiqo, nongu no hipau khekulhoshi anike ghenguno thowkha lo pükapütsa püzü tukutiye küha keu, nguku kepu küha keu eno pa gholo külakishi akeu phulu pelo.

2 Peter 3:17

Tighenguno, kimiye chekemi shompamiqo, nongu ye azüu no pikichivea ke ghenguno, nongu likhi nongu khekuto lo tishianguno ayeza hekibidemiw shikipimi pelo nongu müsü sasü wuve pemo eno nonguw mutotoi keu-a lono ikiqive pemo niye ke.

2 Peter 3:8

Kimiye chekemi shompamiqo, ikemu thime lakhi hipau kümsüma kevilo: Ampeu gholo atsala lakhi ye ampe 1,000 toi ke, eno ampe 1,000 ye atsala lakhi toi ke.

Jude 1:5

Nongu ye hipau kümtsü ithi ani kemu ni ye ghuthu lakhi pikithe nishi ani, ike tiye Ampeu no ghuthu lakhi Egypt lono paw timiqo xaphelu ke, ikemu kutou ye khunoqo no pülümo keno tipaqo kütsave ke.