2 Peter 2:3 - Sümi Tiqhelimi Bible

³ Kükütsümi hipaqo no panongu lakimine ghenguno alaphasü keu xüghiliqo pesü nongu peithaqhi nani. Panongu kiléqhive keu ye püzüu no panongu shou pufu pe ani, eno panongu kütsakungo kepu shi akeu ye zü anike kumoe.

BAIBEL (BSI)

³ Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.

Sumi Naga CL (Re-edited) Bible (BSI)

³ Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

2 Peter 2:3 ပူးပေါင်းရင်းမြစ်များ

MATTHEW 23:14

“Nongu ayeza kükütsümi ngò Phariseemiqo ghenguno ahaküsapue! nongu kühaküghaqou! Nongu no chimemiqo ki süxaluve cheni eno timi shipe pìye nike ghenguno akighini kushuwa shi acheni. Tighenguno nongu ye shishe aghime kitikhi sholu nani.

Luke 18:8

I no nongu vilo pìní, pa ye paikhavi panongu ghenguno achipiu xakütha shitsü nani. Tishimu, Timi Nu no ayeghi lo ighi kelo, pa pülü kemi phulu nanima?”

Luke 20:20

Panongu ye aphivi lono tsaqüi Jisü puju peniye tuqhou no amikuchomi ghili shi pukujumiqo puwue. Panongu ye Jisü no kiu pìní keno tipau lono ajekukivi shi püzü pa küghape angh yekipe kükagha qholo tsüve niye shike.

Luke 22:47

Pa no atsa piaphi lono timi aqokitikhi lakhi ighive, eno akhopemi chighikini dolo lakhi Judas ipikeu hu no panongu sasü ighi. Pa no Jisü müma niye kupunú ighi,

John 2:16

Miqhedu je akemiqo vilo pa no ishi pi, “Hipaqo pesü hile no ipevelo! I pù ki pesü alhikishi-a kughulho kevilo!”

Rommi 16:18

Kughengu timi hitoi keqo ye ningu Mpeu Khristo qe anike kumoe, ikemu panongu ye pano likhi panow kuchu-kusho ghengu likhi kümsü cheni. Panongu ye atsa kümtsha eno akumou lono akishé tsü keu vechewo kumu mtha kemiqo kükümsü pishiqhive acheni.

2 Kor. 2:17

Ningu ye kütamiqo toi alá shini keu ghenguno Alhou tsa pesü mülalei shi jechu chemoe. Tishini ke züqhulo, ningu ye Khristo lono amikucho shi no Alhou lau no ighi kemi toi Alhou zülo pi acheni.

1 Thes. 2:5

Nongu no ithi akeu toi ningu ye khilemu timi müqüqhi chemo, tilikhi kumo no ningu ye ni lakimine ghenguno müqümgha shichemoe. Tiye Alhou no ninguw thopi ke.

1 Thes. 5:3

Timiqo no, “Külakishi eno sükusho,” ipi aphi lono kütsakungo keu no apunu küsǜ no mishí akeu totimi shikighime ketoi zülile no panongu shou ikughi nani, eno panongu ye pokajo mülave nani.

1 Tim. 3:3

shomzü kepu kumo, ngukangugha shimo no iqüighai moayesa, kiyi-muto kepu kumo, eno pisa kiminemi shikepu kumoe.

1 Tim. 3:8

Tipau tho lono akukuho lo aghinimiqo ghí gihukulupu eno amikucho timi shi aghí moayesae, aji shomzümoni eno amikucho kumo lono alá shini keu phu kemi shimoni.

1 Tim. 6:5

eno tamo no akükümsü lhoküsami eno kuchou kühave keqo dolo kighe kilé keu süghi cheni. Eno Alhou sümsaluve aye kinikülü shive cheni ipi panongu no kümsü cheni.

Titus 1:11

Panongu ghasüve moayesa ani, kughengu panongu no akibo kümtsü lo ilo no shikamo kepu thimeqo pesü shika no kübangüve tsü ani—eno ti ghí amikucho kumo lono alá shini keu ghenguno ke.

Titus 1:7

Akukuho lo sakiphemi lakhi ye Alhou kibo jukütsü ani kehu, pa ye tukutiye küha kemi shi aghí moayesa, amlo-idekalo kemi shimoni, aji shokümzümi shimoni, mutomushu kemi shimoni momu amikucho kumo lono alá shive niye phu kemi shimoni.

1 Peter 2:8

eno, “Atu khipau no timiqo pelo püsüpukulu pe cheni eno atuqu khipau no panoqo pelo veqhive pe cheni keno.” Panongu no akükütsütsa gholumo ke ghenguno panongu ye küpüxa cheni eno panongu ye hitoi shipe nikeu shi kughuchho pe qhive ke.

1 Peter 5:2

Alhou’w ambe loji nonguw tucho-mjokütsü qholo akeqo hu akivishi khekuto kepu shilo, panongu shou jukuto alo—tsükhomo shilo pikeu ghenguno kumoe, ikemu Alhou no nongu pelo shipe nishi akeu lo puloniqhiyi tipau shilo. Ajume ithulu keu ghengu likhi no kumoe ikemu amlo lono qe nikeu puloniqhiyi pù püzü shilo.

2 Peter 1:16

Kughengu kughou ningu no ningu Mpeu Jisü Khristo no aküka lono ighi nikeu ghili pesü nongu vilo pi keno ningu ye amqükini shi akukughu shikeu xüghili papemo ke, ikemu ningu ye ningu nhethi no pa kükanguaghaw thopi shikeqo ke.

2 Peter 2:1

Ikemu timiqo gholo ghí kichileu tungkupumiqo acheke, tihutoi nongu gholo ghí kichileu kükütsümiqo anani ke. Panongu no tuqhou no achineye hekibide kütsakungo keu kilethi nani, panongu ye panongu xachilelu keu Akughushu Mpeu kutólo milive nani—eno tipau no panongu likhi panongu shou paikhavi kütsakungo keu süghive cheni.

2 Peter 2:9

tsalá ishi aghí aye, Ampeu ye kíshi no peju keu lono alhou sükümsami xalu nani keno ithi ani eno kíshi no küghakütha tsalà lo amikucho kumomi ghimeqhi nani keno ithi ani.

Jude 1:11

Panongu ghengu ye ahaküsapu ke! Panongu ye Cain laghi lo checheni ke; panongu ye mighisü alá shini ke ghenguno Balaamw shikipimi shivae; panongu ye Korah’w hekibide lono kütsakungovae.

Jude 1:15

kümtsü shou küghathabe niye cheni, tiye panongu lhou kümtha vechewo alhou kümtha kümlà küxü ghenguno panongu kümtsü akipimí tsü niye, eno alhou mtha kemi axinemiqo no pa lau lakichile tsa pikeu ghenguno ke.”

Jude 1:16

Timi hipaqo ye nhenheshi chekemi eno akipimí phu chekemiqo ke; panongu ye panongu likhi panonguw küsakügha kükümsüqo pape cheni ke; panongu ye pano likhi pano jupe qheza cheni eno panongu ye pano kivipu ghenguno kütamiqo sheqhe cheni.

Jude 1:4

Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.

Jude 1:7

Tipau ghola lono, Sodom ngò Gomorrah eno tipau sükümxa lo mishiphuqo ye kipito xüküpsa ngò kimthe kumo lau panongu likhi panongu pesü tsüke. Panongu vechewo no lhokta miyizü ghime kütsüw kiche-kipiye lakhi shitsü ke.