2 Peter 2:2 - Sümi Tiqhelimi Bible

² Kutomo no panonguw shiküpsa süqeghili pape nani eno aju-aje küküha pesü kuchou laghi lo süghi nani.

BAIBEL (BSI)

² Timi kutomono kiptimi totimi dolo mithemo keu papewu nani eno panoqo ghenguno kutamino kuchou Laghi hu pipusa nani.

Sumi Naga CL (Re-edited) Bible (BSI)

² Kutomo no ashi lo pitipüza keu pape wuve no tipaqo ghenguno kütami no kuchou laghi pipütha nani.

2 Peter 2:2 ပူးပေါင်းရင်းမြစ်များ

MATTHEW 22:16

Phariseemiqo no panongu khopemiqo eno Herod papemiqo puwu no ishi pipe, “Akükütsüu, ningu no ithi akeu ye no ye kikhikighimi eno Alhou laghi kuchou kiqi lono kütsü achenie. No ye kütami no züluve chekemi kumo, kughengu pano ye khuu keno no ye tipau akhotoshi chemo ke.

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

MATTHEW 7:14

Ikemu khagho aghulo eno kibikhoi keu laghi ye aküxü lo sawu cheni, eno timi aghulo likhi no tipau là phulu cheni.

Mark 12:14

Panongu no pa lau ighino pi, “Akükütsüu, ningu no ithi akeu ye no ye kikhikighimi lakhi. No ye kütami no züluve chekemi kumo, kughengu panongu ye khuu keno no ye tipau akhotoshi chemo; ikemu no ye Alhou laghi kuchou ghili kütsü acheni. Imaye ningu no akükaqha zame Caesar tsü keu ye achipi keo mokea?”

Mark 13:22

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye, kisheluve kemiqo ghí pishiqhi niye shi nani.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

Apostolmi 13:10

“No ye tüghami nu eno achipiu kümtsü sasü aghümi shikicheu ke! No ye akimiki eno pishikiqhi no chhitoi ani. No ye Ampeu’w achipiu laghiqo shichighi chekeu lono khilemu tavemo nani keshea?

Apostolmi 14:2

Ikemu Jewmi khunoqo pülüni keu milive keno panongu no Jewkumomi kütamiqo xukuthove eno athiküzümiqo lachile penike panongu kükümsü lo alhoküsa xusüve tsüe.

Apostolmi 16:17

Totimi hipau no Paul ngò ninguqo pape no ighamuku ishi pi, “Timi hipaqo ye Akiqheu Alhou qemiqoe, panongu ye nongu vilo xakulupu laghi pitsü akemie.”

Apostolmi 18:26

Pa no amlo kumto shi synagog lo atsa pithuve. Priscilla ngò Aquila pama no Apollos tsa chilu kelo pama no pama ki lo pa kusü eno Alhou laghi pesü Apollos vilo aghileshi hepho-piye.

Apostolmi 19:9

Ikemu panoqo gholo khami ye amlo kuthò shiauve no pülütsümo eno aqha zülo no Ampeu là püla chekemi ghili lhoküsa piae. Ikehu Paul ye panoqo qhive no wuve. Pa no pa gholo küpülümiqo sasü wu no tsalà kipetsü akükütsü ki Tyrannus lo kumqo no küptsa ache.

Apostolmi 22:4

Alaghi hipau pape chekemiqo no thimo ke kutólo I no pishi-puju ke, kipitimi ngò totimi kinikujo kügha pesü akughuki lo vesüve ke.

Apostolmi 24:14

Tishimu, panongu no akumou ke ipi chekeu Laghi hu I no püla chekemi lakhi shi püzü ningu pù-asüqo Lhou mülá cheni kepi ni ye ikhilu ani. I no pülü akeu ye hi kümtsü Ayeza eno Tungkupumiqo kaku lo yèpüa keu kiqi lono ke,

Rommi 2:24

Kughengu ishi yèpüani: “Nongu Jewmi ghenguno Jewkumomiqo dolo no Alhou je pipütha cheni.”

1 Tim. 5:14

Tighenguno ni ye chimemi alhothe shi akeqo pelo külakupu shive no anuli auve, panongu kibo tucho auve no aghümi pelo panongu pipütha nikeu lo adokivi lupemo nike panongu shikumto ani.

Titus 2:5

alikhi aghasülu eno akimthe shilu, akibo lo mighimüghai shilu, kimiyekini shilu eno panongu kimiqo lau aghokulu shilu eno tishianguno khiu nomu Alhou tsa pipütha pemo niye ke.

Titus 2:8

eno O tsapi lo thaighamla kepu shi mütsümishei shilo, tishianguno O mujochile chekemi pelo ningu ghili lhoküsa kiumu pi kepu küha kelau no kujove penike.

1 Peter 2:12

Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.

2 Peter 2:12

Ikemu kichileu kükütsümi hipaqo ye panongu no vethamla keu vehuqo pipütha cheni. Panongu ye kiqiju chemo keu lhoxüqo toi ke, panongu ye akutoshikighithi lhoxüqo toi ke, lhoxü tipaqo ye küghaluve no ghiqhive nikeu ghenguno lhosü ke, eno lhoxüqo toi panongu ghí pühave nani.

2 Peter 2:15

Panongu ye müzüchoi keu laghi qhive no Balaam nu Bezer, khuu küsakügha jume kimiye cheni keno, pa laghi pape niye kawuvae.

2 Peter 2:18

Kughengu panongu kichí ye abokümsa ngò aqheküza tsaqo likhi ke eno ashi lakimine kükümsü ghenguno khunoqo no shikipimi küxü lo xüache püzü tipau lono akushukulu pokajosü wucheni keno tipaqo müsü cheni.

2 Peter 2:21

Panongu ghengu ye achipiumikucho laghi ithive no panongu zübo pe panongu lau kiye ighi keu akimthe zakütsü tsü nike züqhulo panongu ye achipiumikucho laghi mtha keu pavini cheke.

2 Peter 2:7

eno pa no Lot, amikuchomi lakhi, khuu ayeza hekibidemiw süqeghili ghenguno aghime kitikhi shive keno pa xalu aye

Jude 1:10

Ikemu timi hipaqo ye panongu no vethamla keu kümtsü lo shipütha cheni, eno panongu ye kiqiphekümla lhoxü toi akutoshikighithi vechewo panongu no vethamla keu thime hipaqo no panongu kütsakungove nani.

Jude 1:15

kümtsü shou küghathabe niye cheni, tiye panongu lhou kümtha vechewo alhou kümtha kümlà küxü ghenguno panongu kümtsü akipimí tsü niye, eno alhou mtha kemi axinemiqo no pa lau lakichile tsa pikeu ghenguno ke.”

Jude 1:4

Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.

Jude 1:7

Tipau ghola lono, Sodom ngò Gomorrah eno tipau sükümxa lo mishiphuqo ye kipito xüküpsa ngò kimthe kumo lau panongu likhi panongu pesü tsüke. Panongu vechewo no lhokta miyizü ghime kütsüw kiche-kipiye lakhi shitsü ke.

Piyeküsü 12:9

Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

Piyeküsü 13:14

Tüghashi atüghiu züqhu shi amchipu kümlàqo shipe nike aküka tüghashi akiniù tsü keu vechewo ayeghi lo xüküamiqo pishiqhive. Tüghashi akiniù no tüghashi khuu akihizüta no ghüzave kemu xüluve keno pa gihu keu michi shi ajulho lakhi mülà puku lo ipi ayeghilomiqo azah tsü.

Piyeküsü 13:8

Ghiqhive keu Ambeti’w aküxüpu kaku lo aje yèpuku püaghi kemi nguno alau ye ayeghi lhophe kelo no acheghi kemi kümtsü tüghashi hu mülá nani.