2 Peter 2:1 - Sümi Tiqhelimi Bible

¹ Ikemu timiqo gholo ghí kichileu tungkupumiqo acheke, tihutoi nongu gholo ghí kichileu kükütsümiqo anani ke. Panongu no tuqhou no achineye hekibide kütsakungo keu kilethi nani, panongu ye panongu xachilelu keu Akughushu Mpeu kutólo milive nani—eno tipau no panongu likhi panongu shou paikhavi kütsakungo keu süghive cheni.

BAIBEL (BSI)

¹ Ikemu timiqo gholo kichile tungkupmi ghi ipeghi, ike tihutoi nongu gholo ghi kichile kukutsumi ipeghi nani. Panonguno shikupusapu kuchoukumo kukutsu pesu kusuuno ighi nani eno panoqo xachilelukeu Ampeu milive nani eno pano likhi pano shou shikupusapu zuleno sughi nani.

Sumi Naga CL (Re-edited) Bible (BSI)

¹ Ikemu timiqo gholo kichile tungkupmi ghi ipeghi ketoi nongu gholo kichile kükütsümi ighi nani. Panongu no tuqhou no shiküpsapu kichile kükütsü süghi nani, eno Khuu no panoqo qhüchilelu keno pano Mpeu ghi milive nani, tishianguno pano shou shiküpsapu ke-i süghi nani.

2 Peter 2:1 ပူးပေါင်းရင်းမြစ်များ

MATTHEW 10:33

Ikemu khunoqo no kütamiqo gizülo I miliveni keno, ni ghí kungugha lo I pù zülo pa milive nani.

MATTHEW 24:11

eno kichileu tungkupumiqo kutomo ipeghi nani eno timi kutomo pishiqhi nani.

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

MATTHEW 24:5

Kughengu kutomo no I je lono, ‘Ni ye Messiah ke,’ ipi ighi nani eno kutomo pishiqhi nani.

MATTHEW 7:15

“Kichileu tungkupumiqo lau no kutokupui lo. Panongu ye ashou ye ambe toi nongu lau ighi cheni, ikemu panongu lolo ye ayiküsa tüngtüghaqo ke.

Mark 13:22

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye, kisheluve kemiqo ghí pishiqhi niye shi nani.

Luke 12:9

Ikemu khunoqo no kütamiqo gizülo I miliveni keno, ni ghí Alhou’w kungumiqo gizülo pa milive nani.

Luke 21:8

Jisü no khochile: “Khuu pelomu nongu pishiqhive pemo nike jukuto alo. Kughengu timi kutomo no I je lono ighino ‘Ni ye pa ke,’ eno ‘Aghuloki hu tovae,’ ipi pükha nani. Ikemu panongu pape wu kevilo.

Luke 6:26

Kughou timi kümtsü no nongu ye aloe ipini keno, nongu ghenguno ahaküsapue. Kughengu panongu pù-asüqo ghí tipaphi shi kichileu tungkupumiqo vilo piche ke.

Rommi 16:18

Kughengu timi hitoi keqo ye ningu Mpeu Khristo qe anike kumoe, ikemu panongu ye pano likhi panow kuchu-kusho ghengu likhi kümsü cheni. Panongu ye atsa kümtsha eno akumou lono akishé tsü keu vechewo kumu mtha kemiqo kükümsü pishiqhive acheni.

1 Kor. 11:19

Kuchou no pìní aye nongu khuu shou Alhou’w puloza ani keno ithinishi aghí aye nongu dolo kijetha keu aghí moayesa pütsá ke.

1 Kor. 6:20

Alhou no ame no nongu qhüluvae. Tishiaye nongu phimpi pesü Alhou juküvüpu shitsülo.

1 Kor. 7:23

Nongu ye ame no qhüluvea ke; timi qüaxemi shiwuve kevilo.

Galatiami 2:4

Hipau vehu ye kichileu küpülümiqo khami no ningu no Khristo Jisü vechewo ghoshixü akeu pukuju shi niye ninguw kushoqhe akeu lo itshüiloghi no ningu pesü aqüaxemi shive nike ghenguno ipeghi ke.

Galatiami 3:13

Khristo no ningu züqhu shi angsü puluve keu vechewo pa no ayeza ngusü lono ningu xachilelu ke, kughengu ishi yèpüani: “Timi khuu no kros lono tshüqhi thiveni keno pa ye müsüinivae.”

Galatiami 4:17

Kichileu kükütsümi hupaqo ye nongu züluve niye amlotsüqhiyi ani, ikemu akivipu ghenguno kumoe. Panongu no shinishi akeu ye nongu pesü ningu lau no kütüta shive tsünishiqhiyi anike, tishi keu vechewo nongu pelo panongu lau amlotsüqhiyi peniye ke.

Galatiami 5:20

ajulho kümlá eno atumu; akimithi, küqhakümla, axeküsü, amlokighide, alikhi asala kuphu, kotha kilé keu, amqo jeli

Ephesiami 1:7

Ningu ye pa jì vechewo xachilekulupu eno axiné qhitsükulupu ani, tiye Alhou’w küpükini kupukunoi akeu puloküqhalu keu lono

Ephesiami 4:14

Tisheno ningu ye itimi shiauvemo nani. Ningu ye azü no tukucho akeshi eno shiküka zümlhü jeli kümtsü vechewo timiqo no panonguw tuqhou pishikiqhi kukughu eno müqüijo keu vechewo hula-hila fupuwuvemo nani.

FILIPIAMI 3:19

Pano küxü shekha ye kütsakungo keu ke, panongu kive kichhipu no panongu lhou shi acheni, eno panongu ye akukujopu pesü pano jekipi shi acheni ke. Panongu kükümsü ye hipau yeghi lo thimeqo shou kümsüpuku pe acheni.

Kolosiami 2:18

Timi khunoqo no akuchunu ghili shi no kungumiqo mülá cheni keno tipaqo pelo nongu theqhive pe kevilo. Timi hitoi kemi ye panongu no kungunhetsü kiu ithulu keno tipau chixechilei pi cheni ke; panongu ye ayeghi lo timi kükümsü pesü akiqi kiumu kühamu akuchhoma shi acheni.

Kolosiami 2:8

Khristo lau no ighi keu kumo aye, khuu pelo nomu abokümsa eno pishikiqhi phukutho khikhi timi kukhuaye eno hipau yeghi ghawu thime küká shou pükhübe keu vechewo ighi cheni keno tipaqo pelo nongu küghasüwuve pe kevilo.

1 Tim. 5:8

Khukhumu pano bolomiqo tuchomo eno akhotoshi pa likhi pa kibolomi vehupuqo kuphu tsümo keu ye aküpülü milivae eno pülümo kemi lakhi nguno alhoküsau ke.

2 Tim. 4:3

Kughengu timiqo no akǜlü kuchou papemoveni keu do ighi nani. Tishini ke züqhulo, panongu no pano likhi pano ghapiqilu nikeu eno panongu kìní muthomüzai akeu no chilu nishi keu gholau no pipe nike ghenguno kükütsümi kutomo panongu sühomxa pe qhi nani.

Titus 1:11

Panongu ghasüve moayesa ani, kughengu panongu no akibo kümtsü lo ilo no shikamo kepu thimeqo pesü shika no kübangüve tsü ani—eno ti ghí amikucho kumo lono alá shini keu ghenguno ke.

Titus 3:10

Akikijé shive chekemi timi lau ghuthu lakhi pikichivelo, eno tisheno itaghi akiniù panongu pikichivelo. Tipau thiu ye, panongu sasü kiumu kütshükime akevilo.

IBRIMI 10:29

Khuu no apukhu pesü Alhou Nu qodani, khuu no panongu shikimtheve keu puloshoqhi jì pesü mithemo ketoi kihini, eno khuu no küpükini Ghungu thaighani keno, panongu ye aghime kitikhi khijehi alau ithulu nani kepi nongu ye kümsü ani kea?

1 Peter 1:8

Nongu ye pa ithulu mphi kemu, nongu no pa kimiye ke; eno nongu no itehi pa ithumla namu, nongu no pa shou pülü ke eno piphekümlapu eno ajuküvü lokiqi no chhitoi anike,

2 Peter 2:3

Kükütsümi hipaqo no panongu lakimine ghenguno alaphasü keu xüghiliqo pesü nongu peithaqhi nani. Panongu kiléqhive keu ye püzüu no panongu shou pufu pe ani, eno panongu kütsakungo kepu shi akeu ye zü anike kumoe.

1 John 2:26

I no nongu lau thime hipaqo yè akeu ye khunoqo no nongu saküghüzü niye pükapütsa ani keno panongu ghili yè anike.

1 John 4:1

Kimiye chekemi shompamiqo, aghungu kümtsü pülü kevilo, ikemu aghunguqo hu ye Alhou lau no ighi keu keo mokeno peju lo, kughengu kichileu tungkupumiqo kutomo ayeghiqha lo ipeghivae.

Jude 1:18

Panongu no nongu vilo ishi pi, “Ashekha ghuloki lo timi jukünatha chekemi khunoqo no pano likhi panonguw alhou sümo keu kükümsüqo pape cheni keno tipaqo ipeghi nani.”

Jude 1:4

Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.

Piyeküsü 13:14

Tüghashi atüghiu züqhu shi amchipu kümlàqo shipe nike aküka tüghashi akiniù tsü keu vechewo ayeghi lo xüküamiqo pishiqhive. Tüghashi akiniù no tüghashi khuu akihizüta no ghüzave kemu xüluve keno pa gihu keu michi shi ajulho lakhi mülà puku lo ipi ayeghilomiqo azah tsü.

Piyeküsü 2:13

Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.

Piyeküsü 2:9

O ghime eno O thokha I no ithi ani, tishiaghimu no ye kinikülü ke! Timi pipüsa chekemiqo no Jewmi kumomu Jewmi kepi pi cheni keno I no panongu ghili ithi ani kughengu panonguw synagog ye Satan’w ke.

Piyeküsü 3:8

I no O kümlàqo ithi anie. Julo, I no O zülo khunomu khamla kepu hukikha khaqhipe qhipüani. No ye akumto kitila likhi akeu I no ithi ani, tishiaghimu no ye I tsa pape ke eno I je milivemo ke.

Piyeküsü 5:9

Eno panongu no ishi ale kithé lakhi phe: “No ye liküküzü kaku ikhilu küzüpu ke eno tipau mekhapüa keu khaqhi küzüpu ke. kughengu no ye ghiqhive ke, eno shiaye jeli, atsa jeli piche kemi, timi amqo eno shiye jeli pelo Alhou’w timi shilu penike ghenguno O jì pesü qhüluve ke.

Piyeküsü 6:10

Panongu no asütsa kuloghi lakhi lono ishi pi, “Akughushu Mpeu, akimthe eno kuchou, no ye kughou no ayeghi lo xü akemiqo shou küghathabe no ningu jì peleve keu mükhü lutsü nani kea?”