2 Peter 1:8 - Sümi Tiqhelimi Bible

⁸ Kughengu tsalá nongu no ameküa hipaqo kighishe ghi pighi aye, tipaqo no nongu no ni Mpeu Jisü Khristo ithi akeu kighithi pelo shekichile eno mülàphekulupu shimove nikeu lau no nongu putosü pe qhi nani.

BAIBEL (BSI)

⁸ Kughengu nonguno hipaqo peitha eno kupukunoshi peche aye hipaqono nongu pelo niMpeu Jisu Khristo kighithilo thailupe nani.

Sumi Naga CL (Re-edited) Bible (BSI)

⁸ Kughengu ameküapu hipaqo pesü nonguw shilu no kighishelu aye, nongu ye ni Mpeu Jisü Khristo kighithi lo khilemu qeinai eno amekühave monani.

2 Peter 1:8 ပူးပေါင်းရင်းမြစ်များ

MATTHEW 13:22

Asahuli dolo apitì ikiqi ilove keu kiqi ye khunoqo no Alhou tsa hu chilu, ikemu hipau küxü lo mloküsaqo eno aküakini pishikiqhi no Alhou tsa hu küpühalu eno tino athi pithí mülave pe chekeu kiqi ke.

MATTHEW 20:3

“Inaqhe ayì tokú qhau pa no ashou ipe kelo alhikishi-a lo timi kütamiqo kiumu shimo no puthugho aghí keu ithulu.

MATTHEW 20:6

Avelau ayì pungu qhau pa no ashou ipe kelo itaghi timi khamiqo tile puthugho pe aghí keu ithulu. Panongu vilo pa no ishi iniju, ‘Nongu ye kushiye atsala kupuju kiumu shimo no hile puthugho ngo ani kea?’ ”

MATTHEW 25:26

“Pa mpeu no khochile, ‘No küsakügha, akipichi qeu! Ike no ye I no shosümo keu lo ghile hu eno I no apitì vesümo keu lo pekütsüluve chekeu ithi ani kena lai?

John 15:2

Pa no I lolo athi pithímo keu lokaqo kümtsü micheve cheni, eno aloka athi pithí akeqo kümtsü pelo alau kutomo pithílu penike ghenguno pa no kixiphe chenie.

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

John 5:42

ikemu I no nongu ithi ani. Nongu mlo lo Alhou kikimiye küha keu I no ithi anie.

Rommi 12:11

Azükini shini keu lo khilemu kughuchove kevilo, ikemu aghungu lono minemighei ghi Ampeu qe lo.

1 Kor. 15:58

Tighenguno, I no kimiye chekemi athiküzümi eno achelimiqo, mutotoi puthugho lo. Kiu pelo nomu nongu süküghütha pe kevilo. Pülhapuju lo nongu likhi nongu dokivi kümtsü pesü Ampeu kümlapù lo tsülo, kughengu nongu no ithi akeu toi Ampeu ghenguno mülà keu lo khilemu adou shive chemoe.

2 Kor. 13:5

Nongu ye nongu küpülü mutupe ani keo mokeno nongu likhi nongu phukideküdai ju moayesa ke. Jisü Khristo ye nongu lolo ani ipi nongu ye mtha keshea? Nongu no pekuju lo tomlave ke kumo aye Khristo Jisü ye nongu lolo anike.

2 Kor. 8:2

Ighono paküta keu pekuju sholu anamu panonguw alokiqi yeli keu eno ighono kumlhomi shi anamu panongu ye kupukuno shi pephetsü keu hu no qochili ipeghi ke.

2 Kor. 8:7

Ikemu nongu no aküpülü lo, atsapi lo, akighithi lo, pulopiniyi keu lo eno ningu no kikimiye nongu lolo küyiqü tsü keu thowkha kümtsü lo akiqheu shi akeu ghenguno tsükini-jekini kümlà hipau ghí akiqheu shini ke jukuto lo.

2 Kor. 9:14

Eno panongu no nongu ghenguno akighini shi kelo Alhou no küpükini vekiye ghi nongu tsüpüa keu ghenguno panongu mlo kuchou no inikhu nani.

FILIPIAMI 1:9

Eno I kighini ye hipau ke: tiye nonguw kikimiye pelo akighithi eno juchhokulu kuthò lono alau shi kupukuno shilu peniye ke,

FILIPIAMI 2:5

Nongu lakhi no lakhi sasü kütshükime akeu lo Khristo Jisü kükümsü toi xapu lo:

FILIPIAMI 3:8

Tilikhi kumo no, Khristo Jisü ye I Mpeu kepi I no ithilu keu hu no amekushou shilu keu ghenguno, kütau kümtsü adou kepi I no kihivae. Ni ye pa ghenguno kümtsü phevae eno thime kütauqo ye xinexigha kepi kihivae, tishianguno ni ye Khristo pesü I lá shilu

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

Kolosiami 2:7

Pa gholo nongu kuhu qüsülo eno nongu küxü shiqhepuku chelo, eno nongu kütsü pìyeve ketoi aküpülü lo akumto shilo eno shikimthi keu no qochili alo.

Kolosiami 3:16

Nongu no kütsü eno shika kelo nongu kükütsü sütsa lo Khristo tsakiviu pelo nongu gholo kinikülü shi ngolu pelo. Eno alokütsü shi no nongu mlo lo shikimthiqhiyi keu xapusü lakhi no lakhi vilo leshele, akishé le, eno Aghungu lo le vechewo Alhou sheqhelo.

1 Thes. 3:12

Ningu no nongu kimiye keu toi, Ampeu no nongu pelo lakhi no lakhi kimiyelu eno timi kümtsü kimiye keu lo alau thuwulu eno qochili apeniu.

1 Thes. 4:1

Athiküzümi eno achelimiqo, kütau vehuqo shélo ye kíshi Alhou pulou lono xüni keno ningu no nongu shikavae. Kuchou lo nongu ye tishi xüani. Itehi ningu no Ampeu Jisü vechewo nongu qhüiniju akeu ye itaghi hitoi alau shi xüa penike nongu kite ani.

2 Thes. 1:3

Athiküzümi eno achelimiqo, ningu ye nongu ghenguno alhokuthu Alhou shikimthi ani pütsá ke, eno hiye achipi ke, kughengu nongu küpülü ye alau shi thuwukithe anie, eno nongu kümtsü no lakhi no lakhi kimiye akeu lo alau iko-ishe anie.

1 Tim. 5:13

Tinguno alau no panongu ye akipichi shive no aki lakhi lono lakhi lo ilo keu lhoaye shiuve cheni. Eno panongu ye akipichi shive keu likhi kumo no panongu ye kütami kümlà lo chhosu keu no mighì acheni eno akiqi küha keu tsa kügha ghi pisümo kepu thimeqo lo ghi pisüwuve cheni.

Titus 3:14

Niw timiqo ye kiu no akivi keno tipau shi aní keu lo pulopiniyi amoayesae, tishianguno avehupu shi akemiqo kuphulu eno ameküha keu küxü xümo nani ke.

Philemon 1:6

Nono aküpülü lono ningu gholo kütshükime akeu vechewo ningu no Khristo je ghenguno akivi thimeqo küsaje akeu kümtsü lo ow vethakulu thonheilu penike I no akighini shi ani.

IBRIMI 6:12

Ningu ye nongu pelo akipichi shive penishi amoe, ikemu timi khunoqo no aküpülü ngò kutuukulu vechewo piqhipüa keu mheghi ighíluni keno tipaqo toi shipe nishi ani.

2 Peter 1:2

Alhou eno ningu Mpeu Jisü kighithi akeu vechewo küpükini eno aloino keu kupukuno shi nonguw shilu peniu.

2 Peter 1:3

Khuu no ajuküvü eno akivipu lo ningu kulù keno ningu no pa ithi aghí keu kighithi vechewo Alhou küká no ningu no alhou sümsa keu küxü xü nikeu ghenguno avehupu shi akeu kümtsü ningu tsüvae.

2 Peter 2:20

Panongu no ningu Mpeu eno Xakuluu Jisü Khristo ithi akeu vechewo shikuchubeve keu yeghiqha lono pokajoluve aghí no itaghi tipau lo kitimeve no tipau no panongu qhasüve aghí aye, panongu ye hukuthu lo kiutoi akeno ashekha lo ye tinguno vimokitheuve anike.

2 Peter 3:18

Ikemu ningu Mpeu eno Xakuluu Jisü Khristo’w küpükini eno pa kighithi lono thuwu alo. Itehi eno alhokupuju lo pa juküvü shilo! Amen.