2 Peter 1:6 - Sümi Tiqhelimi Bible

⁶ eno akighithi gholo alikhi aghasülu keu; eno alikhi aghasülu keu gholo tsükhoi keu; eno tsükhoi keu gholo Alhou sümsa keu;

BAIBEL (BSI)

⁶ akighithi shou alikhi aghasu kulu pesu veqabelo; alikhi aghasu kulu shou kushuwa puqhekulu pesu veqabelo; kushuwa puqhekulu shou Alhou lau amlo tsuqhiyikeu pesu veqabelo;

Sumi Naga CL (Re-edited) Bible (BSI)

⁶ akighithi gholo alikhi aghasükulu pesü veqalo, eno alikhi aghasükulu gholo kushuo puqhekulu pesü veqalo, kushuo puqhekulu gholo Alhou ithitoi keu pesü veqalo,

2 Peter 1:6 ပူးပေါင်းရင်းမြစ်များ

Luke 21:19

Mtotoi puthugho lo, eno no ye kuchou küxü ithulu nani.

Luke 8:15

Ikemu ayeghi kivi lo apitì vesülu keu ye xüpivi chekemi eno amlo kivimiqo, panongu ye Alhou tsa chilu no ikhilu kemiqo, eno akumto shikeu vechewo athi kutomo pithílu kemiqo ke.

Apostolmi 24:25

Paul no achipiumikucho, alikhi aghasükulu eno küghakütha ighi niye akeu ghili pi akelo Felix ye msàve eno pi, “Itehi ghengu ye tino taveni! No ye wuluve nani. I no kughou no ado shiluni keno I no O kupuwuni.”

Rommi 15:4

Thime hitoi keqo no ningu shika niye püzüu no Kuchoyesü lo yèpe qhivae. Eno Alhou’w pikiqhi shikupu niye ningu no kutuukulu shi khe akelo Kuchoyesü no lajupu ningu tsü eno shikumto cheni.

Rommi 2:7

Khunoqo no tamo no akümlà kivi shikeu lono ajuküvü, agigihu eno khilemu thivemo nikeu phu cheni keno, Alhou no lhokta küxü tsü nani.

Rommi 8:25

Ikemu ningu no ithumla no akeu shou lajupu qhi aye, ningu ye kutuukulu shi tipau ngokhe acheni.

1 Kor. 9:25

Aghili kukuxu lo ilo kemi kümtsü alikhi ampi ghasülu ghi qokiphe shi cheni. Panongu no tishi keu ye pepushumo nikeu kütsükuqho ithulu nikeu ghenguno ke, ikemu ningu no alikhi ampi ghasükulu shi achekeu ye lhokta kutólo pepushu anikeu kütsükuqho ithulu nikeu ghenguno ke.

2 Kor. 6:4

Tishini ke züqhulo, ningu ye Alhou qemiqo ke ghenguno ningu likhi ningu pesü alaghi thowkha lo kiche-kipiye shi acheni. Tiye aküpünaqo, aghime jeli eno amloküsa sholu kelo shishe kutuukulu shi cheni.

Galatiami 5:23

mtshaivü keu eno küsüqhikulu ke. Hitoi keqo shou ye ayeza kiumu kühae.

Kolosiami 1:11

nongu pelo shishe kutuukulu eno kheakulu shilu penike ghenguno pa juküvüpu kumto vechewo no aküka kümtsü pesü nongu shikumtolu,

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

2 Thes. 1:4

Tighenguno, nongu no pishi-puju keu eno peju keu kümtsü sholu akeu dolo tsükhoi shi no kutuukulu eno aküpülü pighi akeu ghenguno ningu ye Alhou kukuhou dolo ghí nongu jupe agijivilei acheni.

2 Thes. 3:5

Ampeu pelo nongu mlo kiche sasü Alhou kikimiye eno Khristo’w tsükhoi keu lo wulu peniu.

1 Tim. 2:10

ikemu akümlà kivi hu no ananu shipe nishi ani, kughengu hino Alhou mülá niye shuphe chekemi totimiqo ghenguno achipi ke.

1 Tim. 2:2

Tihutoi kükami eno kükagha lo akemi kümtsü ghenguno inikhu tsülo, tishianguno ningu pelo Alhou ithi keu eno akimthe lono iqünhei eno aloino ghi xülu penike.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

1 Tim. 6:11

Ikemu no Alhou’w timio, hipaqo kümtsü lono pove lo eno achipiumikuchou, Alhou sükümsa, aküpülü, kikimiye, kutuukulu eno mütshaivü keu phulo.

1 Tim. 6:3

Tsalá khuala no ningu kükütsü gholo kunodi ghi kütsü no ningu Mpeu Jisü Khristo’w mütsümishei keu shikakütsü eno Alhou lau no ighi keu shiküka gholo puloküqhamo aye,

1 Tim. 6:6

Ikemu Alhou sümsaluve keu gholo alokiqi akeu ye alá kijè anike.

2 Tim. 3:5

Panongu ye Alhou sümsa ke ghili shi nani ikemu Alhou küká milive anani. Timi hitoi kemiqo lau no putosü alo.

Titus 1:1

Paul, Alhou qeu eno Jisü Khristo’w apostol lakhi, Alhou no kisheve kemi küpülü pekho eno Alhou sükümsa lo sawu chekeu kuchou kighithi—

Titus 1:8

Ikemu, pa ye inami sasükinimi shi aghí moayesa, kiu no alo keno kimiye chekemi, alikhi aghasü kulumi, amikuchomi, akimthe eno aghokulumi shi aghí moayesae.

Titus 2:2

Layemiqo vilo aghibiu shini keu, timi no gihu küzüpu, alikhi aghasülu nikeu, aküpülü lo mütsümishei nikeu, kikimiye eno kutuukulu shini keu hipaqo shikalo.

IBRIMI 10:36

Nongu ye tsükhoi shini keu avehupu shi ani, tishianguno kughou nono Alhou pulou shini keno no ye kiu piqhipüa keno tipau ithulu nani.

IBRIMI 12:1

Tighenguno, ningu ye thopimi aqokitikhi hijejehi no ningu sümxa pe anike ghenguno, ningu lakha chekeu thimeqo eno mülalei kitimeve chekeu xinéqo kümtsü ikhipe peveni nolo. Eno ningu pelo pokuxu penike ghenguno amichi shipüa keu gholo tsükhoi shi no poni nolo,

IBRIMI 6:12

Ningu ye nongu pelo akipichi shive penishi amoe, ikemu timi khunoqo no aküpülü ngò kutuukulu vechewo piqhipüa keu mheghi ighíluni keno tipaqo toi shipe nishi ani.

IBRIMI 6:15

Ikehu kutuukulu shi khea kethiu, Abraham ye pa lau kiu piqhipüa keno ithulu ke.

2 Peter 1:3

Khuu no ajuküvü eno akivipu lo ningu kulù keno ningu no pa ithi aghí keu kighithi vechewo Alhou küká no ningu no alhou sümsa keu küxü xü nikeu ghenguno avehupu shi akeu kümtsü ningu tsüvae.

2 Peter 3:11

Thime kümtsü hipau ghola lono kütsakungove nani ke ghenguno, nongu ye kiutoi kemi timi shi aghí moayesa kea? Nongu no khekulhoshi Alhou tsalà ighi niye akeu khe ake dolo nongu ye akimthe eno Alhou sümsa keu küxü xü moayesa ke. Atsala tipau lo ye ami no atsütsǘ lo akeqo pitive no shipühave nani, eno thime jeliqo ye akülǘ no pitikümlave nani.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Piyeküsü 13:10

“Khunoqo akughu shiwuve kepu shi akeno, panongu ye akughu shiwuve nani. Akihizüta pesü khunoqo ghiqhive kepu shi akeno, akihizüta pesü panongu ghiqhive nani.” Hiye Alhou’w timiqo pelo kheakulu shi kutuulu eno amikucho shipe niye ghutú akeu ke.

Piyeküsü 14:12

Hiye Alhou’w timi khunoqo no Alhou zakütsü pape cheni eno Jisü lau amikucho shi cheni keno panongu sheamzü lo kheakulu shi kutuulu peniye piakeu lakhi ke.

Piyeküsü 2:2

I no O kümlàqo, nono ime mülà akeu eno nono tsükhoi shi akeu ithi ani. No ye küsaküghamiqo lau küsüqhilu chemo keu I no ithi ani eno nono apostolmi kumomu apostolmi kepi pükha chekemiqo peju no panongu ye kichileu kepi phupheluve keu ghí I no ithi ani.