2 Peter 1:5 - Sümi Tiqhelimi Bible

⁵ Hipau kimiji vehu ghenguno, thowkha lo pükapütsa azükini shi püzü nongu küpülü gholo akivipu; eno akivipu gholo akighithi;

BAIBEL (BSI)

⁵ Highenguno tolukivi thaqhulo akiqheu shipuzu akupulu shou alokepu pesu veqabelo; alokepu shou akighithi pesu veqalo;

Sumi Naga CL (Re-edited) Bible (BSI)

⁵ Hi ghenguno, tolukivi thaqhü pükapütsa no nongu küpülü gholo xükipivi pesü veqabelo, eno xükipivi gholo akighithi pesü veqalo,

2 Peter 1:5 ပူးပေါင်းရင်းမြစ်များ

Luke 16:26

Hi kümtsü nguno alau no, no eno ningu dolo akuthoku thonhei keu ani, eno khunomu hile no kathasü O lau wuni keu shimlae, momu khunomu nono akeu lono hilau kathasü ighi mülae.’

Luke 24:21

ikemu ningu ye Israelmi xaphe niye akeu ye pa ke ipi laju ake. Tinguno alau, tipaqo kümtsü shive keu hi atsala aküthüu shi anie.

John 6:27

Shipüsave chekeu chuqu ghenguno müla kevilo, ikemu lhokta küxü kutólo ngolu chekeu chuqu ghenguno müla lo, tiye Timi Nu no nongu tsü nani ke. Kughengu Apù Alhou no pa shou pulobe mekhavae.”

1 Kor. 14:20

Athiküzümi eno achelimiqo, itimi toi kümsü chekeu tavelo. Küsakügha shini keu lo ye itimi toivelo, ikemu nongu kükümsü lo ye asathevelo.

Ephesiami 5:17

Tighenguno nikhanigha shi kevilo, ikemu Ampeu pulou ye kiu keno vethalulo.

FILIPIAMI 1:9

Eno I kighini ye hipau ke: tiye nonguw kikimiye pelo akighithi eno juchhokulu kuthò lono alau shi kupukuno shilu peniye ke,

FILIPIAMI 2:12

Tighenguno, I no kimiye chekemi shompamiqo, I no akelo nguno alau no I no küha kelo nongu no alhokuthu aghokulu shi acheke toi msà khokhoshi nonguw xakulu xathi pìyelo,

FILIPIAMI 4:8

Athiküzümi eno achelimiqo, ashekha shi kiu no kuchou, kiu no xüpivi, kiu no achipiu, kiu no akimthe, kiu no alo keu, kiu no jupe amloqilu cheni—kiu-kiumu akighiché momu sheqhe küzüpu aghí aye—thime tipaqo shou kümsüpuku alo.

Kolosiami 1:9

Hi ghenguno, ningu no nongu ghili chilu ke tsalà lono huthu no nongu ghenguno tamo no inikhu acheni. Ningu ye tamo no Alhou vilo pa pulou kighithi eno Aghungu no tsü chekeu lokütsü eno vethakulu kümtsü pesü nongu tsülo ipi inikhu acheni,

Kolosiami 2:3

Khristo lolo alokütsü eno akighithi kinikhuki kümtsü küsüpe püani.

IBRIMI 11:6

Eno aküpülü küha kelo ye Alhou mlokiqipu shini keu kushokütsü ke, kughengu khukhumu pa lau ighi kemi ye pa ye xüani eno pa ye khunoqo no puloniqhiyi pa phu ighi cheni keno tipaqo asaxu tsü cheni kepi pülü moayesa ke.

IBRIMI 12:15

Khuu pelo nomu Alhou’w küpükini ithumlave keu shipemo nike eno khumtsai keu kuhu lhoipeghi no aküpüna shivepemo nike eno timi kümtsü shikuchubeve pemo nike jukuto alo.

IBRIMI 6:11

Ningu ye nongu lakhi-khi pelo ashekha kutólo hitoi azükini pìye penishi ani, tishianguno nongu no kiu laju ani keno tipau kuchopu ithilu peniye ke.

1 Peter 3:7

Akiminoqo, tipau tho lono nongu no nongu nipùnoqo sasü akelo akümtsha shi xülo, eno panongu ye miqemilei keu tüna kehu panongu gihu ghi tucho-mjo eno panongu ghí nongu gholo küpükini küxü ghò mheghi ighílu keu toi sasü xülo, tishi keu vechewo kiunomu nongu kighiniqo lakhamo nani ke.

2 Peter 1:10

Tighenguno, I thiküzümi eno I chelimiqo, thowkha lo pükapütsa no nonguw kukulu eno kishekulu shikumto nike azükini shi alo. Kughengu nongu no hipaqo shi aye, nongu ye khilemu küpüxalumo nani,

2 Peter 1:11

eno nongu ye ningu Mpeu eno Xakuluu Jisü Khristo’w lhokta kükaphu lo ahukülü shi nongu sasü nani.

2 Peter 3:14

Tishiaye, kimiye chekemi shompamiqo, nongu no hipau khekulhoshi anike ghenguno thowkha lo pükapütsa püzü tukutiye küha keu, nguku kepu küha keu eno pa gholo külakishi akeu phulu pelo.

2 Peter 3:18

Ikemu ningu Mpeu eno Xakuluu Jisü Khristo’w küpükini eno pa kighithi lono thuwu alo. Itehi eno alhokupuju lo pa juküvü shilo! Amen.