2 Peter 1:4 - Sümi Tiqhelimi Bible

⁴ Hipaqo vechewo pa no paw ighono kijè eno akughupu pikiqhi ningu tsüvae, tishi keu lono tipaqo vechewo nongu pelo ayeghiqha shikuchubeve chekeu küsakügha shinishiqhiyi chekeqo lono pokajoluve no Alhou lhoaye gholo küsajelu peniye ke.

BAIBEL (BSI)

⁴ Hitoi shipuzu pano piqhive keu amekusho eno akughupu kumsagho pesu ningu tsuvae, tishianguno kumsagho hipaqo peitha puzu ayeghiqhalo ngosukumla no shikupsa akeu launo nonguye puluvepe niyeke, eno Alhou lhoayeh kusajelupe niyeke.

Sumi Naga CL (Re-edited) Bible (BSI)

⁴ tipau vecheo Pa no Paw akughupu eno pikiqhitsa kije pesü ningu tsüvae, tishianguno tipaqo pesü nongu no ayeghiqha hipau lo pitipüza keu xine jeli ghenguno shiküpsa achekeu launo poluve peniye ke.

2 Peter 1:4 ပူးပေါင်းရင်းမြစ်များ

Rommi 9:4

Israelmiqo ye Alhou no saputhu pesü anukishimi shilu pe ke; panongu pelo pa kimthe juküvü küsaje pe ke, pa no panongu sasü puloshoqhiqo shi eno ayeza pesü tsüke. Pa no panoqo pelo kuchou shi pa chineki lo mülá lupe eno panoqo sasü pikiqhi shike.

2 Kor. 1:20

Kughengu Alhou no kutomo piqhipüaghi namu, tipaqo kümtsü Khristo vechewo “Iye” ipi anike. Ikehu ningu no pa vechewo Alhou juküvü shi ghi “Amen” ipi cheni.

2 Kor. 3:18

Eno ningu khunoqo agi küzümo no Ampeu juküvü kümsükütü acheni keno, ningu pesü alhokuthu thuwu chekeu juküvü lono pa jukimihi shive tsü ani, eno tiye Ampeu khuu Aghungu keno pa lau no ighike.

2 Kor. 6:17

Tighenguno, “Panoqo lau no ipeghivelo eno kütüta shivelo, ipi Ampeu no pike. Mithekumo thimeqo bu kevilo, eno I no nongu ikhilu nani.”

Galatiami 3:16

Alhou no Abraham lau eno pa tikughukomiqo lau pikiqhi shike. Kuchoyesü lo “eno atikughukoqo lau,” ipi pipüamoe, tipau kiqi ye timi kutomo, ikemu “eno O tikughuko,” ipi pipüani, tipau kiqi ye timi lakhi, tiye Khristo ke.

Galatiami 6:8

Khuno no axiné pulou shi niye xusü cheni keno tipau lono kütsakungo keu xolu nani; khuno no Aghungu pulou shi niye xusü cheni keno tipau lono lhokta küxü xolu nani.

Ephesiami 4:13

tiye ningu kümtsü aküpülü eno Alhou nu ithive keu lono küqhaluve püzü tekhoi shiluve no Khristo ye khuu keno pa ghili kuchopu ithikupu lumo ke kutólo mülà ape niye ke.

Kolosiami 3:10

eno alhoaye akitheu pepuluvea ke. Alhoaye akitheu hu ye Pulhosükütsü Lhou no pa ithive no pa toi shiluve peniye shikithe tsü acheni.

IBRIMI 12:10

Ayeghi lo apùnoqo ye ado kitila ghenguno panongu no akiviu ipi kümsü akeu kiqi lono ningu ghasü cheni ke; ikemu Alhou ye ningu kivipu ghenguno ghasü cheni ke, tishianguno ningu pelo pa kimthe lo küsajelu peniye ke.

IBRIMI 9:15

Hi ghenguno Khristo ye puloshoqhi akitheuw alakipiu ke, tishianguno khunoqo kulùvea keno panongu pelo piqhipüa keu lhokta mheghi ighílu peniye ke—kughengu panongu pelo puloshoqhi atüghiu qholo axiné shive keqo lono kuqhophe nike ghenguno pa ye xakipheu lakhi shi thive ke.

James 1:27

Ningu Papù Alhou no akimthe eno akipimí küha keu chineye ipi ikhilu chekeu ye hike: mighimi eno chimemiqo no aghime kitikhi shi akelo tucho-heju nikeu eno ayeghilomi pelo o shikuchubeve keu shipemo no putosülu keu ke.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

2 Peter 3:13

Ikemu Alhou no piqhipepüa keu toi ningu ye kungugha kithé eno ayeghi kithé khile achipiu mikuchomi no ngo cheni keno tipau khekulhoshi ani.

2 Peter 3:9

Timi khami no asheshi keu vethalu chekeu kiqi lono Ampeu ye pa no piqhive keu pape nike asheshive cheni küghashi kemu tishimoe. Tishini ke züqhulo pa ye nongu lau kutuukulu shi acheni, pa ye nongu khuu pelomu pühave penishimo ke, ikemu kümtsü pelo amlo pebideve penishi anike.

1 John 2:25

Eno pa no ningu lau piqhipüa keu ye hike—tiye lhokta küxü ke.

1 John 3:2

Kimiye chekemi shompamiqo, itehi ningu ye Alhou nuliqo ke, eno ningu ye kiu shive nani keno tipau pephe-piye mphie. Ikemu kughou Khristo ipeghini keno ningu ye pa toive nani kepi ningu no ithi ani, kughengu pa ye kiutoi keno ningu no ithulu nani.