2 Kor. 9:8 - Sümi Tiqhelimi Bible

⁸ Eno Alhou ye kupukuno shi nongu kümgha tsülu nani, tishianguno thowkha kümtsü lo eno ado aghuloki kümtsü lo nongu no avehupu shikeu kümtsü aghílu pe nani eno nongu ye akümlà kivipu kümtsü lo kupukuno shi küsajelu nani.

BAIBEL (BSI)

⁸ Alhou ye nonguno avehupu shi akeu eno tinguno alau ghi tsukulupu anike tishianguno nonguno kiu avehupu shinikeno tipau thwokha aghilupe eno akumla kivipu ghenguno lukumkhashi tsupeniyeke.

Sumi Naga CL (Re-edited) Bible (BSI)

⁸ Eno Alhou ye kupukuno shi nongu kümghatsü kulupu ani, tishianguno ado kümtsü lo kiukiu lomu nongu no avehupu shikeu lukümkha shilu nani, eno akümla kivi kümtsü lo nongu ye ikoishelu nani.

2 Kor. 9:8 ပူးပေါင်းရင်းမြစ်များ

Apostolmi 9:36

Joppa lo küpülümi lakhi Tabitha (Greek lo li je ye Dorcas) ipikeu ache; li ye alhokuthu lo akümlà kivi shi eno kumlhomiqo kuphu ache.

1 Kor. 15:58

Tighenguno, I no kimiye chekemi athiküzümi eno achelimiqo, mutotoi puthugho lo. Kiu pelo nomu nongu süküghütha pe kevilo. Pülhapuju lo nongu likhi nongu dokivi kümtsü pesü Ampeu kümlapù lo tsülo, kughengu nongu no ithi akeu toi Ampeu ghenguno mülà keu lo khilemu adou shive chemoe.

2 Kor. 13:3

kughengu nongu no Khristo no I vechewo piani ipikeu kimchikütsü khu anike. Khristo ye nongu tucho nikeu lo miqemileimoe, ikemu pa ye nongu dolo akumtou ke.

2 Kor. 8:19

Tinguno alau, ningu no Ampeu ampi gihu eno ningu no kuphu nishiqhiyi akeu pephe-piye nike ghenguno akümlagho pe chekeu lo akukuhoqo no pa pelo ningu gholo aküsa shipe nike kishelu ke.

2 Kor. 8:2

Ighono paküta keu pekuju sholu anamu panonguw alokiqi yeli keu eno ighono kumlhomi shi anamu panongu ye kupukuno shi pephetsü keu hu no qochili ipeghi ke.

2 Kor. 8:7

Ikemu nongu no aküpülü lo, atsapi lo, akighithi lo, pulopiniyi keu lo eno ningu no kikimiye nongu lolo küyiqü tsü keu thowkha kümtsü lo akiqheu shi akeu ghenguno tsükini-jekini kümlà hipau ghí akiqheu shini ke jukuto lo.

2 Kor. 9:11

Nongu pelo alaghi jeli thowkha lo alá shilu pe nani eno tishi keu vechewo atüqhüdo kümtsü lo nongu ye tsükinimi shilu pe nani, eno ningu vechewo nonguw tsükini hu no Alhou lau shikimthi tsü keu shilu nani.

Ephesiami 2:10

Kughengu ningu ye Alhou no azüu no ningu ghenguno akümlà kivi kutò pe qhipüakeqo mülà peniye Khristo Jisü vechewo lhophe ke. Eno ningu ye Alhou’w au no mülà keqo ke.

Ephesiami 3:20

Itehi ye Alhou khuu pa küká ningu lolo akümlà shi akeu kiqi lono ningu no khu keu momu kümsü keu nguno alau kimghi kümlapú kutólo shikulupu ani keno,

FILIPIAMI 4:11

I no hi piakeu ye ni ye avehupu shi akeu ghenguno pi anike kumoe, kughengu ni ye kiu-kiu tüqhüdo lomu aloqilu nikeu shikaluvae.

Kolosiami 1:10

tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

2 Thes. 2:17

pa pelo nongu kümlà kivi eno atsa kivi pikeu kümtsü lo nongu mlo shikumto eno nongu iqhikithe tsü peniu.

2 Tim. 2:21

Khunoqo no pano likhi pano pesü inapügha peitha nikeu lono shikimthe pe qhini keno panongu ye paküta keu kimiji ghenguno küghaküsü shi peitha nani. Panongu ye akimthe shive tsü nani eno Ampeu ghenguno peithakulupu shi nani eno akümlà kivi shini keu ghenguno kutokughoi pe qhive nani.

2 Tim. 3:17

tishianguno Alhou qe akemi pelo akümlà kivi jeli shini keu ghenguno ananu kupukülai pepulu peniye ke.

Titus 2:14

pa no pa küxü pesü ningu ghenguno ikhiphe pe tsüve eno küsakügha kümtsü lau no ningu xachilelu eno pa likhi paw timiqo shikimthe tsüke, tiye ningu pelo kiu no akivi keno tipau lo minemighei shi ape niye ke.

Titus 3:14

Niw timiqo ye kiu no akivi keno tipau shi aní keu lo pulopiniyi amoayesae, tishianguno avehupu shi akemiqo kuphulu eno ameküha keu küxü xümo nani ke.

Titus 3:8

Hiye pükhübekulu tsa lakhi ke. Eno ni ye O pelo hipaqo vehu müghachhoi pitsü penishi ani, tishianguno khunoqo no Alhou lau pükhübeluve akeno panongu pelo kutokupui shi püzü kiu no akivi keno tipaqo lo pulopiniyi ape niye ke. Hipaqo vehu ye akiqheu eno kümtsü ghenguno alá shikulupu ke.

1 Peter 4:10

Milakhi-khi no Alhou no küpükini ghò jeli kiu-kiu tsüpüa ghí namu jukükütsümi shi püzü Alhou lau no kiu ghò ithulu keno tipau pesü kütamiqo qe nikeu ghenguno peitha moayesae.