2 Kor. 9:2 - Sümi Tiqhelimi Bible

² Kughengu nongu no kuphu nishiqhiyi achekeu I no ithi ani, eno wove keu mpe lono nongu Achaia lo akemi no tsü nikeu kutò pe akeu pesü Macedoniamiqo vilo pi no I kijuvilei shi acheni ke; eno nonguw pulopiniyi keu hu no tsü nikeu lo timi kutomo hakutholuvae.

BAIBEL (BSI)

² Kughengu nonguno kuphunishi kutu akeu ino ithi ani, eno niye Makedoniami vilo, “Athikuzumi Akhaya lo kuamiqoye wovekeu mipe lono kuphuniye kutope anike” ipi nongu ghenguno ikijivilo acheni. Nongu zukinino panongu kutomo hakutholuvae.

Sumi Naga CL (Re-edited) Bible (BSI)

² kughengu nongu no kutope akeu I no ithi ani, tipau pesü I no Macedoniami vilo Achaiami ye khanikü no kutope anie pi I kijivile pike. Eno nongu zükini no panongu kutomo hakutho luvae.

2 Kor. 9:2 ပူးပေါင်းရင်းမြစ်များ

Apostolmi 18:12

Kughou Gallio no Achaia qhalo Rommiw Angh shi akeno, Corinth lo Jewmiqo küqha no Paul kügha pesü küghaki lo sasü ighi.

Apostolmi 24:17

“Ampe hami thikhau ni ye Jerusalem lo ighi, tiye niw timiqo no aghò tsü keu pesü kumlhomiqo tsü eno akümlaghoqo mülá niye ighike.

Rommi 15:26

Kughengu Macedonia eno Achaia lo küpülümiqo ye Jerusalem lo Ampeu’w timiqo gholo kumlhomiqo kuphu nike amlokiqi shi akümlagho qhakütsü ke.

1 Kor. 16:15

Nongu no ithi anike, Stephanas kibolomiqo ye Achaia lo küpülümi shitüghimiqo ke, eno panongu ye Ampeu’w timiqo kümlapù lo panongu likhi panongu ikhiphe pe tsüve ke. Athiküzümi eno achelimiqo, I no nongu qhüiniju akeu ye

2 Kor. 1:1

Alhou pulou vechewo, Khristo Jisü’w apostol Paul eno ningu thiküzüu Timothy lau no, Korinth lo Alhou kukuhou ngò Achaia qhalo Alhou’w akimthemi kümtsü lau yèsü hipau yèlu ani:

2 Kor. 7:14

Ni ye nongu jupe I kijuvilei akeu pesü pa vilo pike eno nongu ye I shikukujovemo ke. Ike ningu no nongu vilo pikeu kümtsü kuchou ketoi ningu no nongu ghenguno Titus lau agijivileilu keu ghí kuchou kepi kimichitsülu ke.

2 Kor. 7:4

Ni ye ighono khaqhilei shi nongu pütsavae; eno ni ye nongu jupe shishe agijivilei acheni. Nongu no aloqhi I shikumtovae; ikehu niw shiluküsaqo kümtsü lo I lokiqi shi acheni.

2 Kor. 8:10

Avehu hipau lo nongu ghenguno kiu no akiviu keno tipau lo iw xakütha ye hike. Wove keu mpe lo nongu ye atüghishi tsü keu likhi kumoe ikemu nongu ye tipau shinishi ake.

2 Kor. 8:11

Ikehu akümlà ashé tovelo, tishianguno nongu no puloniqhiyi mülà nishi akeu gholo nongu no akeu qhemi lono akümlà mülaqhilu peniye ke.

2 Kor. 8:19

Tinguno alau, ningu no Ampeu ampi gihu eno ningu no kuphu nishiqhiyi akeu pephe-piye nike ghenguno akümlagho pe chekeu lo akukuhoqo no pa pelo ningu gholo aküsa shipe nike kishelu ke.

2 Kor. 8:24

Tighenguno timi hipaqo lau nonguw kikimiye eno ningu no nongu jupe agijivilei chekeu kiqi mütsüqhei pephe tsülo, tishianguno akukuhouqo pelo tipau ithukulupu shipe nike.

2 Kor. 8:8

Ni ye nongu vilo azah tsü amoe, ikemu kütamiqow pulopiniyi gholo kimghi keu vechewo ni ye nonguw kikimiye mikucho peju nishi anike.

1 Thes. 1:7

Eno tishi keu vechewo nongu ye Macedonia ngò Achaia lo küpülümi akemiqo kümtsü ghenguno akühapu lakhi shivae.

IBRIMI 10:24

Eno ningu ye kíshi no lakhi no lakhi shikumto ghi kikimiye eno akümlà kiviqo shiluni keno tipaqo kümsüni nolo,