2 Kor. 8:8 - Sümi Tiqhelimi Bible

⁸ Ni ye nongu vilo azah tsü amoe, ikemu kütamiqow pulopiniyi gholo kimghi keu vechewo ni ye nonguw kikimiye mikucho peju nishi anike.

BAIBEL (BSI)

⁸ Hiye ahza kutsu shi amoe. Ikemu kutamino kuphunishi kutu akeu nongu vilo pikeu lono nongu wu kikimiye ye kucho kepi ino ithiveniyeke.

Sumi Naga CL (Re-edited) Bible (BSI)

⁸ I no hi pi akeu ye azakütsü lono kumoe, ikemu kütami no pulopinyi akeu vecheo nongu kikimiye ghi kuchou kepi piye niye ke.

2 Kor. 8:8 ပူးပေါင်းရင်းမြစ်များ

Rommi 12:9

Kikimiye ye amikucho shi moayesa. Kiu no küsakügha keno mithi lo; kiu no akivi keno mutotoi tsüqüluve lo.

1 Kor. 7:12

Kütami kümtsü lau I no hi piani (Ampeu no kumo püzü I no piani): Tsalá athiküzümi lakhi no pa nipu aküpülü kumomi lupüaghi püzü li no pa sasü küghüna nikeu lo pulo aghí aye, pa ye li sasü küghüxave kepu kumoe.

1 Kor. 7:25

Itehi ye akibo shimove kemiqo lau hi piani: Ni ye Ampeu lau no azakütsü kiumu kühae, ikemu I no Ampeu’w kimiyekini eno pükhükulumi lakhi shi akeu vechewo iw xakütha lakhi tsü ani.

1 Kor. 7:6

I no hi piakeu ye pulosü tsü ghi piani thono ayeza shi ghi piamoe.

2 Kor. 6:6

Ningu ye amikucho, vethakulu, kheakulu eno küpüqhiyi keu, Aghungu Kimthe eno amikucho kikimiye vechewo nilikhi ni kimchitsü cheni.

2 Kor. 8:10

Avehu hipau lo nongu ghenguno kiu no akiviu keno tipau lo iw xakütha ye hike. Wove keu mpe lo nongu ye atüghishi tsü keu likhi kumoe ikemu nongu ye tipau shinishi ake.

2 Kor. 8:24

Tighenguno timi hipaqo lau nonguw kikimiye eno ningu no nongu jupe agijivilei chekeu kiqi mütsüqhei pephe tsülo, tishianguno akukuhouqo pelo tipau ithukulupu shipe nike.

2 Kor. 9:2

Kughengu nongu no kuphu nishiqhiyi achekeu I no ithi ani, eno wove keu mpe lono nongu Achaia lo akemi no tsü nikeu kutò pe akeu pesü Macedoniamiqo vilo pi no I kijuvilei shi acheni ke; eno nonguw pulopiniyi keu hu no tsü nikeu lo timi kutomo hakutholuvae.

2 Kor. 9:7

Pulomoqhiyi keu momu tsümomo tsülo pikeu ghenguno kumo no nongu lakhi-khi no kiu tsüní kepi nongu mlo lo xathavea keno tipau tsülo, kughengu Alhou ye amloqiqhiyi tsü kemi kimiye cheni.

Ephesiami 4:15

Tishini ke züqhulo, kikimiye lono kuchou tsa pikeu lono ningu ye alaghi jeli lono Khristo khuu no akütsü keno pa phimpi lo tekhoilu ghi thuwulu nani.

Ephesiami 6:24

Khunoqo thivemo nikeu kikimiye pesü ningu Mpeu Jisü Khristo kimiye acheni keno panongu kümtsü lau küpükini apeniu.

IBRIMI 10:24

Eno ningu ye kíshi no lakhi no lakhi shikumto ghi kikimiye eno akümlà kiviqo shiluni keno tipaqo kümsüni nolo,

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.