2 Kor. 7:8 - Sümi Tiqhelimi Bible

⁸ Tsalá iw yèsü no nongu mloghimeve tsü aghí namu, ni ye tipau kümsüchile amoe. Iw yèsü no nongu ghüza püani kepi I no kümsüchile aghí namu, tiye ado ikhonhei ghenguno ke.

BAIBEL (BSI)

⁸ Kughengu iwu yesu lakhiu huno nongu mlo kusapu shivetsue pinamu tiye imloghime shiamoe. Kughou yesu tipauno nongu mlo ghimevekeu ino ithulu keno, ado hitohi likhi kemu tiye imlo ghimeveni cheke.

Sumi Naga CL (Re-edited) Bible (BSI)

⁸ Kughengu Iw yesü no nongu mlo ghujuve aghimu ni ye kümsüchile amoe—kuchou loye ni ghi kümsüchileve ke, ikemu I no ithi anike yesü tipau no nongu mlo ghuju tsükeu ye ado hami ghengu likhino ke.

2 Kor. 7:8 ပူးပေါင်းရင်းမြစ်များ

John 16:6

Tishini ke züqhulo I no thime hipaqo pikeu ghenguno nongu ye amlokighishi no chhitoivae.

John 21:17

Ghuthu aküthüu Jisü no pa vilo pi, “John nu Simon, no ye I kimiye chenima?” Jisü no ghuthu aküthüu ghi, “No ye I kimiye chenima?” ipi iniju keu lo Peter ye alosüve. Pa no pi, “Ampeu, nono thowkha kümtsü ithi anie; I no O kimiye akeu nono ithi anie.” Jisü no pi, “Iw ambeqo lojí lo.

2 Kor. 7:11

Alhou lau no ighi keu mloghime no nongu lolo kiu lhophetsü keno julo: tiye pulopiniyilu pe, achipi kumomi lau no putosülu pe, achipikumo shive keu lo aghaidelu pe, msàqhiyilu pe, kusholu nishiqhiyilu pe, alomsülu pe, achipiu shipe nike jukutokughoilu pe. Hipau vehu lo nongu ye nolikhi nongu ye pimi püamo kepi alaghi thowkha lono mütsüqhei pìyevae.

2 Kor. 7:12

Ikehu I no nongu lau yèsü yè kemu tiye khuu no achipikumo shi keno pa ghenguno yèmoe momu izave kemi loji ghenguno yèmoe, ikemu nongu ye kíshi ningu lau alokiqishi acheni keno Alhou zülo nolikhi nongu no ithulu kepu shilu peniye ke.

2 Kor. 7:6

Ikemu aghithisüve kemi lokughuno tsü chekeu Lhou no Titus ighi keu vechewo ningu lokughuno tsüke,

2 Kor. 7:7

eno pa no ighi keu ghengu likhi no kumoe ikemu nongu no pa lokughuno tsü keu ghenguno ghí ke. Nongu no I khelo akeu, nongu mloghuju shi akeu, nongu no aghüiloqhi I ghenguno alomsü akeqo vehu pesü pa no I vilo pike, ikehu ni ye püzüu nguno shishe alokiqishi acheni.

2 Kor. 7:9

Tishiaghimu ni ye alovi ani, tiye nongu mloghimeve tsü keu ghenguno kumoe, ikemu nongu mloghimeve tsü keu hu no nongu pelo amlo pebidelu pe ke. Kughengu nongu ye Alhou no shipe nishi akeu toi amloghime shike ikehu ningu vechewo kiu laghi lonomu nongu ghüza püamo ke.

Piyeküsü 3:19

I no khunoqo kimiye cheni keno I no tipaqo lomipi eno ghasü cheni ke. Tighenguno pulopiniyi shilo eno xaidevelo.