2 Kor. 7:7 - Sümi Tiqhelimi Bible

⁷ eno pa no ighi keu ghengu likhi no kumoe ikemu nongu no pa lokughuno tsü keu ghenguno ghí ke. Nongu no I khelo akeu, nongu mloghuju shi akeu, nongu no aghüiloqhi I ghenguno alomsü akeqo vehu pesü pa no I vilo pike, ikehu ni ye püzüu nguno shishe alokiqishi acheni.

BAIBEL (BSI)

⁷ Pano ighi keu likhino kumoe, ikemu nonguno kiu toikeu lokughuno pesu pa lokughunotsu keno tipau sutsa ghengu ghike. Nonguye kiutoi isasu kushonishi ani, nonguye ilau amlo ghime shiakeu, nonguno isaphu akeu pano ivilo pike, ikehu niye itehiye alovi kithe ani.

Sumi Naga CL (Re-edited) Bible (BSI)

⁷ pa ikighi likhino kumoe ikemu nongu no kishi pa lokughunotsü keno tipa ghengu ghike, eno nongu no kiutoi I sasü kushoni shi, I ghenguno mloqa eno minemighei ani keno pa no ningu vilo pi kelo ni ye alau alovi kitheke.

2 Kor. 7:7 ပူးပေါင်းရင်းမြစ်များ

MATTHEW 26:75

Ikelo Peter ye Jisü no pa vilo ishi pipüa keu tsa kümsüchilelu: “No ye awudu no igha mphi züu ghuthu küthü I milive nani.” Eno Peter ye khalau ipeve no kunotshütshü shi qa auve.

MATTHEW 5:4

Mloqa chekemiqo kümghae, kughengu panongu lokughuno tsü nani.

Luke 22:44

Amlo kughuju kijè lau no pa no alau thümüyi inikhu eno tishikehu pa tsünhizü no ajì mqo kighiji hutoi ayeghi lo ìji iqie.

Apostolmi 11:23

Kughou pa no Antioch tove püzü Alhou’w küpükini no kiu mülave tsü akeno ithulu kelo, pa ye amlokiqi shive eno amlo kümtsü pesü Ampeu ghokulu shi alo ipi panongu shikumto tsüe.

Rommi 1:12

tishi keu vechewo ningu lakhi-khi küpülü vechewo ningu lakhi no lakhi shikumtolu peniye ke.

1 Kor. 5:2

Eno nongu ye aqheküza shi ani ipie! Tishini ke züqhu nongu ye qanimlo akepu eno timi khuu no hikithipu kümlà shi ani keno nonguw kuposhukulu lono pa je ikhive tsü kepu ke kumo keshea?

2 Kor. 1:14

nongu no ningu ithikuthu khamla namu nongu ye ithikuthuluve nani kepi laju ani. Tishi keu vechewo Ampeu Jisü tsalà lo ningu no nongu ju pesü agijivilei ketoi nongu no ningu ju pesü agijivilei nani.

2 Kor. 1:4

Alhou ye ningu küküpüna kümtsü lo ningu lokughuno tsü acheni, tishi keu vechewo pa lau no alokughuno ithulu keu pesü ningu pelo shiluküsa jeli sholu pesü akemiqo lokughuno tsüpe niye ke.

2 Kor. 2:9

I no nongu lau yè puwu keu akiqi kütau ye nongu ye pekuju lo puthugholu eno thowkha lo aghokulu shilu nani keo shimla keno ju niye ke.

2 Kor. 5:2

Tishi ake dolo ningu ye kungugha phimpi pepu nishi kelau no aküsǜ ghügha igha acheni,

2 Kor. 7:6

Ikemu aghithisüve kemi lokughuno tsü chekeu Lhou no Titus ighi keu vechewo ningu lokughuno tsüke,

2 Kor. 7:8

Tsalá iw yèsü no nongu mloghimeve tsü aghí namu, ni ye tipau kümsüchile amoe. Iw yèsü no nongu ghüza püani kepi I no kümsüchile aghí namu, tiye ado ikhonhei ghenguno ke.

2 Kor. 8:16

Alhou shikimthi ani, I no nongu ghenguno alomsü akeu toi Alhou no Titus mlo lo ghí alokümsü tipau sǘ tsüke.

FILIPIAMI 1:20

I no khekulhoshi laju eno huqhe akeu ye ni ye khilemu kujovemo nani, ikemu pülhapuju shiche ketoi eno itehi ghí amlo kumto no chhitoi shi ani, tishianguno, xü kepu shina thikepu shi namu I phimpi lono Khristo süqhelu pe nani.

Kolosiami 2:5

Kughengu I no aphimpi no nongu gholo küha pinamu, aghungu lono ni ye nongu gholo ani eno nongu no kíshi aghokulu shi ani eno kíshi Khristo lono nongu küpülü ithamo no ani keno ithulu püzü alokiqishi ani.

1 Thes. 3:6

Ikemu Timothy ye itehi no anileshi ningu lau ighi ani eno nongu küpülü eno kikimiye vehu lo asütsa kivi pesü ighi anie. Pa no ningu vilo pikeu no nongu ye alhokuthu lono ningu kümsüpivi acheni eno ningu no nongu sasü kusholu nishi akeu toi nongu ghí ningu sasü kusholu nishi ani ipi ke.

1 Thes. 3:8

Eno nongu no ithamo no Ampeu gholo akumto shi puthugho akeu ghenguno ningu ye kuchou no xü anie.

IBRIMI 2:1

Ningu fupe wuve pemo nike ghenguno ningu no kiu chiluvea keno tipau lo ningu ye ighono amlotsüqhiyi moayesae.

James 5:17

Elijah ghí ningu toi timi lakhi ke. Pa no tsüghu pemo nike ghenguno pulopiniyi inikhu kelo tipau yeghi lo ampe küthü tüxa ghuqhimove ke.

2 John 1:4

Nongu nuliqo khami no Apù no ningu azah tsüve keu toi kuchou lo xü akeu phulu no ni ye ighono alokiqi kijè shi ani.

Jude 1:3

Kimiye chekemi shompamiqo, ni ye nongu lau ningu no xakulu küsaje akeu ghili yè nishiqhiyi akemu, ni ye nongu lau Alhou’w akimthe timiqo lau ghuthukhavi ghenguno aküpülü pichetsü keu vehu lo yè eno nongu pelo tipau kütsala penike hakite ani.