2 Kor. 7:1 - Sümi Tiqhelimi Bible

¹ Tighenguno kimiye chekemi shompamiqo, ningu ye pikiqhi hipaqo ani kehu Alhou gihu keu ghenguno thowkha lo akimthe kupukülai shini ke aphimpi ngò aghungu shikuchubeve chekeqo thime kümtsü lau no ningu likhi ningu shikimtheveni nolo.

BAIBEL (BSI)

¹ Nikusamiqo, piqhipuakeu hipaqo ye nisala ghenguno aphiashi eno angu gha kitiqeve mono thwokhalo akimthe kupukulu shinike Alhou sukumsa lono xuni nolo.

Sumi Naga CL (Re-edited) Bible (BSI)

¹ Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

2 Kor. 7:1 ပူးပေါင်းရင်းမြစ်များ

MATTHEW 12:33

“Asübo kivi pighiphe lo eno tipau xathi ye alo nani, momu asübo lhoküsa pighiphe lo eno tipau xathi ye alomo nani, kughengu asübo ye tipau xathi lono kimchilu cheni.

MATTHEW 5:48

Kupukülai kemi shilo, kughengu nongu Papù kungugha lo akeu ye kupukülai ke.”

MATTHEW 5:8

Amlo mithemithei kemi kümghae, kughengu panongu ye Alhou ithulu nani.

Apostolmi 9:31

Tipathiu Judea, Galilee eno Samaria qha kümtsü lo akukuhouqo ye alokughuno tüqhüdo ithulu eno panongu ye mtokitheluve. Ampeu sükümsa lono xü keu eno Aghungu Kimthe no shikumto keu vechewo panongu ye akikihi alau iko wove.

Rommi 5:20

Hekibide kighishe penike ghenguno ayeza iloghi ke. Ikemu khile axiné kighishe keno tilehi küpükini alau shi kighishe ke,

1 Kor. 6:20

Alhou no ame no nongu qhüluvae. Tishiaye nongu phimpi pesü Alhou juküvüpu shitsülo.

2 Kor. 1:20

Kughengu Alhou no kutomo piqhipüaghi namu, tipaqo kümtsü Khristo vechewo “Iye” ipi anike. Ikehu ningu no pa vechewo Alhou juküvü shi ghi “Amen” ipi cheni.

Ephesiami 2:3

Ningu kümtsü ghuthu lakhi lo ye panongu gholo xüche ke, tiye ningu shi-aji no mine keu ghapiqi ghi eno tipau no shinishi keu ngò tipau kükümsü pape keu vechewo xüache ke.

1 Thes. 3:13

Pa pelo nongu mlo shikumto tsü peniu, tishianguno Ampeu Jisü no paw akimthemiqo kümtsü sasü ighi kelo ningu Papù eno Alhou zülo tukutiye küha no akimthe shi ighilu peniye ke.

1 Thes. 4:7

Kughengu Alhou no ningu kulù keu ye ningu pelo mithekumo lo xüpe niye ke kumoe, ikemu akimthe shi xüpe niye ke.

1 Thes. 5:23

Alokughuno tsü chekeu Lhou ampi no thowkha kümtsü lo akivishi nongu shikimthe tsü peniu. Ningu Mpeu Jisü Khristo ighi kelo nongu ghungu, angulho eno aphimpi kümtsü tukutiye küha no kupukülai shi qhilu peniu.

IBRIMI 12:23

nongu ye amsüu khunoqo je kungugha lo yèpe qhivea keno tipaqo kukuho lo ighi ani. Nongu ye kümtsü shou küghaküthau, amikuchomiqo pelo kupukülailu pe chekeu aghungu eno Alhou lau ighivae,

IBRIMI 12:28

Tighenguno, ningu ye süküghütha müla nikeu kükaphu ithulu anike ghenguno, ningu shikimthiqhiyi ani nolo. Ikehu agigihu eno sükümsa lono ikhikulupushi Alhou müláni nolo,

IBRIMI 4:1

Tighenguno, pa kulhokiqhi-a lo ilo nikeu shoqhi ye itehimu aphike ghenguno, ningu khumu ikiqive aghí keu shipemo nike ghenguno tsaqütsaleini nolo.

IBRIMI 6:9

Kimiye chekemi shompamiqo, ningu no ishi pi aghí namu, nongu shélo ye thime akiviu shi aghí nani kepi pülülu ani—tiye xakulu vehuqo ke.

James 4:8

Alhou lau kupunú ighilo eno pa no nongu lau kupunú ighi nani. Nongu axinemiqo, nongu uqo mütsüvelo eno nongu mlo shikimthe lo, nongu amlo kini puche kemiqo.

1 Peter 1:15

Ikemu khuu nongu kulù keno pa ye akimthe ke, tighenguno nonguw süqesüli kümtsü lo akimthe shilo;

1 Peter 1:17

Kughengu nongu no Apù khuu agi jumo no timi lakhi-khi shou xatha chekeu ku keu ghenguno, nongu no hilehi ake dolo inamiqo toi agigihu sükümsa lono xülo.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 Peter 2:11

Kimiye chekemi shompamiqo, inami eno hapheve kemiqo kehu, ni ye nongu pelo axiné kümlà shinishiqhiyi chekeu, khikhi nongu ngulho sasü aghüshi acheni keno, tipau lau no putosü apenike hakite ani.

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

1 John 1:7

Ikemu pa no aküvü lo akeu toi, ningu no aküvü lo xü aye, ningu ye lakhi no lakhi sasü kuposhu ani, eno pa Nu Jisü jì no axiné kümtsü lono ningu shikimthe tsü acheni.

1 John 1:9

Alhou ye pükhübekulu eno achipiu Lhou ke ningu no ni xinéqo piphe aye pa ye ningu xinéqo qhivetsü nani eno amikucho kumo jeli kümtsü lono ningu shikimtheve tsü nani.

1 John 3:3

Pa ye akimthe kehu pa shou lajupu qhi kemi kümtsü panongu likhi panongu shikimtheve cheni.