2 Kor. 6:9 - Sümi Tiqhelimi Bible

⁹ Ningu ye aqha no ithi kemi ikemu jupicheve acheni; thiuve cheke toi ikemu xü acheni; ningu heqhi ke ikemu pìthívemoe;

BAIBEL (BSI)

⁹ timino mthakemi toi, ikeghi kumtsuno ni ithi acheni; kithimi toi ikeghi ninguye xu acheni; akijipusa ketoi anamu ningu pithivemoe;

Sumi Naga CL (Re-edited) Bible (BSI)

⁹ ithi akeghi mtha ketoi ni kihi cheni, ikemu kuchou loye aqha kighithimi ke; kithimi toi, ikemu julo, ningu ye xüani; ghimeqhi akeghi pithive moe;

2 Kor. 6:9 ပူးပေါင်းရင်းမြစ်များ

Apostolmi 17:18

Ikelo Epicureami kükütsü pape kemi eno Stoic phukuthomi khami no pa sasü kighe thuve. Khami no ishi pi, “Tsathipa hipau ye kiu pi niye shiju ani kea?” Kütami khami no ishi pi, “Pa ye inami lhou ghili pi aghí kepu toi anie.” Panongu no hitoi pikeu ye Paul no Jisü tsakiviu eno xülekuthu ghili pikeu ghenguno ke.

Apostolmi 19:26

Nongu ampi no ithulu eno chiluvea ke, hilau Ephesus lo likhi kumo no kuchou lo ye Asia bocho kuchopu lo Paul ipikeu hipau no timi kutomo müsüluvea eno sà küghüzüvae. Pa no pikeu no timi u no mülà keu lhou ye khilemu alhou kumoe ipie.

Apostolmi 25:19

Tike kumo no panongu ye Paul sasü pano likhi pa no chineye lo eno akhotoshi timi lakhi Jisü ipikeu ye thive, ikemu xüchile ithughive ipikeu ghenguno akükümsü küqhalumo no ake.

Apostolmi 25:26

Ikehu ni ye Ni Kükau lau pa ghili kiumu hipau ke ipi yètsü kepu kühae. Tighenguno ni ye pa sasü nongu kümtsü zülo eno akhotoshi ni Kükau Agrippa zülo sasü ighi ani, tishianguno hipau phukuju vechewo ni ye kiula yèpeqhilu kepu shi niye ke.

Rommi 15:19

Panongu ye amichipu ngo akümzapu küká eno Alhou Ghungu küká vechewo pütsaqhilu ke. Ike Jerusalem lono homüxa süsü Illyricum kutólo ni ye Khristo tsakiviu kümtsü pe asheshuvae.

Rommi 8:36

Kughengu Kuchoyesü lo ishi yèpüani: “O je ghenguno tsalà kipetsü akithí pesü ningu kichi acheni; ningu pesü ghiqhive niye akeu ambeqo toi kümsü cheni.”

1 Kor. 11:32

Tishimu, kughou Ampeu no hipau gholau no ningu shou küghathabeve keno, tiye ningu ghasüve anike, tishianguno ashekha lo ayeghiqha gholo ningu ghí kiléqhive pemo niye ke.

1 Kor. 15:31

Ni ye tsalà kipetsü akithí sholu acheni—iyei, tishimu ni ye kuchou no ningu Mpeu Khristo Jisü lono nongu lau kiu mülave tsü akeno tipau ghenguno I kijuvilei acheni ke.

1 Kor. 4:9

Kughengu I no kümsüju kelo Alhou ye ningu Apostolmiqo pesü akikichighi-a lo pìthíve peniye kiléqhive püzü timi shekujo che no ashekha lono pephe-piye niye qhive keu toi ke. Ningu pesü ayeghiqha kuchopu zülo eno kungumi ngò timiqo zülo qheghüi jukepu lakhi shive tsüe.

2 Kor. 11:6

Ni ye atsapimi lakhi shi püzü shitsa shi aghimoluvi, ikemu ni ye akighithi küha ke kumoe. Ningu ye alaghi thowkha lono hipau mütsümishei shi nongu lau pìyevae.

2 Kor. 4:2

Tike kumo no, ningu ye tuqhou eno akukujopu laghiqo qhivae; ningu ye pishikiqhi shichemoe, momu ningu ye Alhou tsa tuchighi chemoe. Tishini ke züqhulo, Alhou nhekithe lono mütsümishei shi kuchou pesü asheshu keu vechewo ningu likhi ningu pesü timi kümtsü lolo kighithi zülo ningu no xü cheni.

2 Kor. 5:11

Ikehu ningu ye Ampeu sümsa keu ye kiu keno ithive ake ghenguno ningu ye kütamiqo pütsaqhi nike pükapütsa acheni. Ningu ye kiu keno Alhou zülo ye mütsümishei ke, eno I no pülü akeu ye nongu lolo kighithi ghí mütsümishei anike.