2 Kor. 5:11 - Sümi Tiqhelimi Bible

¹¹ Ikehu ningu ye Ampeu sümsa keu ye kiu keno ithive ake ghenguno ningu ye kütamiqo pütsaqhi nike pükapütsa acheni. Ningu ye kiu keno Alhou zülo ye mütsümishei ke, eno I no pülü akeu ye nongu lolo kighithi ghí mütsümishei anike.

BAIBEL (BSI)

¹¹ Ampeu sukumsaye kiu keno ninguno ithi ani kehu nino timiqo hakite acheni. Ninguye kiutoi kemi keno Alhou no ithi ani, ino laju akeuno nongu ghi ni ithi aghi nanike.

Sumi Naga CL (Re-edited) Bible (BSI)

¹¹ Tighenguno, Ampeu sükümsa ye kiu keno ningu no ithi ani kehu nino timiqo züiza cheni. Ikemu nino kiu keno Alhou no ithi ani eno I no laju akeu no nongu ghi ni ithi aghi nani ke.

2 Kor. 5:11 ပူးပေါင်းရင်းမြစ်များ

MATTHEW 10:28

Khunoqo aphimpi pìthíve tsülu nani kemu angulho pìthíve tsü müla nani keno tipaqo msà kevilo. Tishini ke züqhu khuu no aphimpi eno angulho kinikujo amiyizü lono kütsave kulupu ani keno Pa msà alo.

MATTHEW 25:46

“Tishi püzü panongu ye lhokta ghime-a lo wuve nani, ikemu amikuchomiqo ye lhokta küxü-a lo wuve nani.”

Luke 12:5

Ikemu khuu msà kepu keno I no nongu pìyeni: Khuu nongu phimpi pìthíve kethiu ghí amiyizü lo vesüve kulupu kükagha ani keno pa msà lo. Iyei, I no nongu vilo piani, pa msà lo.

Luke 16:31

“Abraham no pa vilo pi, ‘Tsalá panongu no Moses eno Tungkupumi tsaqo inimo aye, timi khami no akithí lono xüithughi namu panongu pütsaqhi müla nanie.’ ”

Apostolmi 13:43

Kughou akukuho ixave keno Jewmi ngò Jewmi chineye luve no amlo tsü akemi kutomo no Paul ngò Barnabas pape wu, pama no panongu sasü küptsa eno Alhou’w küpükini lo xüache penike hakite.

Apostolmi 18:13

Panongu no Paul ngukube ghi ishi pi, “Timi hipau ye ayeza hebide ghi timiqo pelo Alhou mülá penike pütsaqhi anie.”

Apostolmi 18:4

Sabbath tsalà kümtsü synagog lo wu no Jewmi eno Greekmi pütsaqhi niye küptsa-kiqiju ache.

Apostolmi 19:26

Nongu ampi no ithulu eno chiluvea ke, hilau Ephesus lo likhi kumo no kuchou lo ye Asia bocho kuchopu lo Paul ipikeu hipau no timi kutomo müsüluvea eno sà küghüzüvae. Pa no pikeu no timi u no mülà keu lhou ye khilemu alhou kumoe ipie.

Apostolmi 26:26

Akükau ye thime hipaqo kuchopu ithi ani, eno ni ye ighümo no pa vilo pilu ani. I no pülübeyi akeu ye hipaqo kuchopu pa zülo küsüve müla nani, kughengu hiye cheku-cheghu lono shipe püamoe.

Apostolmi 28:23

Panongu no Paul sasü kusho nike atsala khami kughusüve, eno panongu kutomo hekütsü kithe püzü Paul no khile ngoa keno tipau-a lo ighi. Pa no inaqhe no avelau kutólo panongu vilo Alhou kükaphu ghili hepho-piye tsü, eno Moses no tsü keu Yeza ngo Tungkupumiqo no pikeu tsaqo pesü panongu vilo pi no Jisü ghili pesü panongu pütsaqhi niye shijue.

2 Kor. 2:17

Ningu ye kütamiqo toi alá shini keu ghenguno Alhou tsa pesü mülalei shi jechu chemoe. Tishini ke züqhulo, ningu ye Khristo lono amikucho shi no Alhou lau no ighi kemi toi Alhou zülo pi acheni.

2 Kor. 5:20

Tighenguno ningu ye Khristo’w lashikamiqo ke. Alhou no ningu vechewo pa ampi no nongu qhüiniju akeu kumlho ke. Ningu no Khristo züqhu shi nongu qhüiniju ani: Alhou lau külashiluve lo.

2 Kor. 6:1

Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo.

Galatiami 1:10

Hitoi pi kelo ni ye timiw puloza lu niye keo Alhou’w puloza lu niye pükapütsa ani kea? Ikeo ni ye timi pulou shi niye pükapütsa ani kea? I no timi pulou shi niye pükapütsa aghí ke aye, ni ye Khristo qeu lakhi shi aghíni chemo ke.

Ephesiami 5:21

Khristo gihu akeu ghenguno lakhi no lakhi qhoqhü lo.

IBRIMI 10:31

Xü akeu Lhou u lo ikiqive nikeu ye kümsakimshipu lakhi ke.

IBRIMI 12:29

kughengu ningu “Lhou ye pitipühave chekeu ami lakhi ke.”

Jude 1:23

ami lono kütami sünhephe no panongu xalulo; kütami lau kimiyekini pìyelo ikemu kutokupuyi shi püzü panongu xiné no shikuchubeve keu phimini eno aphimpi kutólo jukuchube lo.

Piyeküsü 20:15

Khukhumu aküxüpu kaku lo aje yèpüaghimo kemi ye ami yizükucho lo vesüve.