2 Kor. 5:1 - Sümi Tiqhelimi Bible

¹ Kughengu ningu no ithi akeu no ningu no ayeghi lo ngo chekeu ki shipüsave aye ningu ghenguno Alhou lau no ighi keu ki lakhi anie, tiye kungugha lo lhokta ki lakhi ke eno aki tipau ye timi u no mülà keu kumoe.

BAIBEL (BSI)

¹ Kughengu ninguno ithi akeuno ayeghilo nino achekeu niphimpi hipau aphiki toi shipusave aye, ningu pelo alhokupuju ngo kepu ghenguno Alhou ampino kungughalo auno shimokeu ki lakhi kutope puani.

Sumi Naga CL (Re-edited) Bible (BSI)

¹ Kughengu nino ithi akeu no tsala ayeghi lo ni kungo phiki huno shipüsave namu ningu ye au no shimokeu, lhokta atsütsü lo achekeu ki Alhou lau ani.

2 Kor. 5:1 ပူးပေါင်းရင်းမြစ်များ

Mark 14:58

“Pa no ishi pi aghí keu ningu no chilue, ‘I no timi u no mülà keu chineki hipau kütsave nani eno atsala küthü dolo no timi u no mülàmo keu kütau mülaqhive nani.’ ”

Apostolmi 7:48

“Tishimu, Alhou Akiqheu ye timi u no mülà keu kiqo lo ngo chemoe. Tungkupumi no pike toi:

1 Kor. 3:9

Kughengu ningu ye Alhou kümlà lo mülà küqha akemiqo ke; eno nongu ye Alhou’w aki-alu ke.

2 Kor. 4:7

Ayeghi lo kiní ye ayeghi no mülà keu likoliqo lo qhicheni. Tihutoi, ningu shi phimpi lo Khristo tsakiviu kiní ani. Hipau vechewo Khristo tsakiviu küká ye ningu lau no kumo no Alhou lau no ighi kepi pìye ani.

2 Kor. 5:4

Ningu no ningu phimpi phiki hipau lo akelo ningu ye amakho kimshi láu no aküsǜ ghügha igha acheni, ningu ye ayeghi küxü phimpi xaqhive nishi keu ghenguno kumo ikemu kungugha lo nikungoki lo auve nishi yé ke, tishianguno thiveniküau hu ye aküxüpu no munove peniye ke.

Kolosiami 2:11

Pa vechewo nongu ghí aphighüyiko ghavae ikemu tiye timi u no aphighüyiko-gha keu kumoe. Kughou nongu no Khristo vechewo aphighüyiko ghave keno timi lhoaye no nongu phimpi kuchopu shou ayè pe chekeu ikhivea ke.

2 Tim. 1:12

I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

IBRIMI 11:10

Kughengu pa ye aboqha akeu gholo no mishighüna küdau juchho puwu ake, eno Alhou ye mishighüna tipauw ahighomi eno shiqhepukumi ke.

IBRIMI 9:11

Ikemu kughou Khristo no thime kiviqo itehi hile akeqow achinetomiqo shou atou shisü ighi keno, pa ye timi u no mülàmo keu nguno akijeu eno ighono kupukülai keu puloshoqhi-chebo lo ilo ke, hi piakeu ye, tiye hipau yeghi gholo lhophepüa keu kumo ke.

IBRIMI 9:24

Kughengu Khristo ye timi u no kuchou kishishi mülà keu akimthe-a lo ilomo ke; pa ye ningu ghenguno Alhou gizülo ipeghi niye kungugha ampiu lo ilo ke.

1 Peter 1:4

eno khilemu tsümavemo, shikuchubevemo momu kühavemo nikeu mheghi lakhi pe ningu tsüke. Amheghi hipau ye nongu ghenguno kungugha lo qhipüani ke,

2 Peter 3:11

Thime kümtsü hipau ghola lono kütsakungove nani ke ghenguno, nongu ye kiutoi kemi timi shi aghí moayesa kea? Nongu no khekulhoshi Alhou tsalà ighi niye akeu khe ake dolo nongu ye akimthe eno Alhou sümsa keu küxü xü moayesa ke. Atsala tipau lo ye ami no atsütsǘ lo akeqo pitive no shipühave nani, eno thime jeliqo ye akülǘ no pitikümlave nani.

1 John 3:14

Ningu no ithi akeu no ningu ye akithí vechesü aküxü lo ipeghi luvea, kughengu ningu ye lakhi no lakhi kimiye cheni. Khuno no kimiye chemo keno akithí lo achephi ke.

1 John 3:19

Ningu ye kuchou laumi eno ningu mlo ye kíshi pa zülo akulhoqhilu cheni keno ningu no hitoi ithi acheni:

1 John 3:2

Kimiye chekemi shompamiqo, itehi ningu ye Alhou nuliqo ke, eno ningu ye kiu shive nani keno tipau pephe-piye mphie. Ikemu kughou Khristo ipeghini keno ningu ye pa toive nani kepi ningu no ithi ani, kughengu pa ye kiutoi keno ningu no ithulu nani.