2 Kor. 4:7 - Sümi Tiqhelimi Bible

⁷ Ayeghi lo kiní ye ayeghi no mülà keu likoliqo lo qhicheni. Tihutoi, ningu shi phimpi lo Khristo tsakiviu kiní ani. Hipau vechewo Khristo tsakiviu küká ye ningu lau no kumo no Alhou lau no ighi kepi pìye ani.

BAIBEL (BSI)

⁷ Ikemu ningu hipau ngu agha kinikhuki akemiqoye ayeghili toi akemiqo ke, tiye akuka akiqheu ye Alhou wu kethono ningu wu kumokepi piyeniye ke.

Sumi Naga CL (Re-edited) Bible (BSI)

⁷ Ikemu ningu ye akini hipau aghani likoli lono ani, ti ye aküka akiqheu ye Alhouw kethono niw kumoe piniye ke.

2 Kor. 4:7 ပူးပေါင်းရင်းမြစ်များ

MATTHEW 13:44

“Kungugha kükaphu ye alu lo akinikhuki küsüpüa keu toi ke. Kughou timi lakhi no ti ithuluni keno, pa no tipau itaghi küsüve cheni, eno alokivishi wo no pa no pighi akeu kümtsü jeve püzü alu tipau qhüluve cheni.

MATTHEW 13:52

Pa no panongu vilo pi, “Tighenguno ayeza kükütsümi khunoqo no kungugha kükaphu lo akhopemi shiluvea keno, tiye aki mpeu no paw pekütsü chebo lono akughupu thime aqa ghí eno akithé ghí pesü ipeghi keu toi ke.”

John 16:33

“I no thime hipaqo pesü nongu vilo pive akeu ye nongu pelo I vechewo alokiqi ithulu peniye ke. Hipau yeghi lo nongu ye aveküsa sholu anani. Ikemu amlo mutotoilo! Ni ye ayeghiqha theqhiluvae.”

1 Kor. 1:28

Alhou no hipau yeghi lo chuninei kemi ngò timi no thaigha chekemiqo kishelu ke—eno thime akhotoqo pimhemove nike ghenguno kiumu kumo keu thimeqo kishelu ke,

2 Kor. 10:10

Kughengu khami no ishi pi cheni, “Paw yèsüqo ye mishishei eno mükamüghai ke, ikemu lüthü lo pa ye zükulu ghola küha eno pa tsaqo ye ameküha ke.”

2 Kor. 13:4

Mütsüqhei nike ghenguno, pa ye miqemilei keu shi ghi yedapithive ke, tishimu pa ye Alhou küká vechewo xüani. Tihutoi, ningu ye Khristo toi miqemilei ke, ikemu nongu tucho ghi Alhou küká vechewo ningu ye pa gholo no xü nani.

2 Kor. 4:1

Tighenguno, Alhou’w kimiyekini vechewo ningu ye pichebekümlà hipau anike ghenguno ningu ye amlo hauve chemoe.

2 Kor. 5:1

Kughengu ningu no ithi akeu no ningu no ayeghi lo ngo chekeu ki shipüsave aye ningu ghenguno Alhou lau no ighi keu ki lakhi anie, tiye kungugha lo lhokta ki lakhi ke eno aki tipau ye timi u no mülà keu kumoe.

2 Kor. 6:10

amloghimepu shi anamu alhokuthu alovishe acheni; athokha kemu kutomo pelo kiními shilu pe cheni; kiumu küha kemu thowkha kümtsü pighilu acheni.

Ephesiami 2:5

pa no ningu no hebideve keu lono thive no ake ghuloki lono Khristo gholo no ningu xüputhu ke—nongu ye küpükini vechewo xaluvae.

Ephesiami 3:8

Ni ye Ampeu’w timiqo kümtsü gholo akuu-amighiu shi aghí namu, küpükini hipau pesü I tsüke: tiye Jewkumomiqo lau Khristo’w ashekha-aghile küha keu kinikülü ghili kütsü nikeu,

Kolosiami 1:27

Kughengu Alhou no timiqo pelo tuqhou hipau juküvüw küakini Jewkumomiqo ghenguno ghí ani kepi ithi peniye nongu kishelu ke. Eno Alhou’w tuqhou ye hipau ke: tiye, nongu lolo Khristo akeu, ajuküvü lajupu hu ke.

Kolosiami 2:12

Baptiz shikeu vechewo Khristo gholo qhovea ke, eno nongu ghí Alhou no akithí lono Khristo xüputhuve keu küká no mülà akeu lo nongu küpülü vechewo Khristo gholo nongu ghí xüputhuvea ke.

Kolosiami 2:3

Khristo lolo alokütsü eno akighithi kinikhuki kümtsü küsüpe püani.

1 Thes. 1:5

kughengu ningu tsakiviu ye nongu lau atsa vechewo likhi no ighimo ke ikemu aküka, Aghungu Kimthe eno thonhei keu küpülü ghí pesü ighike. Nongu ghenguno ningu ye kíshi nongu gholo xüache keno nongu no ithi ani.

1 Thes. 4:4

nongu kümtsü no akimthe eno gihukulupu ghola lono nongu likhi nongu phimpi ghasüni keu shikalu moayesa.

2 Tim. 2:20

Aki kijè lakhi lo ye ameshoyi ngò ghükayi nhemügha likhi anike kumoe, ikemu asǜ ngò aghani pesü mülà keu ghí ani; khami no paküta keu kimiji ghenguno eno khami no inapügha peitha nikeu ghenguno ke.