2 Kor. 4:6 - Sümi Tiqhelimi Bible

⁶ Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

BAIBEL (BSI)

⁶ Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

Sumi Naga CL (Re-edited) Bible (BSI)

⁶ Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

2 Kor. 4:6 ပူးပေါင်းရင်းမြစ်များ

Luke 10:22

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.”

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 11:40

Ike Jisü no ishi pi, “Tsalá nono pülü aye, no ye Alhou juküvü ithulu nani ke ipi ni ye O vilo pike kumo keshea?”

John 12:41

Isaiah ye Jisü juküvü ithulu keu ghenguno Jisü ghili hipau pike.

Apostolmi 26:18

eno tiye panongu nhethi àküzǘ lono aküvü ithulu peniye ke, eno Satan küká lono Alhou küká lo ighive no axinéqo qhikütsü ithuluve pe no I shou pülübe no mitheluve kemiqo gholo ngolu peniye ke.’

1 Kor. 12:8

Timi lakhi lau Aghungu vechewo alokütsü kükütsü tsa pilu kepu ghò tsü cheni, Aghungu tipau vechewo kütami lau akighithi tsa pilu pe kepu ghò tsü cheni,

2 Kor. 2:10

Nongu no timi khuu kipimí qhive tsüní keno, ni ghí pa kipimí qhivetsü nani. Eno kiuala akipimí qhivetsü kepu shi aghí no I no akipimí qhivetsü aye, ni ye nongu ghenguno Khristo gizü lono akipimí qhivetsüae.

2 Kor. 3:18

Eno ningu khunoqo agi küzümo no Ampeu juküvü kümsükütü acheni keno, ningu pesü alhokuthu thuwu chekeu juküvü lono pa jukimihi shive tsü ani, eno tiye Ampeu khuu Aghungu keno pa lau no ighike.

2 Kor. 4:4

Hipau tiqheli lhou no pülümo kemiqo kükümsü kighicheve tsüae, tishi keu vechewo panoqo pelo Khristo khuu Alhou jukimihi keno pa juküvü pephe-piye chekeu tsakiviu küvü ithulu pemo niye ke.

Ephesiami 1:17

Ni ye ningu Mpeu Jisü Khristo Lhou, ajuküvü Apù pelo alokütsü ngò piyeküsü Ghungu nongu tsü penike inikhu acheni, tishianguno nongu pelo akivishi pa ithi peniye ke.

Ephesiami 1:18

Ni ye nongu mlo nhethi pelo alopütsülu pe nikeu ghenguno inikhu acheni, tishianguno nongu pelo pa no nongu kulù püakeu lajupu akeu, paw akimthe timiqo gholo ajuküvü mheghi kinikülü shi akeu,

Ephesiami 5:8

Kughengu ghuthu lakhi lo nongu ye àküzǘ lo acheke, ikemu itehi ye Ampeu lono nongu ye aküvü lomi shivae. Aküvü lo akemi toi xüche lo

FILIPIAMI 2:6

Pa ye Alhou lhoaye qhemi lo anamu pa pesü Alhou qhemi lo amasa kepi kümsümoe;

Kolosiami 1:15

Anu ye ithukümlau Lhou jukimihi ke, pa ye lhoqhipüa keu kümtsü nguno akiqheu ke.

1 Thes. 2:12

Ningu ye nongu shikumto tsü, lokughuno tsü eno Alhou khuu no pa kükaphu eno ajuküvü lo nongu kulù keno pa pulou küxü xülo pi nongu kite acheke.

IBRIMI 1:3

Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.

IBRIMI 6:4

Timi khunoqo no ghuthu lakhi ye kuchou vethaluvea, khunoqo no kungugha ghò micheluvea, khunoqo no Aghungu Kimthe ghò küsajevea,

1 Peter 1:12

Alhou no tungkupmi lau piyesü keu no panongu no mülà akeu ye pano likhi pano ghenguno kumo no hi nongu ghenguno ke; tihu itehi ye nongu lau kungugha lono ighi keu Aghungu Kimthe vechewo atsakiviu pikülhave keu vehu ke. Kungumiqo ghí thime hipaqo lo jusünishikütü cheke.

1 Peter 2:9

Ikemu nongu ye kisheluve kemi timiqo, akükau chine kümlamì, akimthe shiye eno Alhou’w paküta keu mheghiqo ke, tishi keu vechewo nongu pelo khuu no paw akichiqhipu küvü lo süghi niye àküzǘ lono nongu kuphelu keno pa sheqhe ghi asheshu peniye ke.

2 Peter 1:19

Ike ningu gholo qhoi pükhükulupu tungkupu kükütsü tsa ghí ani, eno àküzǘ-a lakhi lo aküvü lakhi no vüqai ake toi eno atsala vüipeghi no inaqhe yepu no nongu mlo lo yepüvü moke kutólo nongu ye hipau lo amlotsüqhiyi shi nani ke.