2 Kor. 4:4 - Sümi Tiqhelimi Bible

⁴ Hipau tiqheli lhou no pülümo kemiqo kükümsü kighicheve tsüae, tishi keu vechewo panoqo pelo Khristo khuu Alhou jukimihi keno pa juküvü pephe-piye chekeu tsakiviu küvü ithulu pemo niye ke.

BAIBEL (BSI)

⁴ Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke.

Sumi Naga CL (Re-edited) Bible (BSI)

⁴ Panongu ghengu ye hipa yeghi lo lhou no pülümokemi mlo kughupove tsüae, tishikeu lono panongu pelo Alhou jukimhiu Khristow ajuküvü tsakiviu küvü ithulu pemo niye ke.

2 Kor. 4:4 ပူးပေါင်းရင်းမြစ်များ

MATTHEW 13:22

Asahuli dolo apitì ikiqi ilove keu kiqi ye khunoqo no Alhou tsa hu chilu, ikemu hipau küxü lo mloküsaqo eno aküakini pishikiqhi no Alhou tsa hu küpühalu eno tino athi pithí mülave pe chekeu kiqi ke.

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 1:18

Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

John 12:31

Itehi ye ayeghiqha shou küghatha nikeu do shivae; eno itehi ye hipau yeghiqha kükapuu hapheve nani.

John 12:35

Tisheno Jisü no panongu vilo pi, “Aküvü ye ado kitila ghengu likhi nongu gholo aniae. Àküzǘ no nongu theqhive mphi züu, aküvü ake lono alà chelo. Khunoqo no àküzǘ lo checheni keno panongu ye khila wucheni keno mthae.

John 12:40

“Pa no panoqo nhethi kighicheve tsü, eno panoqo mlo shikümkave tsüke, ghenguno panongu nhethi nomu ithulu kepu shimo nani, momu panongu mlo nomu vethamla nani, momu xaideghimo nani—eno I no panongu shipivi tsü nani.”

John 12:45

Timi khuu no I shou jupuku ani keno pa ye I puwu akeu ithulu ani.

John 14:30

Niye nongu vilo kutomo pimae, kughengu ayeghi hipauu kükapuu cheni ke. Pa ye I shou aküka kiumu kühae,

John 15:24

Khunomu shimo keu akümzapu kümlàqo I no panongu gholo shimo ke aye panongu ye panongu xiné kühani cheke. Panongu ye ti ithuluve ake, tishi keghi panongu ye I pù ghí eno ni ghí mithi cheni ke.

John 16:11

eno küghakütha ghili kimchitsü nani, kughengu itehi ye ayeghi hipauu kükapuu kiléqhive ake.

John 8:12

Jisü no itaghi timiqo pütsa ghi ishi pi, “Ni ye ayeghilomi küvü ke. Khukhumu I pape kemi ye khilemu àküzǘ lo chechemo nani, ikemu aküvü küxü lo cheche nani.”

Apostolmi 26:18

eno tiye panongu nhethi àküzǘ lono aküvü ithulu peniye ke, eno Satan küká lono Alhou küká lo ighive no axinéqo qhikütsü ithuluve pe no I shou pülübe no mitheluve kemiqo gholo ngolu peniye ke.’

Apostolmi 26:23

Messiah ye aghime shi moayesa nani eno akithí lono xüithuve kemi dolo atüghiu shi nani, aküvü kükütsü sütsa pesü no paw timiqo eno Jewkumomiqo lau süghitsü nani.”

1 Kor. 10:20

Moe, ikemu Jewkumomiqow aghakishi ye Alhou lau kumo püzü tüghamiqo lau mülá acheni ke, eno ni ye nongu pelo tüghamiqo gholo kutubo kemi shipe nishi amoe.

2 Kor. 2:11

Tishi keu hu ye Satan pelo ningu pishiqhive pemo niye ke. Kughengu ningu ye pa müqü jeliqo mtha ke kumoe.

2 Kor. 2:12

Kughou I no Troas lo Khristo tsakiviu kütsü niye wu püzü Ampeu no I ghenguno ahukikha lakhi khaqhipüa keu phulu keno,

2 Kor. 3:11

Eno ado ikhonhei aní keu ghenguno ghí ajuküvü lono ighi aye, ado kushuwa aní keu juküvü ye kiutoi akiqheu kea!

2 Kor. 3:14

Ikemu panongu kükümsü ye izüvüvüive ke, kughengu ishi kutólo kughou panongu no puloshoqhi aqau phini keno agikünha pesü küzüluve cheni. Tiye ikhive mphi, kughengu Khristo vechewo likhi no tipau ikhivelu cheni ke.

2 Kor. 3:18

Eno ningu khunoqo agi küzümo no Ampeu juküvü kümsükütü acheni keno, ningu pesü alhokuthu thuwu chekeu juküvü lono pa jukimihi shive tsü ani, eno tiye Ampeu khuu Aghungu keno pa lau no ighike.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

Galatiami 1:4

ningu papù eno Alhou pulou kiqi lono Ampeu Jisü Khristo ye hipau tiqheliw küsakügha lono ningu xaphe nike ningu xinéqo ghenguno pa küxü tsüve ke,

Ephesiami 2:2

Tiye nongu no kughou hipau yeghi laghiqo ngò amlhü kükaphu yekipe khikhi itehi khunoqo no agholu chemo keno tipaqo gholo mülà akeu ghungu pape chekeu küxü lo xüache keu hu ke.

Ephesiami 6:12

Kughengu ningu ye timi sasü küpüghǘ anike kumoe, ikemu ayekipemi, kükagha pe akemi, àküzǘ yeghiqha hipau ayekipemi eno kungugha kükaqha yekipe lo küsakügha ghawu kükaqo sasü küpüghǘ anike.

FILIPIAMI 2:6

Pa ye Alhou lhoaye qhemi lo anamu pa pesü Alhou qhemi lo amasa kepi kümsümoe;

Kolosiami 1:15

Anu ye ithukümlau Lhou jukimihi ke, pa ye lhoqhipüa keu kümtsü nguno akiqheu ke.

Kolosiami 1:27

Kughengu Alhou no timiqo pelo tuqhou hipau juküvüw küakini Jewkumomiqo ghenguno ghí ani kepi ithi peniye nongu kishelu ke. Eno Alhou’w tuqhou ye hipau ke: tiye, nongu lolo Khristo akeu, ajuküvü lajupu hu ke.

1 Tim. 1:11

Kuchou külü ye kükümgha Lhou juküvü vehu tsakiviu gholo pulolu chekeu ke. Eno tipau ye Alhou no I pichetsü keu kümlà ke.

Titus 2:13

Ningu no kükümgha lajupu khe akelo—Ni Lhou akughushuu eno Xakuluu Jisü Khristo, ajuküvü lono ipeghi niye akeu,

IBRIMI 1:3

Anu ye Alhou juküvü yebide akeu eno Alhou lhoaye athoshi pephe-piye akeu ke. Eno pa tsa küká vechewo thowkha kümtsü puqhe pe acheni. Pa no ningu xinéqo shikimtheve kethiu, pa ye kungugha lo Akughushu Lhou u ajeu küdau iqave ke.

IBRIMI 6:4

Timi khunoqo no ghuthu lakhi ye kuchou vethaluvea, khunoqo no kungugha ghò micheluvea, khunoqo no Aghungu Kimthe ghò küsajevea,

2 Peter 1:19

Ike ningu gholo qhoi pükhükulupu tungkupu kükütsü tsa ghí ani, eno àküzǘ-a lakhi lo aküvü lakhi no vüqai ake toi eno atsala vüipeghi no inaqhe yepu no nongu mlo lo yepüvü moke kutólo nongu ye hipau lo amlotsüqhiyi shi nani ke.

1 John 2:11

Ikemu khukhumu athiküzümi momu achelimi lakhi mithi aye àküzǘ lo ani eno àküzǘ lo xü anike. Panongu ye khilau wucheni keno mtha ke, kughengu àküzǘ no panongu nhethi kighicheve tsü ake.

1 John 2:8

Tishimu ni ye nongu lau azakütsü akithé lakhi yè anie; tipauw kuchou ye pa lolo eno O lolo no ithulu cheni, kughengu àküzǘ ye wove ani eno aküvü kuchou hu ye vüipeghivae.

1 John 5:19

Ningu ye Alhou nuliqo, eno ayeghiqha kümtsü küsaküghau ghaküsü qholo ani kepi ningu no ithi ani.