2 Kor. 4:2 - Sümi Tiqhelimi Bible

² Tike kumo no, ningu ye tuqhou eno akukujopu laghiqo qhivae; ningu ye pishikiqhi shichemoe, momu ningu ye Alhou tsa tuchighi chemoe. Tishini ke züqhulo, Alhou nhekithe lono mütsümishei shi kuchou pesü asheshu keu vechewo ningu likhi ningu pesü timi kümtsü lolo kighithi zülo ningu no xü cheni.

BAIBEL (BSI)

² Ninguye tuqhotugho kumla eno akukujopu kumla jeli kumtsu qhikhavae; ninguye muqumugha shi chemoe momu Alhou tsa suchighi chemoe, ikemu kuchou ghili pepheghi ninguye Alhou zulo xuacheni eno timi kumtsu kivikusa lokutsu zulo ninguno xu cheni.

Sumi Naga CL (Re-edited) Bible (BSI)

² Ikemu ningu ye tuqho-tugho eno akukujopu kümla qhikhavae. Ningu ye mqümgha momu Alhou tsa süchighive chemo, ikemu pekiphe shi kuchou ghili pikeu vecheo ningu ye Alhou zülo ningu ampi pesü timiqo kiviküsa lokütsü zülo ikhiphetsü acheni.

2 Kor. 4:2 ပူးပေါင်းရင်းမြစ်များ

Rommi 1:16

Ni ye atsakiviu ghenguno küjove chemoe, kughengu hiye pülü kemi kümtsü lau xakulu süghitsü chekeu Alhou küká ke: atüghishi Jewmi lau, eno tithiu no Jewkumomi lau süghi ke.

Rommi 6:21

Thime khipaqo ghenguno itehi ye nongu nokujo ani keno tipaqo lau no kiu alá shilu kea? Thime tipaqo ye ashekha lo akithí ke.

1 Kor. 4:5

Tighenguno kughupüa keu do tomphi züu ye kiumu küghathabe kevilo; Ampeu no ighimo ke kutólo khe aghílo. Pa no àküzǘ lo kiu küsüpüani eno amlo lo kiu kümsüpù ani keno kümtsü aküvü lo pekiphe shive tsü nani. Tipau dolo no kümtsü Alhou lau no akishé ithulu nani.

2 Kor. 1:12

Ningu kijuvilei chekeu ye hike: Ningu no ayeghi hipau lo xü chekeu, eno akhotoshi nongu sasü akimthe eno Alhou lau no amikucho shi kütshükime keu ye ningu lolo kighithi no ashepe shitsü ani. Ningu ye ayeghi lokütsü shou pükhümoe ikemu Alhou’w küpükini shou pükhübe ke.

2 Kor. 11:3

Ikemu apighi no muqüijo Eve pishiqhive ketoi nongu kükümsüqo ghí amikucho eno akimthe lono Khristo lau pulopiniyi akeu lau no saküghüzüve tsü kenosaye ni ye msà ani.

2 Kor. 11:6

Ni ye atsapimi lakhi shi püzü shitsa shi aghimoluvi, ikemu ni ye akighithi küha ke kumoe. Ningu ye alaghi thowkha lono hipau mütsümishei shi nongu lau pìyevae.

2 Kor. 2:17

Ningu ye kütamiqo toi alá shini keu ghenguno Alhou tsa pesü mülalei shi jechu chemoe. Tishini ke züqhulo, ningu ye Khristo lono amikucho shi no Alhou lau no ighi kemi toi Alhou zülo pi acheni.

2 Kor. 5:11

Ikehu ningu ye Ampeu sümsa keu ye kiu keno ithive ake ghenguno ningu ye kütamiqo pütsaqhi nike pükapütsa acheni. Ningu ye kiu keno Alhou zülo ye mütsümishei ke, eno I no pülü akeu ye nongu lolo kighithi ghí mütsümishei anike.

2 Kor. 6:8

Ningu gihu aghí na gihumove aghí namu, ningu pipivi aghí na pipüsave aghí namu ningu ye Alhou qe acheni. Ningu ye amikuchomi kemu timi ghili kishimi toi kihi acheni.

2 Kor. 7:14

Ni ye nongu jupe I kijuvilei akeu pesü pa vilo pike eno nongu ye I shikukujovemo ke. Ike ningu no nongu vilo pikeu kümtsü kuchou ketoi ningu no nongu ghenguno Titus lau agijivileilu keu ghí kuchou kepi kimichitsülu ke.

Ephesiami 4:14

Tisheno ningu ye itimi shiauvemo nani. Ningu ye azü no tukucho akeshi eno shiküka zümlhü jeli kümtsü vechewo timiqo no panonguw tuqhou pishikiqhi kukughu eno müqüijo keu vechewo hula-hila fupuwuvemo nani.

Ephesiami 5:12

Hekibidemiqo no tuqhou no shi chekeqo ghili ye pìní keu ghí akukujopu ke.