2 Kor. 4:11 - Sümi Tiqhelimi Bible

¹¹ Kughengu ningu khunoqo aküxü ani keno alhokuthu lo Jisü je ghenguno akithipu lo ikhiphe pe tsüve acheni, tishi keu vechewo ningu thiveniküau phimpi lono pa küxü ghí pephe-piye lupe niye ke.

BAIBEL (BSI)

¹¹ Jisu je ghenguno nikuxu kupuju akithipulo ikhiphetsu acheni tishianguno niphimpi hipaulo pa kuxu ithulupe niyeke.

Sumi Naga CL (Re-edited) Bible (BSI)

¹¹ Kughengu Jisü ghenguno alhokuthu ni küxü ye akithipu lo ikhiphetsü acheni, tishianguno pa küxü ghi ni phimpi lo ithulu peniye ke.

2 Kor. 4:11 ပူးပေါင်းရင်းမြစ်များ

Rommi 8:11

Eno Alhou Ghungu khuu Khristo akithí lono xüputhu keno pa no nongu lolo xü aghí aye pa no akithí lono Jisü xüputhuveke toi nongu lolo pa Ghungu xü akeu ghenguno nonguw thiveniküau phimpi lo ghí aküxüpu tsü nani.

Rommi 8:36

Kughengu Kuchoyesü lo ishi yèpüani: “O je ghenguno tsalà kipetsü akithí pesü ningu kichi acheni; ningu pesü ghiqhive niye akeu ambeqo toi kümsü cheni.”

1 Kor. 15:31

Ni ye tsalà kipetsü akithí sholu acheni—iyei, tishimu ni ye kuchou no ningu Mpeu Khristo Jisü lono nongu lau kiu mülave tsü akeno tipau ghenguno I kijuvilei acheni ke.

1 Kor. 15:49

Eno ningu no ayeghi lo timi julho xapu akeu toi, ningu ye kungughalomi julho xapuve nani ke.

2 Kor. 4:10

Ningu ye alhokuthu ningu phimpi lo Jisü kithí xapu acheni, tishianguno Jisü küxü ghí ningu phimpi lo pephe-piye lupe niye ke.

2 Kor. 4:12

Tishiaye, akithí ye ningu lolo mülà ani, ikemu aküxü no nongu lolo mülà anike.

2 Kor. 5:4

Ningu no ningu phimpi phiki hipau lo akelo ningu ye amakho kimshi láu no aküsǜ ghügha igha acheni, ningu ye ayeghi küxü phimpi xaqhive nishi keu ghenguno kumo ikemu kungugha lo nikungoki lo auve nishi yé ke, tishianguno thiveniküau hu ye aküxüpu no munove peniye ke.

2 Kor. 6:9

Ningu ye aqha no ithi kemi ikemu jupicheve acheni; thiuve cheke toi ikemu xü acheni; ningu heqhi ke ikemu pìthívemoe;