2 Kor. 3:7 - Sümi Tiqhelimi Bible

⁷ Pichebekümlà akithí süghi keu khikhi atu lo küxüsü no yèpuku keno tino ado ikhonhei shiaghi namu ajuküvü shi ighino Israelmiqo pelo Moses gi lo tsaqüi jupukulupemo aye,

BAIBEL (BSI)

⁷ Ayezah huye atu pha shou chhitha puzu yepukuke eno tipau tsukelo Alhou kimthe jukuvu ipeghike. Ti mlapuyikeu jukuvu shishe akehu tiye hauvekemu Israilmi ye Muse gilo jupuku mlave. Akithipu sughikeu yezah tsukelo tikithipu kimthe jukuvu ighiaye.

Sumi Naga CL (Re-edited) Bible (BSI)

⁷ Tsala akithi süghi keu kümlapu, ti ye atupha lo atsathi chitha puku keu thotsü ajuküvüpu shi ighi kehu Israelmi ye ado ikhonhei kemu Moses gilo jupuku mlave aghi aye,

2 Kor. 3:7 ပူးပေါင်းရင်းမြစ်များ

Apostolmi 6:15

Jewmi Hoho ki lo iqa akemi kümtsü agi süküqümo no Stephen gi lo jupuku, eno panongu no kungumi gi toi pa gi ithulue.

Rommi 10:4

Küpülümi kümtsü pelo achipikalu penike ghenguno Khristo no ayeza kishekhave tsüke.

Rommi 4:15

kughengu ayeza no Alhou loghu süghi cheni ke. Eno khilehi ayeza küha keno tilehi hekibide kühae.

Rommi 5:20

Hekibide kighishe penike ghenguno ayeza iloghi ke. Ikemu khile axiné kighishe keno tilehi küpükini alau shi kighishe ke,

Rommi 7:10

I no phulu keu no azakütsü khikhi aküxü süghi niye shi akeno aküxü süghi nike züqhulo akithí süghive ke.

Rommi 7:22

Kughengu ni ye I lolo Alhou yeza lo alokiqi acheni;

Rommi 7:5

Kughengu ningu no kughou ashi kükaqha qholo ache keno, ayeza vechewo minemighei keu xiné hakutho keu no ningu lolo mülà acheke, ikehu ningu ye akithipu xathi pithí acheke.

1 Kor. 13:10

ikemu kughou kupukülai keu ighiveni keno, kupukülaimo keu kiu ani keno tiye hauve nani.

2 Kor. 3:3

Nongu ye ninguw pichebekümlàw visavili ke eno Khristo lau no ighi keu yèsü lakhi kepi pìye ani. Yèsü tiye akiyezü no yèpüamoe ikemu xü akeu Lhou Ghungu no yèpüani eno tiye atu lipha shou kumo no timi mlo liphaqo lo yèpüani ke.

2 Kor. 3:6

Pa no puloshoqhi akitheu lo ningu pesü pichebekümlà shikulupumi shipeke—tiye yèsü lo yèpüa keu lono kumoe ikemu Aghungu lono ke; kughengu aqau puloshoqhi yèsü hu ye akithipu tsü cheni, ikemu akitheu puloshoqhi lo ye Aghungu no aküxüpu tsü cheni.

2 Kor. 3:8

Aghunguw pichebekümlà ye tinguno alau ajuküvüpu shimo nani keshea?

Galatiami 3:10

Kughengu ayeza lo shikupulu keu shou pükhü chekemi kümtsü ishi yèpüa keu toi ghusho nani: “Khunoqo no Ayeza Kaku lo yèpüa keu kümtsü papemo nike no angsü shive pelo.”

Galatiami 3:21

Tighenguno, ayeza ye Alhou’w pikiqhiqo lakichile keshea? Khilemu tishimoe! Kughengu aküxü tsükulupu ghenguno ayeza tsüpüaghi ke aye, achipiumikucho ye mütsüqhei no ayeza vechewo ighini cheke.

IBRIMI 12:18

Nongu ye bulu chekeu, ami iqü akeu, zümoi keu, àküzǘ eno pasapagha akeu naghuto lakhi lo ighi anike kumoe;

IBRIMI 3:3

Aki kishimi lakhi ye aki nguno alau agigihu kijè achekeu toi, Jisü ye Moses nguno alau agigihu kijè ithulu küzüpu shi phulu ke.

IBRIMI 9:4

tilehi müsüghütaw ameshoyi kümlá-khache eno ameshoyi no küzüpüa keu puloshoqhi bohu ake. Puloshoqhi bohu hipau alou manna sǘ kepu ameshoyi bohu, Aaron’w aküsǘ nipa isheipeghive keu, eno puloshoqhiw atu liphaqo acheke.