2 Kor. 3:18 - Sümi Tiqhelimi Bible

¹⁸ Eno ningu khunoqo agi küzümo no Ampeu juküvü kümsükütü acheni keno, ningu pesü alhokuthu thuwu chekeu juküvü lono pa jukimihi shive tsü ani, eno tiye Ampeu khuu Aghungu keno pa lau no ighike.

BAIBEL (BSI)

¹⁸ Ningu kumtsuno agi kuzupumono Ampeu kimthe jukuvu yebide achenipe, eno tipau kimthe jukuvu huno pa kimihi kuchoulo akimthe jukuvu alau lono ningu pesu miviu tsu acheni; kughengu hiye Ampeu khuu Aghungu keno pa launo ighikeuke.

Sumi Naga CL (Re-edited) Bible (BSI)

¹⁸ Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

2 Kor. 3:18 ပူးပေါင်းရင်းမြစ်များ

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 12:41

Isaiah ye Jisü juküvü ithulu keu ghenguno Jisü ghili hipau pike.

John 17:22

Nono ajuküvü I tsü keu pesü I no panongu tsüvae, tishianguno nikujo no lakhi shi akeu toi panongu ghí lakhi shi ape niye ke—

John 17:24

“Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

Rommi 12:2

Hipau yeghilomi ghola ha kevilo, ikemu nongu kükümsü shikithelu keu vechewo nongu lolo pekililu lo. Tishilu aye Alhou pulou ye kiu keno nongu no tipaqo kimchilu eno ithikütüta shilu nani. Alhou pulou ye akivipu, ikhilu küzüpu eno kupukülai ke.

Rommi 13:14

Tishini ke züqhulo, Ampeu Jisü Khristo pesü nongu ghünanu shi pepuluvelo, eno kíshi no ashi-aji ghapiqi tsüní keno tipaqo ghili kümsü akevilo.

Rommi 8:29

Alhou no azüu no khunoqo ithi akeno panoqo ghengu ye pa nu jukimihi lo küsaje penike püzüu no kughuchho pe qhive ke, tishianguno pa pelo athiküzümi eno achelimiqo kutomo gholo amsüu shilu peniye ke.

Rommi 8:4

tishi keu vechewo ashi kiqi lono kumo no Aghungu kiqi lono xüche kemiqo pelo ayeza lo achipiu kümlà ningu lau no avehupu shi akeu kümtsü shikupulu peniye ke.

Rommi 8:7

Timi lhoaye no ghasüpe akeu kükümsü ye Alhou ghümi ke; eno tiye Alhou yeza qhoqhü chemoe, momu qhoqhü müla nanie.

1 Kor. 13:12

Kughengu itehi ningu ye ahiju lakhi lo yekibide likhi ithulu akeu toi anike; ikemu hithiu ningu ye agi no agi kinheqhi ghi ithuluve nani. I no itehi ithi akeu ye kupukülai khamphi ke; ikemu hithiu ye thowkha kümtsü kupukülai ithive nani, eno tiye Alhou no kupukülai ni ithi akeu toi ke.

1 Kor. 15:49

Eno ningu no ayeghi lo timi julho xapu akeu toi, ningu ye kungughalomi julho xapuve nani ke.

2 Kor. 3:17

Ampeu ye Aghungu ke, eno khilehi Ampeu Ghungu ani keno, tilehi kuqhokiphe anie.

2 Kor. 4:4

Hipau tiqheli lhou no pülümo kemiqo kükümsü kighicheve tsüae, tishi keu vechewo panoqo pelo Khristo khuu Alhou jukimihi keno pa juküvü pephe-piye chekeu tsakiviu küvü ithulu pemo niye ke.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

2 Kor. 5:17

Tighenguno, timi khukhumu Khristo gholo xükimeluve aye pa ye lhoxü kithé shiluvae: Aqau ye wovae eno akitheu ighivae!

Galatiami 6:15

Aphighüyiko ghave keu momu aphighüyiko ghamo keu nomu akhoto kumoe; kiu no akhoto kepi aye, lhoxü kithé shiluve keu no ke.

Kolosiami 3:10

eno alhoaye akitheu pepuluvea ke. Alhoaye akitheu hu ye Pulhosükütsü Lhou no pa ithive no pa toi shiluve peniye shikithe tsü acheni.

1 Tim. 1:11

Kuchou külü ye kükümgha Lhou juküvü vehu tsakiviu gholo pulolu chekeu ke. Eno tipau ye Alhou no I pichetsü keu kümlà ke.

Titus 3:5

pa no ningu xaluve ke, tiye ningu no amikucho kümlà shikeu ghenguno kumoe ikemu paw kimiyekini ghenguno ke. Qhukimthe keu lono punú kithe keu eno Aghungu Kimthe lono shikithe keu vechewo pa no ningu xalu ke,

James 1:23

Khukhumu atsa likhi ini püzü tipau shichemo kemi ye timi lakhi no ahiju lo pa gi ithulu akeu toi ke,

1 John 3:2

Kimiye chekemi shompamiqo, itehi ningu ye Alhou nuliqo ke, eno ningu ye kiu shive nani keno tipau pephe-piye mphie. Ikemu kughou Khristo ipeghini keno ningu ye pa toive nani kepi ningu no ithi ani, kughengu pa ye kiutoi keno ningu no ithulu nani.