2 Kor. 3:1 - Sümi Tiqhelimi Bible

¹ Ningu ye itaghi nilikhi ni sheqhe thuvea keshea? Momu timi kütami toi ningu ye nongu lau no momu no küdau no ashepe kütsü yèsüqo avehupu shi ani keshea?

BAIBEL (BSI)

¹ Ninguye itaghi nilikhi ni sheqhe thuve akesha? Timi khami toi, nongu launo momu nongu kudau ninguye sheqhekeu yesu avehupu shi ani kesha?

Sumi Naga CL (Re-edited) Bible (BSI)

¹ Ningu ye itaghi ningu ampi shepe shithuve akeshea? Ikeo timi khami toi nongu lau ighini keu shepekütsü yesü momu nongu launo ti avehupu shi ani kea?

2 Kor. 3:1 ပူးပေါင်းရင်းမြစ်များ

Apostolmi 18:27

Kughou Apollos no Achaia lo wu nishi akeno, athiküzümi eno achelimiqo no pa shikumto eno akhopemiqo vilo pa sasǘ tsülo ipi akiyé yètsü. Kughou pa no Achaia tolu keno, Alhou’w küpükini lono küpülümi shiluve keqo lau pa ye akukuphu kijè shilu.

Rommi 16:1

I no nongu lau ningu chepu Phoebe kilethi tsü ani. Li ye Cenchreae kukuho lo deacon lakhi shi ani.

1 Kor. 10:33

Ni ghí alaghi jeli thowkha lo nongu kümtsü mlopiqi tsü niye pükapütsa acheni ke. Kughengu ni ye I likhi I kivipu phu chemoe ikemu timi kutomo kivipu phu acheni, tishianguno panongu pelo xaluve peniye ke.

1 Kor. 16:3

Tishiaye kughou I no ighini keno nongu no timi kishè püaghi kemiqo lau no I no kilethi keu yèsüqo tsüpuwuni eno panongu pelo Jerusalem lo nongu ghò pesü wu peni.

1 Kor. 3:10

Alhou no küpükini I tsüpüa keu vechewo ni ye aki kishimi alokütsümi lakhi toi aboqha qhapüa tsü ani, ikelo ye kütami khami no tipau shou aki shipuku anie. Ikemu khukhumu aboqha hipau shou shipukuni aye, kutokughoi moayesa nani.

1 Kor. 4:15

Tsalá nongu no Khristo lono nongu kiche-piye tsüní kemi qhethonhe chighí aghí namu, nongu ye apù kutomo anike kumoe, kughengu Khristo Jisü lono eno atsakiviu kütsü keu vechewo ni ye nongu papù shiluvea ke.

2 Kor. 10:12

Ningu ye alikhi ampi sheqhe chekemi khami sasü jokümtsa momu kimghi akepu kühae. Kughou panongu no pano likhi panongu pesü mighi kiléju eno pano likhi panongu pesü kimghi kilé keno, panongu ye alokütsümi ke kumoe.

2 Kor. 10:18

Kughengu timi lakhi no pa likhi pa sheqhe keu ye achipi kumoe, ikemu Alhou no sheqhe keu no achipi ke.

2 Kor. 10:8

Ike Ampeu no nongu xaqhive penike ghenguno kumo no aghungu lo nongu shiqhepuku peniye kükagha ningu tsüpüa keu ghenguno I no ighümo no aqheküza shi anamu ni ye tighenguno kujovemo nani.

2 Kor. 12:11

I no I likhi I pesü nikhanighami lakhi toi shi kelo ye, nongu no kuchou no I pesü nikhanighami shive tsüae. Nongu ye ni akishé tsü akepu ke kughengu ni ye kumukumo kemu ni ghí “apostolmi akiqheu” ipi chekemiqo nguno ighono aqhou ye kumo ke.

2 Kor. 12:19

Nongu ye ado hito-tohi nongu lau no nilikhi ningu süsho ani küghashi kümsü ani keshea? Khristo gholo ache kemi toi ningu ye Alhou zülo no pi acheni; ikehu kimiye chekemi shompamiqo! Ningu no mülà keu kümtsü nongu shikumto pe nikeu ghenguno ke.

2 Kor. 2:17

Ningu ye kütamiqo toi alá shini keu ghenguno Alhou tsa pesü mülalei shi jechu chemoe. Tishini ke züqhulo, ningu ye Khristo lono amikucho shi no Alhou lau no ighi kemi toi Alhou zülo pi acheni.

2 Kor. 5:12

Ningu ye itaghi nongu lau ningu likhi ningu akishé tsü niye shi anike kumoe, ikemu nongu pelo ningu ju pesü agijivilei apenike adokivi lakhi nongu tsü anike. Tishi keu vechewo nongu pelo khunoqo no amlo lo akeu kumo no ithukulu thime shou pükhü pesü agijivilei acheni keno tipaqo khochilelu peniye ke.